Nehemías 7:6 - Biblia Dc en Mixe de Quetzaltepec

^6-7 Yaa jëtu'un ja Israel ja'ayxyëëw myintë mëti'ipë ojts myëxu'unk'atën jam Judá ets ojts yajmënëjkxtë Babilonyë tsumy matsy, Nabucodonosor ojts yajnëjkxëtë, mëti'ipë jatëkok winpijtën jam Jerusalén ets Judá ko y'ëwaatsëpëtsëëmtë, aakjä'ä nyinëjktaaytyë ja nyaax kyajpnëty ma tsyo'ontën. Zorobabel, Josué, Nehemías, Aarías, Raamías, Nahamaní, Mardoqueo, Bilsán, Mispéret, Bigvai, Nehúm ets Baaná ojts nyikopk'atëtë:

Biblia Mixe de Quetzaltepec

^6-7 Yaa jëtu'un ja Israel ja'ayxyëëw myintë mëti'ipë ojts myëxu'unk'atën jam Judá ets ojts yajmënëjkxtë Babilonyë tsumy matsy, Nabucodonosor ojts yajnëjkxëtë, mëti'ipë jatëkok winpijtën jam Jerusalén ets Judá ko y'ëwaatsëpëtsëëmtë, aakjä'ä nyinëjktaaytyë ja nyaax kyajpnëty ma tsyo'ontën. Zorobabel, Josué, Nehemías, Aarías, Raamías, Nahamaní, Mardoqueo, Bilsán, Mispéret, Bigvai, Nehúm ets Baaná ojts nyikopk'atëtë:

Nehemías 7:6 ပူးပေါင်းရင်းမြစ်များ

Esdras 6:2

e jam ma ja kyutujkëntëjkën ja Ecbatana, ma Media y'itjotmën, jam yajpaty tu'uk ja noky, ma tnimëtyä'äkyën ya'atë ja aaw ayuk:

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënety të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

Nehemías 1:3

Tääjës xy'ëtsoowtë: Mëti'ipë ojts kyä'äktën ets ka'ap yajwojpëtsëëmtë nyaaxjotyëty, jam tsyënaaytyajknpëjktë ma mutskëtypë ja kajpnën, yë'ëjëty yajxon jam mëk y'ëyoownëtë ets natsëtyu'unënëp kë'ëm ko n'ëk'ijxmëty wi'ix jyatën kyëpätën. E yë Jerusalén kajpn ënät, yë'ë tëë ja pyoty jyijtë'ktaaynyë ets ja nyitëjk'aaw jëna'ajëp ja ja'ay t'ano'ktutaaynyë.