Nehemías 8:12 - Biblia Dc en Mixe de Quetzaltepec

¹² Ënet ja ja'ay tyëjkëtyääytyë kääpyë ukpë ets tpëjkwa'kxtaaytyë ja jyi'kxyëty pyikyëty tiijaty ënety të tyaj'oyëtën ets tuuntën ja mëj xëëw, jä'ä ko ojts tja'akyukëtë mëti'ipë ënety të yajtukwinkukajpxëtën.

Biblia Mixe de Quetzaltepec

¹² Ënät ja ja'ay tyëjkëtyääytyë kääpyë ukpë ets tpëjkwa'kxtaaytyë ja jyi'kxyëty pyikyëty tiijaty ënäty të tyaj'oyëtën ets tuuntën ja mëj xëëw, jä'ä ko ojts tja'akyukëtë mëti'ipë ënäty të yajtukwinkukajpxëtën.

Nehemías 8:12 ပူးပေါင်းရင်းမြစ်များ

Salmos 119:174

Wintsën, ëjts ntsojkpyës ets mijts xyajnitso'okëtyës. Ëjts janty jotkujkës nnäjyawëty mëët yë m'ijxpëjkën.

Lucas 24:32

Ets nyäy'ënanëtë: Paatyëm jëtu'un janty jotkujk të näjya'awëmë ko tu'ujoty ja Dios ja y'aaw y'ayuk të xytyukmëmëtyakëmë.

Salmos 119:171

Mëët yë n'aawës mijts nmëjpëjktä'äky, jä'ä ko tëës xytyukni''ixë yë m'ënä'ämën mtëyajtën.

Salmos 119:130

Ko yë m'aaw m'ayuk yajkäjpxy yajmëtyä'äky, kyutë'kxyp yë jot winma'any, ets yajwijytyäkpy yë ja'ay mëti'ipë yu'unk naxym ja'ay'ajtpën.

Salmos 119:127

Paaty ëjts mëkës ntsoky njawë yë m'ënä'ämën mtëyajtën këtiinëm jyëtu'unëty yë wa'ats pu'ts pujxn.

Salmos 119:111

Ëjts jëtu'unës njawë yë m'ënä'ämën mtëyajtën tä tu'uk yë kuma'ayënën winë xëëw winë jëmëjtpë y'ityën, jä'ä ko yë'ëjëty yajjotkujkëp yë njot nwinma'anyës.

Salmos 119:97

Mëkës ntsojkën'aty yë m'ënä'ämën mtëyajtën. Ko nyäxy yë xëëw po'o yi'iyës nmëmääpy nmëtäjpy.

Salmos 119:72

Mëët ëjts, ni'ikës njawë tsyowpaaty yë m'ijxpëjkën mëti'ipë mijts mnikäjpxy mnimëtyäkpyën, këtiinëm jyëtu'unëty mëjpë këjääpë wit meeny, ijxtëm pu'ts pujxn poop pujxnën.

Salmos 119:16

Janty jotkujkës nnäjyawëja'anyë mëët ko jää xyaj'ity yë m'ënä'ämën mtëyajtën, ka'apës nijëna'a nja'atyëkoyä'äny yë m'aaw m'ayuk.

Salmos 119:14

Ni'ikyës ntukxoonta'aka'any yë m'ënä'ämën mtëyajtën, ets ka'ap jyëtu'unëty yë kumeenyajtën.

Job 23:12

Xëmës të npatuny yë y'ënä'ämën, tyiyajtën, kyutujkën ets ka'ap kë'ëmwinma'any tii të ntunyës.

Romanos 7:18

Nija'apës koos, maas të ntukmin të ntukja'tën ja ëxëëkpë, ka'ap ja oypyë yajpaaty; paaty ja ëxëëkpë yë'ë ntunyës oy ja oypyë njatuna'anyës.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Apocalipsis 11:10

Oy ets akujk jotkujk ja naaxwiinyëtë ja'ay nëjkx nyäyjyawëtë ko t'ixtëty ko tëë ja ja'ay y'ooktë. Nëjkxëp nixëëwtuntë ets nyämyo'ojëtë ja näykyumayë nixim niyam, jä'ä ko tääpë ja käjpxynyajxpëtëjk je'eyë ijty y'atsipëtë.

Nehemías 8:10

Ets ja Esdras y'ënëmaayëtë: Nëjkx mkaytyë m'uuktë akujk jotkujk, uuktë pëktë mpa'aknëëjëty, wowtë witstë mëti'ipë ka'ap tii të tnipëjktaakën ma jyëën tyëjkën jä'ä tyampë xëëw tëë yajtuknipëjktaakë ets Wintsën tjä'ä'atëty. Këtiimës yë mmontë mtuktë jä'ä ko ja Wintsën ja jyotkujk'ajtën yë'ë nwa'anëm tsoktakn.

Nehemías 8:11

Näyjyëtu'un ja Leví ja'ayëty ojts ja mayjyä'äy t'ënëmaaytyë ets y'ëmontëty këtiipë nëkoo jyë'ëtëty ya'axtëty jä'ä ko tääpë ja xëëw tëë ënety tuknipëjktaakëtë ets yë'ë ja Dios tjä'ä'atëty.

Nehemías 8:13

Komjëpom myujktë ja mëjja'aytyëjk, teetytyëjkëty ets Leví ja'ayëty ets t'ixpëka'antë mëët ja yaj'ijxpëjkpë Esdras ja aaw ayuk mëti'ipë ja ënä'ämën tëyajtën nyimëtyäkpyën,

Ester 9:22

jä'ä ko, jä'ä xëëw jä'ä po'o ojts ja Jutiiyë ja'ayëty ja myëtsip tyajkutëkoytyë ets jä'ä xëëw jä'ä po'o ojts ja monyëtukyë y'ëxmatsëtë mëti'ipë xi'iky xony awinpijtën. Ya'atë xëëw mëj'äämpy nyäjxy, paaty ojts ja ënä'ämën tyajwë'ëmtë ko jää mëpaat ja'ay xyi'iktë xyoonta'aktë; jää näjyëtu'un tyajmuktëty ja ayajk ako'onën mëti'ipë tyukputëkëtëpën ja ëyoopëja'aytyëjk.

1 Crónicas 29:22

Janty xoontä'äky ojts kyäytyë y'uuktë jam Wintsën wyintum. Ënet ja Salomón, David ja myaank, mëmäjtsk'ok nikajpxpäjtë ets yë'ë y'ënä'äm yajkutukëty ets ojts tkënu'kxtë jam Wintsën wyintum. Jëtu'un ojts wyi'imy yajkutujkpë ja Salomón ets Sadoc jä'ä ojts yajtuknipëky ets yë'ë tyeety'atëty.