Nehemías 6:6 - Biblia Dc en Mixe de Quetzaltepec

⁶ tyaa tyaj'ëna'any: Jëtu'un yajmëtoy'äty ja'ay kyajpxtë myëtya'aktë ets näjyëtu'un Guésem y'ënä'äny, ko mijts ets jutië ja'ayëty mnipëtë'ëkantëpëk yë kuttujkën, paatyëk ja mpotyëty të xykyojts'oyëtë mëti'ipë ja mnaax mkajpnëty kyuwäänpyën. Näyjyëtu'un tnikäjpxy tnimëtya'aktë ko mijtsëk mtëkëjaanp yajkutujkpë,

Biblia Mixe de Quetzaltepec

⁶ tyaa tyaj'ëna'any: Jëtu'un yajmëtoy'äty ja'ay kyajpxtë myëtya'aktë ets näjyëtu'un Guésem y'ënä'äny, ko mijts ets jutië ja'ayëty mnipëtë'ëkantëpëk yë kutujkën, paatyëk ja mpotyëty të xykyojts'oyëtë mëti'ipë ja mnaax mkajpnëty kyuwäänpyën. Näyjyëtu'un tnikäjpxy tnimëtya'aktë ko mijtsëk mtëkëjaanp yajkutujkpë,

Nehemías 6:6 ပူးပေါင်းရင်းမြစ်များ

Nehemías 2:19

E ko tnija'awëtyë yë Sambalat jampë kyukajpnëtyën Horón, Tobías, mëti'ipë Amón ja'ayën ets ja Guésem mëti'ipë árabe ja'ayën, je'eyës ojts xynyëxi'ik xytyukxi'iktë ets ni'ikyënëmës ojts wiinkjaty xy'ënëëmëtë: ¿Tiitën miitsëty mtunantëp? ¿Ti wä'än jëtää mijts ja yajkutujkpë xypyuwa'ktu'uta'antë?

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

Romanos 3:8

Pën jëtu'un, ¿Tii ko ni'ikyë ëxëëk winë nkatu'unëmë ets myinëty ja oypyë? Jëtu'un jënaakën ja ja'ay myäytyë tyajtë, mëti'ipë ënantëpën koos yë'ëjës nimëtyäkpy ja ka'apë y'oyëtyën; tääpë ja'ay nitëjkëyëtëp ets nyitukëtëty.

Esdras 4:12

Tyam ëëtsëty nikajpxtë ets mijts myajtuknijawë ko ja jutië ja'ayëty mëti'ipë të xykyexyën ets wyimpitëty ma nyaax kyajpnëtyën yaa Jerusalén maas ntsëënëtën, tëëjës ja jya'të ets tëë ja tniwa'aktë ja tsajptëjktuunk ma ya'atë ja naax kajpnën mëti'ipë käjpxy kyumëtoownajxtëpën ets ëxëëkpë kyajpn'atyën. Tëë ja potsy'ëjx tyaj'o'oyëtya'atë ets tam ja potsy këjää tnayajtu'uye'eynyëtë.

2 Corintios 6:8

Jëna'ajëtyës pën xykyamëj'ixtë ets jëna'ajëty pën xyajjotma'atës; jëna'ajëty nyajnimëtya'aktës ëxëëk oyës ja mëtëypyë njanimëtya'aktë.

Juan 19:13

Ko ja Pilato jëtu'un tmëtooy ënät ojts tni'ënä'ämë ets ja Jesús tyajpëtsëmtëty ets nyaaxwe'tsy ënyääypyäjnkëjxy ma pyaye'eyën, ma txëëwatyën hebreo ayuk Gabatá, jä'ä nyiwijy Tsaa Winwääpy.

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Mateo 5:11

Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Esdras 4:15

wä'än tyajpaye'ey jap nokyjyot yajxon ma ëëts ja nkutujkpëty ja nyoky pëjkë'ëky tyaj'ityën. Ma ënät jap tnikäjpxyën ko ya'atë naax kajpn je'eyë kyäjpxykyutëjy ets ko kutsë'ëkë yajpaaty ma wiinkëtypë ja naax kajpnën ets ko tëëyëp ojts ëxëëk y'ëk'ëtëtstëpë paaty ojts y'ëkkutëkooytyëpë.

Nehemías 6:5

Ënätës ojts ja Sambalat tu'uk ja tyuunpë xytyimtuknikexy näjyä'ä ayuk tyukmëmiin tä ënety të y'ëk'ënaanpën ma ja mëmajktaxk'okpë ënety të xyjyakäjpxynyikäxtënës, ja noky jëtu'unyë ëwa'ats tkejyxy,

Nehemías 6:7

ko tëëjëk ja ja'ay xytyuknipëjktaaynyë ja tuunk ets jä'ä y'itëty ayuk akajpxpë mëti'ipë Wintsën myëtuuntëpën mëti'ipë ënät mnikajpxpätëtëpën ënä'ämpë yajkutujkpë jam Jerusalén ets ja käjpxy y'ëna'anëty ko jam Judá tam tyam ja yajjutujkënë. Ya'atë jëtu'unpë ayuk tsojk yajkutujkpë Artajerjes tnijawëty, paaty yam n'ënëëmë nikë tsojk ntimkyajpx ntimmyëtyakëm wiinxë jëjpxë.

Nehemías 6:13

xëmë ja meeny ijty t'ëxajë ets jeexyë ntsë'ëkë ets jeexyë ja Wintsën nmëtëkoyës. Tääts jeexyë ja ja'ayëty y'ëwtë kyajpxtë wiinkjaty mëët ëëtsëty.