Nehemías 6:2 - Biblia Dc en Mixe de Quetzaltepec

² ënät ojts xynyikäjpxykyäxëtës yë Sambalat ets Guésem, y'ëna'antë koos näpyaatëtëty muum kajpntuuy ma ja joyjotmën ma txëëwatyën Onó. Je'eyëp ko yë'ëjëty jä'ätën ënety të tjatuknipëjktaakëtë ets jeexyë xy'ëxëëktuntës.

Biblia Mixe de Quetzaltepec

² ënät ojts xynyikäjpxykyäxëtës yë Sambalat ets Guésem, y'ëna'antë koos näpyaatëtëty muum kajpntuuy ma ja joyjotmën ma txëëwatyën Onó. Je'eyëp ko yë'ëjëty jä'ätën ënäty të tjatuknipëjktaakëtë ets jeexyë xy'ëxëëktuntës.

Nehemías 6:2 ပူးပေါင်းရင်းမြစ်များ

2 Samuel 20:9

Yë Joab yë'ë mëët yë y'a'oykyë'ë tmajtsë ja Amasá y'atsëjts ets tsu'kxa'any, tääts tyajtëëy: ¿Wi'ix jyäty kyëpety mëkä'äx?

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

1 Crónicas 8:12

Elpaal y'u'unk y'ëna'k jä'ä xyëëwajtë Éber, Misam ets Semed, mëti'ipë yajkojën ja Onó kajpn ets Lot kajpn, mëët ja nyinaax nyikam ma ja yuutakn tuuntakn y'itëtyën;

Nehemías 11:35

Lot, Onó ets ma kojpëtëjk tsyënaaytyaknpëjktë jam joyjyotm.

Nehemías 3:22

Ja tuunk mëti'ipë jaaknëkxpën yë'ë ojts tjëjpwa'akëtë yë teetytyëjkëty mëti'ipë jam tsënaaytyëpën Jordán.

Nehemías 6:3

Ënätës ja ayuk ntuknikejxy koos mëj tuunkës ënety jap të nixajë ko ka'ap tjëkyapä'äny nëjkxëtyës ma yë'ë xyjyayaxtsowtënës, jä'ä ko pën njëjpwa'ktutypyës ja tuunk jëtu'unyë ja wyë'ëma'any.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Salmos 37:12

Yë ëxëëk ja'ay yë'ë myëmääpy myëtäjpy wi'ix t'ëxëëk tunëty yë ja'ay mëti'ipë oy tsuj juukyajtpën, ets ënät twintë'kxpety jëpyëkëm ko t'ëxëëk ixy.

Salmos 37:32

Yë ëxëëk ja'ay je'eyë tpa'ixy tpawoony yë ja'ay mëti'ipë oy juukyajtpën, ets nimay nitajë wi'ix tyaj'ookëtyën;

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Jeremias 41:2

ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënety jam të pyëjktä'äkyë ets jam y'ënä'ämëty.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.