Nehemías 7:65 - Biblia Dc en Mixe de Quetzaltepec

⁶⁵ Yë'ëpaat ja yajkutujkpë ojts tni'ënä'ämë ets ka'ap ni pën kyäy y'uukëty ets ni pën tkajë'kxëty ja jë'kxy pëky mëti'ipë kënu'kxyën, koonëm yajxon yajnijawëty jënu'un wiinkëtä'äkyën mëët ja tsaa mëti'ipë ijty winë mëët t'ijxpëtsëmtën, mëti'ipë tyijtëpën Urim ets Tumim.

Biblia Mixe de Quetzaltepec

⁶⁵ Yë'ëpaat ja yajkutujkpë ojts tni'ënä'ämë ets ka'ap ni pën kyäy y'uukëty ets ni pën tkajë'kxëty ja jë'kxy pëky mëti'ipë kënu'kxyën, koonëm yajxon yajnijawëty jënu'un wiinkëtä'äkyën mëët ja tsaa mëti'ipë ijty winë mëët t'ijxpëtsëmtën, mëti'ipë tyijtëpën Urim ets Tumim.

Nehemías 7:65 ပူးပေါင်းရင်းမြစ်များ

Esdras 2:63

Ojts näjyëtu'un ja yajkutujkpë kë'ëm y'ënä'äny ko ka'ap tyaapë ja'ay nëkoo tkaytyëty t'uuktëty ja jë'kxy pëky mëti'ipë kënu'kxy ijtpën, koonëm tëy ja teety t'ëk ijxpëtsëmëty mëët ja Urim ets Tumim täänëm yajnijawëty pën mëpaat'ajtp tii tjë'kxtë.

Nehemías 10:1

Ëëtsëty yam ya'atë noky nyajkojtëp, ntsa'aja'antës ets nkë'ëkaa nkëxtijja'antës: Ëjts, Nehemías maas xy'u'unk'atyën yë Hacalías, mëti'ipë ënety yajkutujkpën; Sedequías,

Nehemías 7:64

Ya'atë ja'ayëty ojts xyëëw jyayaj'ixta'atë, je'eyëp ko ka'ap maa yajpaty, paaty tyim yajjo'tstë ma ja teety'ätyën.

Nehemías 7:66

Ma ja naax kajpnën jä'ä ja ja'ay ënety nyimayëty niwinë wëxtyikxy mäjtsk mil ja tëkëëk mëko'px,

Nehemías 7:70

Ojts mëti'ipë ja'ay tyaktë yë wit meeny kë'ëmwinma'any mëti'ipë tuunën ko ja tsajptëjk ja nyapotsy yajkoj'o'oyëy, ojts näjyëtu'un yajkutujkpë tnayäky meeny, pu'tsmeeny, jä'ä jye'emtyëty tuktujk mil aak pu'ts pujxn, ëpëky wëxtyikxy majk a'ukën, aakyë'ë pu'ts pujxnëpë ets ëpëky mëkoxk mëko'px teety wit oyëtypë.

Nehemías 8:9

Ko ja ja'ay tmëtoow'ijtë ja ënä'ämën ets tja'akyujkëtyë wi'ixjaty y'ënä'änyën tä tyëjkëtyë jëëpyë yaxpë, ko jëtu'un t'ijxy ja yajkutujkpë Nehemías ets ja yaj'ijxpëjkpë Esdras ënät t'ënëmaaytyë ja naax kajpn ko këtii myontëty tyuktëty jä'ä ko ja xëëw po'o jä'ä ënety ja Wintsën të yajtuknipëjktaakë ets jää yajmëjjaw yajaantyjyawëty.

Éxodo 28:30

Ënet xypyëjkta'akëty ma katsyjyänën ja tsaa'u'unk mëti'ipë mëët winë yajnijawën mëti'ipë yajtijpën Urim ets Tumim. Ja tsaa'u'unk mëti'ipë mëët winë yajnijawën yë'ë ijty winë tyuknipaye'eytyëp. Ets Aarón jam tmënëjkxëty kyejkyijxy, ko nyäwya'këxë'ëkëtëty jam Dios wyintum. Yë Aarón xëmë tmënëjkxëty mëti'ipë winë tyuknipaye'eyëpën, ko nyëjkxëty jap ma Wintsënën.

Deuteronomio 33:8

Ënet ojts tkënu'kxy ja Leví mëët ya'atë aaw ayuk: Wintsën mijts mjä'ä'ajtyp yë tsaa'u'unk mëti'ipë mëët winë yajnijawën. Näyjyëtu'un ja ja'ay mëti'ipë oy mëtuunëpën, mijts mjä'ä'ajtyp, ja ja'ayëty mëti'ipë mwinma'any'ijxën jam Masá, ets ojts jam Meribá mëët mnäyajjoot'anpëkyë,