Nehemías 6:9 - Biblia Dc en Mixe de Quetzaltepec

⁹ Yë'ëjëty jä'äjëtën ojts tjawinma'any'atë ets jeexyë xy'ëtsë'ëkëtës ets jeexyë ja tuunk yaj'ëxmatsy ets jeexyë ka'ap wyintu'upëky; e ëëtsëty ni'ikyënëmës ja ojts amëjaaw ntuuntsoontë.

Biblia Mixe de Quetzaltepec

⁹ Yë'ëjëty jä'äjëtën ojts tjawinma'any'atë ets jeexyë xy'ëtsë'ëkëtës ets jeexyë ja tuunk yaj'ëxmatsy ets jeexyë ka'ap wyintu'upëky; e ëëtsëty ni'ikyënëmës ja ojts amëjaaw ntuuntsoontë.

Nehemías 6:9 ပူးပေါင်းရင်းမြစ်များ

2 Crónicas 15:7

E miitsëty xëmë m'itëty amëk jotmëk, ja tuunk mëti'ipë myajtu'uye'eytyëpën nëjkxëp mëjwiin këjää xytyuk'oy'atë.

2 Crónicas 32:18

Ja Senaquerib ja jyä'äyëty nëkooyë janty mëk y'ënaankëtaktë ets nyätyijyë ja ja'ay t'ëtsë'ëkëja'antë mëti'ipë jam këwent'ajtëpën potsykyëpajkm, hebreo ayuk ojts tukmëkajpxtë ets jeexyë ja ja'ay tsyë'ëkëtë.

Esdras 1:6

Tëkokyë ja myëjëën myëtëjkëty ojts pyutëkëtë, tam mëti'ipë yajkën wit meeny, poop pujxn pu'ts pujxn ets tam mëti'ipë kë'ëmwinma'any yajkën ayak akonë.

Nehemías 6:14

Wintsën ma mijts n'ëwtatyën: Mja'amyätsëp xëmë wi'ix ja Sambalat ets ja Tobías y'ëtë'ëtstë y'ëna'antën. Këtii näjyëtu'un xyjyä'äytyëkoyë ja to'oxytyëjk mëti'ipë y'akäjpxypën winë mëti'ipë xyëëwajtypyën Noadías ets wiinkëtypë käjpxynyajxpëtëjk mëti'ipës nëkoo të xyjya'ëtsë'ëkëja'antën.

Salmos 138:3

Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

Salmos 56:3

Koos näjyawëty ntsë'ëkëja'any, ënetyës yë nwinma'any jam jyä'ty ma mijtsën.

Salmos 68:35

Janty oytyukxootaknë yë Dios jap yajpaaty ma tsyajptëjkën; yë Dios mëti'ipë Israel Tyios'ajtypyën, yë nyaax kyajpn yë'ë myëkmoopy myëjaawmoopy. Paaty yë Dios kënu'kxy mëjjawë mëpaat y'ity.

Salmos 71:1

Wintsën, jam ma mijtsën jamës n'ixta'ay yë kuwa'anën; ka'ap mëpaat nijëna'a tsëtyu'unmëët nwë'ëmyës maas ja nmëtsiptëjkën.

Isaías 40:29

Yë'ë myëjaawmoopy mëti'ipë të y'ënu'kxën, ets jyotmëkmoopy mëti'ipë pëma'ayën.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Jeremias 38:4

Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Ezequiel 30:24

Etsës yë Babilonyë yajkutujkpë ni'ikyë njotmëkmo'oja'any, etsës yë'ë ntukë'ëtëkëja'any yë ntëypyujxnës. Ntëjjänëpës yë faraón yë kyë'ë mäjtskëty ets ko ënety ja myëtsip të yajtsëtyutyë ëxëëk tjawëja'any ja tsyëtyut.

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

2 Corintios 12:9

e yë Wintsën jëtu'un të xynyëëmës: Yi'iyë myajmëyäjtyp yë ntsojkënës nja'awënës; jä'ä ko yë nmëk'ajtënës ni'ik tsyowpaaty ma ja pa'am ëyo'onën. Paatykyëjxmës jotkujk näjyawëty oyës npëkyë n'ixyë, jëtu'un nyikëxë'ëkëty ja Kristë ja myëk'ajtën ma ëjtsën.

Efesios 3:16

N'amëtoopy npëjktsoopyës ja Dios ets mjotmëkmo'ojëtëty ets myajpaatëty akujk jotkujk mëët ja mëk'ajtën mëti'ipë tso'onpën ma ja oypyë tsujpën, mëti'ipë myëët'ajtypyën ja Dios ja kyënu'kxymyëk'ajtën,

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Hebreos 12:12

Paaty miitsëty, yajjotmëkpëktë ja mkë'ë m'aawëty tëëpë y'ënu'kxën ets ja mkë'ë mtekyëty tëëpë xyuxyën;

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

1 Samuel 30:6

David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënety jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.