Nehemías 5:4 - Biblia Dc en Mixe de Quetzaltepec

⁴ wiinkpë y'ënä'äny ko may të nyu'kxnë jä'ä ko ja yajkutujkpë tjanty amëtoy ja ayajk ako'onën, may mëti'ipë tëë tnimeenykyo'onënyën ja nyaax kyajpn kyamtëjk. Tam wiinkpë mëti'ipë ënaanpën:

Biblia Mixe de Quetzaltepec

⁴ wiinkpë y'ënä'äny ko may të nyu'kxnë jä'ä ko ja yajkutujkpë tjanty amëtoy ja ayajk ako'onën, may mëti'ipë tëë tnimeenykyo'onënyën ja nyaax kyajpn kyamtëjk. Tam wiinkpë mëti'ipë ënaanpën:

Nehemías 5:4 ပူးပေါင်းရင်းမြစ်များ

1 Reyes 9:21

Jä'ä jëtu'un ja ja'ayëty ja y'u'unk y'okëty mëti'ipë ënety ka'ap ja Israel ja'ayëty të myäyëtën tyajkutëkoytyëty; Salomón ojts tuunkmo'oy ya'atë ja'ayëty mëët ja mëkëtypë ja tuunk ets tyampaat je'eyëm jëtu'un mëk tyuntë ko jam tsyëënëtë.

Esdras 4:13

Ets näjyëtu'un ntuknijawëtë ko pën ya'atë naax kajpn yaj'o'oyëp jatëkok ets pën yajpojts'o'oyëtyääpy ja pya'a nyux, ya'atë ja'ayëty kajts ja ënät y'ayakëja'an y'akonëja'antëty ets ko ënät jyëtu'un'atëty maajën ja wit meeny tsyoonëty.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Esdras 7:24

Mëk xyjyä'ämyätstëty ko ja'ayëty mëti'ipë tuuntëpën ma tsajptëjkën, tä yë teetyën, Leví ja'ayëty, tsajptëjk këwent'ajtpëty, tsajptëjk atënääpyëty, pätpë ja'axpëty mëti'ipë tuuntëpën ma tsajptëjkën ka'ap tjëkyepy kyëpätëty ets ka'ap tjëkyepy ni'ikyë tii n'amëto'owmëty.

Nehemías 5:3

tam wiinkpë mëti'ipë ënaanpën ko tëë ja kyam tyu'ujëty tkë'ëyajknëtë, tëë ja jyëën tyëjk ets nyaax kyamtëjk tkë'ëyajknëtë mëët ko ja jë'kxy pëky tukwinkupëktë,

Nehemías 9:37

Ko ja pëjktä'äky jyayajpëky mëjwiin këjää wiink ja'ay ja jyä'ä'ajtyp ets yë'ë yajkutujkpë jyi'kxyp pyijkpy, mëët koos ja nëë poky të ntuuntëkoytyë. Ëëtsëty ets mëët ja njëyujk ntsajpkaajëtyës je'eyë ëëts nëkoo ntyäty tyun ntyäty'ëyowtë wiink ja'ay tyukxoompy tyuk'ijtyp. Paatykyëjxm ëëts nkumon nkutukëtë ets një'ëtë nyäy'axtë.

Proverbios 22:7

Ma ja ëyoopëja'aytyëjkën, ja kumeenyjyä'äy jä'ä jam ënä'ämp; ets ma ja'ayëtyën mëti'ipë nu'kxtëpën, yë'ë jam ënä'ämp ja mëti'ipë yajnu'kxpën.

Josue 16:10

Yë Efraín yë jyä'äyëty ka'ap ojts myäyëtë t'ëxwoptëty yë Canaán ja'ayëty jampë tsyëënëtën Guézer, ojts tyajwë'ëmtë ets mëët tsyënaamyujktë, je'eyëp ko ojts tuk'atsip'atë ets xëmë nyäkyukëpätëtëty. Paaty tyampaat yë Canaán ja'ayëty tämyëm yajpaatë ma tääpë it naaxwiinyëtën.