Nehemías 5:5 - Biblia Dc en Mixe de Quetzaltepec

⁵ Jëtu'un tä ëëtsëtyën ets ja wiinkëtypë ja njëëky nmëku'ukëtyës tu'ukyë ëëtsëty; ja n'u'unk n'ëna'këtyës ka'ap ja tyëkatsy'ajtëpë mëët ja y'u'unk y'ëna'këty. E ëëtsëty yë'ëjës wiink nja'awëtyëp ko ja n'u'unk n'ëna'këtyës yä'äy'ëna'kpë to'oxy'ëna'kpë je'eyë myëtuun kyupëjknëtë. E ëëtsëty tiijës n'ëktuunta'aktëp kaka'atpën tii, ja nkam ntu'ujëtyës aak wiink ja'ay ja tyam jyä'ä'ajtaaynyëtëp.

Biblia Mixe de Quetzaltepec

⁵ Jëtu'un tä ëëtsëtyën ets ja wiinkëtypë ja njëëky nmëku'ukëtyës tu'ukyë ëëtsëty; ja n'u'unk n'ëna'këtyës ka'ap ja tyëkatsy'ajtëpë mëët ja y'u'unk y'ëna'këty. E ëëtsëty yë'ëjës wiink nja'awëtyëp ko ja n'u'unk n'ëna'këtyës yä'äy'ëna'kpë to'oxy'ëna'kpë je'eyë myëtuun kyupëjknëtë. E ëëtsëty tiijës n'ëktuunta'aktëp kaka'atpën tii, ja nkam ntu'ujëtyës aak wiink ja'ay ja tyam jyä'ä'ajtaaynyëtëp.

Nehemías 5:5 ပူးပေါင်းရင်းမြစ်များ

Génesis 29:14

Tä ja Labán t'ënëmaay: Tëy yë'ë ko mijts ntimjyiiky ntimmyëku'ukëty. Tu'kpo'o yë Jacob ojts wyi'imy ma jyämy Labán yë tyëjkën.

Génesis 37:27

Nikë tim oy'atëp ko ntukmëto'kmëty yë'ë Ismael ja'ayëty, ka'ap jëtu'un tpaatëty ko ntimyaj'o'kmëty ets oy jeexyë wi'ix njama'ay njatajëmpë, n'uty'ajtëmën yë'ë. Ënet ja myëkä'äxtëjk oy tmëtoowtë ja winma'any, mëti'ipë ënety ja Judá nyikäjpxypën.

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Proverbios 22:7

Ma ja ëyoopëja'aytyëjkën, ja kumeenyjyä'äy jä'ä jam ënä'ämp; ets ma ja'ayëtyën mëti'ipë nu'kxtëpën, yë'ë jam ënä'ämp ja mëti'ipë yajnu'kxpën.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.