Nehemías 5:9 - Biblia Dc en Mixe de Quetzaltepec

⁹ Etsës ojts njaaktimy'ënëëmëtë: tääpë xytyuntën ninu'un kya'oypëtsëma'any. Ni'ikyënëm jeexyë miits xywinkutsë'ëkëtë ja mTiosëty, këtiipë nëkoo xyajxi'ik xyaj ëwë'ëktëty ja ja'ay mëti'ipë ka'ap nmëkunaax'ajt nmëkajpn'ajtëmën.

Biblia Mixe de Quetzaltepec

⁹ Etsës ojts njaaktimy'ënëëmëtë: tääpë xytyuntën ninu'un kya'oypëtsëma'any. Ni'ikyënëm jeexyë miits xywinkutsë'ëkëtë ja mTiosëty, këtiipë nëkoo xyajxi'ik xyaj ëwë'ëktëty ja ja'ay mëti'ipë ka'ap nmëkunaax'ajt nmëkajpn'ajtëmën.

Nehemías 5:9 ပူးပေါင်းရင်းမြစ်များ

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

2 Samuel 12:14

Je'eyëp ko ja maank mëti'ipë të myëxu'unk'atyën kopkpëky ko y'ooka'any, mëët ko të ntuuntëkoy këjää yë Wintsën tjawë.

Tito 2:5

wijjyä'äy'atëty, wa'ats, ets pätë'ëky ja'axë'ëky ja jyëën tyëjk tyaj'itëty, oy ja jyot wyinma'any tmëët'atëty; këtiipë pën ja Dios ja y'aaw y'ayuk ëxëëk tnimëtyakëty.

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

Romanos 2:24

Paaty mëtëyën ijxtëm ja Dios ja y'aaw y'ayuk kyëxja'ayëtyën: Miits ja poky mmëët'ajtëp ko ja'ay tyajjoot'anpëktë yë Dios mëti'ipë ka'ap jyutiis'atën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Ezequiel 36:20

E oymyaakajpnëty ma ojts jya'tën, je'eyëm tni'ojëtë ja nxëëwës, jëtu'un ja ja'ay y'ëna'antë: Ya'atë kajpn Wintsën ijty y'ëwtajtëp, e atsip ojts tsyoontë ma nyaax kyajpnëtyën.

Proverbios 24:23

Ya'atë ojts näjyëtu'un tkajpxtë wijyjyä'äytyëjkëty. Ka'ap y'oyëty ko jam ma kutujktaknën win'ixy wiinkexy ja'ay yaj'oyjyawë.

Proverbios 19:2

Ka'ap y'oyëty ko tii mëj këjää ntsojkën'ajtmëty ets ka'ap jëyëjp nmëma'ay nmëtajmëty. Ko janty tsojkyë winë nyajwintu'upëka'anmëty, jëna'ajëty ka'ap oy wyimpëtsëmy.

Proverbios 18:5

Ka'ap y'oyëty ko yë kutuunktëjk t'oyjyawëtë tëëpë tyuuntëkoyën jä'ä ko tsojk ka'ap tii yajxon tnipaye'eya'antëty ets yë'ë wa'ats ja'ay t'ëkyajpokytyëjkënëtëty.

Proverbios 17:26

Ka'ap y'oyëty ko ja'ay nyajmeenyajkmëty mëti'ipë ka'ap nitii poky tunyën, ets ko yajwopy yajka'atsy mëti'ipë tsuj yajxon juukyajtpën.

Proverbios 16:29

Yë ja'ay mëti'ipë ëxëëk ëtëtsp ënaanpën, nëkoo je'eyë yë myëku'uk twin'ëëny ets jam tnajtskäxë ma ja ëxëëkpë ja në'ë aaw tu'u'aawën.

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Nehemías 4:4

Ënätës ja nTios'ajtëmë tmëkajpxtäky, etsës n'ënëmaay: Wintsën, Wintsën, ëkmëtoow'it wi'ixës ja ja'ay xynyëxi'ik xytyukxi'iktën. Ijxtëm tsoktë jeexyë ëëts njat nkëpätë wä'än yë'ë jëtu'un tjatë tkëpätë, yajkutuk ets myëtsiptëjk yajnëjkxëtë wiink naax wiink kajpn.

1 Samuel 2:24

U'unk maayëty, jëtu'un tä miits m'ëtë'ëtstën ninu'un kyatimy'oyëty, ëjts tëëjës wa'ats nmëtoy wi'ix yë Dios yë nyaax kyajpn mnimëtya'akëtën.

Génesis 42:18

e kom tëkëëk xëëw ojts t'ënëëmë: Ëjts ntsë'këpës yë Dios, tuntë ya'atë ets miits npokymyä'kxtëty.

Génesis 20:11

Tä yë Abraham y'ëtsooy: Ëjts tyaajës ënety nmay ntajy, ko ka'ap ntij yaa pën yë Dios tsë'ëkë ma ya'atë naax kajpnën, xyaj'ooktëpës ntij koos n'ënanëty, ko yë Sara nto'oxytyëjk yë'ë.

Nehemías 5:10

Näyjyëtu'un ja njëëky nmëku'ukës, ja ntuunpës etsës, tëëjës nja'ay wit meeny ntuk'ënu'kxtë ets tëëjës nmo'otë tsajpmok mëti'ipë kyäytyëp y'uuktëpën; e paatykyëjxm yam jëtu'un ja aaw ayuk y'ënä'äny ko nikë tsojk nimä'kxëm tääpë nmëku'uk'ajtëm oy tkakëpätëty mëti'ipë të nmo'oyëmën.

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.