Nehemías 8:16 - Biblia Dc en Mixe de Quetzaltepec

¹⁶ Kajpnkajpn ets näjyëtu'un ma ja Jerusalén kajpnën ja'ay tmaynyitso'ontë ja y'ujts'aay kyepy'ääy ets tmëja'ajtë, tam mëti'ipë y'oytyuunën ja tyëjkxo'omy tyëjkëjxm, tyëjkpë'aay, tyëjkwinm ets ojts tyaj'oyëtë jam tsajptëjk'ëkë'ëm, ma nyitëjk'aawën ja tëjk ma nëë tyaj'itën ets ma ja nyitëjk'aawën ja Efraín ja tyëjk.

Biblia Mixe de Quetzaltepec

¹⁶ Kajpnkajpn ets näjyëtu'un ma ja Jerusalén kajpnën ja'ay tmaynyitso'ontë ja y'ujts'aay kyepy'ääy ets tmëja'ajtë, tam mëti'ipë y'oytyuunën ja tyëjkxo'omy tyëjkëjxm, tyëjkpë'aay, tyëjkwinm ets ojts tyaj'oyëtë jam tsajptëjk'ëkë'ëm, ma nyitëjk'aawën ja tëjk ma nëë tyaj'itën ets ma ja nyitëjk'aawën ja Efraín ja tyëjk.

Nehemías 8:16 ပူးပေါင်းရင်းမြစ်များ

Nehemías 12:39

najxtës jam ma Efraín tyëjk yajwin'ijxpetyën, najxtës jam ma ja Jesaná ja tyëjkwiinën, ma ja nyitëjk'aawën ja nëë jëyujk, ma ja Hananel ja pyotyën, ma ja mëjpotsy tijtën mëko'px potsy, jampaat ma ja kupixyny jam ja nyitëjk'aawën; ets jam ojts jam wäänë mpo'kxtës ma ja tyëjk'aawëtyën ja Kwent'ajtpëty.

2 Reyes 14:13

Ja Joás, mëti'ipë jam yajkutujkpën Israel, ojts tmatsy ajuukyë ja Amasías jam Bet-semes, ja Judá yajkutujkpë ets ojts nyijkxy jam Jerusalén, ma tyaj'ëwatsyën ja mëjpotsy mëti'ipë ja naax kajpn nyapots'ajtypyën, jä'ä myëjwiinëty mëko'px xajpk, këjääpaat ja potsy tjijty, jampaat tsyo'ontä'äky ma ja tyëjk'aawën ja Efraín ets jyä'ty maapaat ja kajpnnuxën.

Nehemías 12:37

Ynyajxtë jam këjxm ma ja tëjk'aawën mëti'ipë tyijtëpën Taxnëë ets tkuuynyëjkxtë ja mëjpotsy, pyäjtë'ktë jam ma ja David ja kyajpn yajnipäjtë'ëkyën ets nyajxë'ktë ma ja David kyutujktaknën, tyimjajtë jampaat ma ja tëjk'aawën mëti'ipë tyijtëpën Nëë'aaw, mëti'ipë ku'ijxnajxpën matsow ja xëëw pyëtsimyën.

Nehemías 3:26

tyimjajty jampaat ma ja nëëtëjk'aawën, mëti'ipë najts'ijxëpën matsow xëëw pyëtsimyën ets näjyëtu'un tkoj'o'oyëy ja mëjpotsy. Mëti'ipë ënety kukajpnajtëpën jam Ofel yë'ë jap tsajptëkoty mëtuuntë,

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Nehemías 8:3

jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

2 Crónicas 33:5

Ojts jam tsajptëjk'ëkë'ëm ëpëky t'oytyuny ja wintsë'këntyakn ets yë'ë tuknikojëy ja xëëw po'o xëëw mëtsa'a.

2 Crónicas 20:5

Tä ja Josafat tyëjkëy jam kajpxpë ja'ay'itkujky, ma ja Judá ja'ayëty të nyiye'eypyätën jam Jerusalén tsajptëjk ëkë'ëm,

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

Deuteronomio 22:8

Ko pën tu'uk yë tyëjk tkojëty, jam tëjknëkëjxm nëjkxëp yë pya'a tnapojts'ëwtijtë, këtiipë jam pën y'awa'knaxëty ets pën pyokytyëkëty ma ja ja'ayëtyën mëti'ipë ënety tääpë ja jëën tëjk tyuktsëna'ayëtëpën.

Nehemías 8:1

Ënet ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.