Nehemías 7:1 - Biblia Dc en Mixe de Quetzaltepec

¹ Ko ja mëjpotsy ojts yajkoj'o'oyëtyä'äy ets ja nyitëjk'aaw tyëkëtyääy ënät ja ja'ay yajnikajpxpäjtë mëti'ipë kyëwent'atëpën ja tëjk'aaw, mëti'ipë ëwtëp ya'axtëpën ets ja Leví ja'ayëty.

Biblia Mixe de Quetzaltepec

¹ Ko ja mëjpotsy ojts yajkoj'o'oyëtyä'äy ets ja nyitëjk'aaw tyëkëtyääy ënät ja ja'ay yajnikajpxpäjtë mëti'ipë kyëwent'atëpën ja tëjk'aaw, mëti'ipë ëwtëp ya'axtëpën ets ja Leví ja'ayëty.

Nehemías 7:1 ပူးပေါင်းရင်းမြစ်များ

Nehemías 6:15

Ja potsy jä'ä yajkoj'o'oyëtyääy ma y'ipxmëkoxk anyën ja Elul po'o ets wëxtyikxy majkmokx mäjtsk xëëw ojty nyituunkë.

Nehemías 6:1

Ko ja Sambalat, Tobías, Guésem, ja arapyë ja'ay ets ja wiinkëtypë ja mëtsiptëjk tnija'awëtyë ko tëë ënety yajkoj'o'oyëtyä'äy ja mëjpotsy mëti'ipë kajpn nya'ëwtijtypyën ets ko ka'ap ënety nimaa najxtakn ëwa'ats të yaj'ëxmatsy, oy ënety yi'iyë jyaak tëkoy'ätynyëm ja tëjk'aaw muumëty,

2 Crónicas 31:2

Ezequías tyuknikäkëtyääy ja teetytyëjkëty tiijaty tyuntëpën, mëti'ipë ojts tyuka'ajëtë tyaktëty ja wintsë'kën ma Wintsënën ma ja nay'ëëw'oy näykyajpx'oyë y'ityën, mëti'ipë ojts tyuka'ayë twin'ëw twinya'axtëty ja Wintsën ets mëti'ipë ojts tyuka'ayë tkëwent'atëty ja tsajptëjk'aaw.

Nehemías 12:24

Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.

Nehemías 11:3

E tsyaats yajnikäjpxy ja kopktëjkëty pënjaty ojts nyijkxy jam Jerusalén tsënääpyë. Ma ja Judá ja nyaaxjot kyajpnjotmën yë'ë ojts jam tsyënaaytyaknpëktë yë teetytyëjkëty, Leví ja'ayëty, ja päätë'k ja'axë'kpëty mëti'ipë jam tuuntëpën ma tsajptëjkën ets y'u'unk y'okëty ja ja'ayëty mëti'ipë jam päätë'k ja'axë'ktën ma ja Salomón ja y'u'unk y'okëtyën, nitu'ukjaty pyataaytyë ja kyajpn ets ja nyaax kyamtëjk.

Nehemías 10:39

jä'ä ko yë Israel ja'ayëty ets Leví ja'ayëty yë'ë patëtëp tmënëjkxtëty yë tsajpmok, uuky ets on jam ma pëjkë'ëky y'ityën yë apëjk atu'unën kënu'kxypyë, näjyëtu'un ma ja teetyëjk mya'atën pyo'kxtën mëti'ipë këwent'ajtëpën, ma y'itën ja mëti'ipë ja tëjk'aaw y'atënaaytyëpën, ets ma y'itën mëti'ipë ëëwtëpën yaxtëpën, jampë ma tsajptëjk yajpaatyën. Ets ojts ni'amukë n'ëna'antës ko ka'ap yaj'ëxmatsëty yë tsajptëjk.

Esdras 3:8

Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënety jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënety të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

2 Reyes 7:10

Ënet tsyo'ontë ets ojts nyëjkxtë jam kajpnjotm, ko jam jyajtë tä ojts tmëkajpxtë ja tuunpëtëjk mëti'ipë ja kajpn kyëwent'ajtëpën ets t'ënëmaaytyë: Tëës jam n'otstë ma ja Siria ja'ayëty nyäkëwent'atëtën, ni pën jam të nkapaatës; nimaa pën kyakäjpxy kyamëtyä'äky. Yi'iyë të n'ixtës ja wyitëjkëty ma të y'itën ets ja këwaayëty kruktsëty jëtu'un tä tmëmiintën.

Nehemías 6:19

Ets oy ijty mëti'ipë kyumayë ëjts nwintuuyës ets tyukmëmëtyä'äkyë ja ja'ay winë mëti'ipë nkäjpxy nmëtyäkpyën, e yë'ë janaam jatsojk ijty noky xytyuknikexyës ets nyätyijyë nëkoo xyjya'ëtsë'ëkëja'any.