Nehemías 8:1 - Biblia Dc en Mixe de Quetzaltepec

¹ Ënet ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.

Biblia Mixe de Quetzaltepec

¹ Ënät ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.

Nehemías 8:1 ပူးပေါင်းရင်းမြစ်များ

2 Reyes 23:2

Ja yajkutujkpë ets ja ja'ayëty jampë kyukajpn'atën Judá ets Jerusalén, ja teetytyëjkëty, ja Wintsën ja myëtuunpë ets tëkokyë ja naax kajpn mëjpë mutskpë; ni'ëmukë nyëjkxtaaytyë ma ja Wintsën ja tsyajptëjkën. Jam ja yajkutujkpë ojts tkäjpxy ja noky mëti'ipë myë'ijtypyën ja käjpxytyu'unën japë të yajpaatyën ma ja Wintsën ja tsyajptëjkën.

2 Crónicas 34:15

Tääts ënätyë tuk'ëwa'anëy ja Safán, mëti'ipë kyujääpyën winë ets tkë'ëmooy ja noky.

2 Crónicas 34:30

Ënet ojts nyëjkxta'atë jam ma tsajptëjkën; ja yajkutujkpë, ja Jerusalén ja'ayëty, ja Judá ja'ayëty, ja teetytyëjkëty; Leví ja'ayëty ets ja pi'k ëna'këty mëjpë mutskpë yä'äypyë to'oxypyë; tä ja yajkutujkpë tukwinkukajpxëy ja mayjyä'äy ja noky wi'ixjaty y'ënä'änyën mëti'ipë ënety të yajpaatyën jap tsajptëkoty ma Wintsën ja tyëjkën.

Esdras 7:1

Kom ok, ma ënety yajkutukyën yë Artajerjes jam Persië, ojts jam jyuuky'äty tu'uk ja'ay mëti'ipë xyëëwajtypyën Esdras, yë'ë y'u'unk y'ok yë Seraías, yë Azarías ets Hilquías,

Esdras 7:10

Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Esdras 7:11

E tsyaats tu'uk ja noky ojts yajnijaaytyu'uty mëti'ipë ja yajkutujkpë Artajerjes myooyën ja Esdras, mëti'ipë teety'ajtpën, yaj'ijxpëjkp ets ixpëkyjyä'äy, mëti'ipë yajxon të tnijawën ja Wintsën ja y'ënä'ämën tyiyajtën mëti'ipë ja Israel ja'ayëty y'ëwtajtëpën.

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Nehemías 12:26

Ya'atë ja'ayëty jää jyuuky'ajtë ma yajkutujkyën yë Joaquim, myaank yë Josué ets yë'ë Josadac y'ok'u'unk; ets ma yajkutujkyën yë Nehemías ets ma ja teetyën ets yaj'ijxpëjkpë Esdras jyuuky'äjtyën.

Nehemías 12:37

Ynyajxtë jam këjxm ma ja tëjk'aawën mëti'ipë tyijtëpën Taxnëë ets tkuuynyëjkxtë ja mëjpotsy, pyäjtë'ktë jam ma ja David ja kyajpn yajnipäjtë'ëkyën ets nyajxë'ktë ma ja David kyutujktaknën, tyimjajtë jampaat ma ja tëjk'aawën mëti'ipë tyijtëpën Nëë'aaw, mëti'ipë ku'ijxnajxpën matsow ja xëëw pyëtsimyën.

Nehemías 3:26

tyimjajty jampaat ma ja nëëtëjk'aawën, mëti'ipë najts'ijxëpën matsow xëëw pyëtsimyën ets näjyëtu'un tkoj'o'oyëy ja mëjpotsy. Mëti'ipë ënety kukajpnajtëpën jam Ofel yë'ë jap tsajptëkoty mëtuuntë,

Nehemías 8:16

Kajpnkajpn ets näjyëtu'un ma ja Jerusalén kajpnën ja'ay tmaynyitso'ontë ja y'ujts'aay kyepy'ääy ets tmëja'ajtë, tam mëti'ipë y'oytyuunën ja tyëjkxo'omy tyëjkëjxm, tyëjkpë'aay, tyëjkwinm ets ojts tyaj'oyëtë jam tsajptëjk'ëkë'ëm, ma nyitëjk'aawën ja tëjk ma nëë tyaj'itën ets ma ja nyitëjk'aawën ja Efraín ja tyëjk.

Nehemías 8:3

jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Mateo 13:52

Ënet ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kuttujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 23:2

Yë tsajptëkotyëtë yaj'ijxpëjkpëtëjk ets fariseë ja'ayëty, mëti'ipë ënä'ämën tëyajtën nyija'awëtëpën, yë'ë kyajpxnajxtëp mëti'ipë ja Moisés ojts tni'ënä'ämën.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Deuteronomio 31:11

Jam ma Israel ja'ayëty të nyiye'eypyätën ma ja it naaxwiinyëtën mëti'ipë ja mWintsënëty të twin'ixyën, ënät yajkajpxëty ya'atë ënä'ämën jam mayjyä'äyjyotm.

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

Jueces 20:8

Ënet tu'kmukyë wya'akë'ëktaaytyë ets y'ënantë: Tyam ni pën kyawinpitëty ets kyanëjkxëty ma tyëjkën.