Nehemías 5:13 - Biblia Dc en Mixe de Quetzaltepec

¹³ Ojtsës ja nwit jam njeny etsës nwinxijty nwinkä'äy, täätsës n'ënëmaay ja mayjyä'äy: Jëtu'un ja ja'ay nëjkx yajwinxity yajwinkä'äy ja jyuukyajtën jam muum jëkäm mëti'ipë ënety ëxëëk ja jyiiky myëku'uk tyuunpyën mëti'ipë ka'ap tpatunyën ja y'aaw y'ayuk mëti'ipë tyam të xykyë'ëyaktën ets yajpëjkëtya'ajëty winë mëti'ipë jam myëët'ajtypyën. Tä ja mayjyä'äy y'ëtsoowtë: Oy jyëtu'un'atëty, tääts twin'ëëw twinyaxtë ja Wintsën. Ja naaxja'ay kajpn ja'ayëty ojts tkuuytyuntë ja y'aaw y'ayukëty,

Biblia Mixe de Quetzaltepec

¹³ Ojtsës ja nwit jam njeny etsës nwinxijty nwinkä'äy, täätsës n'ënëmaay ja mayjyä'äy: Jëtu'un ja ja'ay nëjkx yajwinxity yajwinkä'äy ja jyuukyajtën jam muum jëkäm mëti'ipë ënäty ëxëëk ja jyiiky myëku'uk tyuunpyën mëti'ipë ka'ap tpatunyën ja y'aaw y'ayuk mëti'ipë tyam të xykyë'ëyaktën ets yajpëjkëtya'ajëty winë mëti'ipë jam myëët'ajtypyën. Tä ja mayjyä'äy y'ëtsoowtë: Oy jyëtu'un'atëty, tääts twin'ëëw twinyaxtë ja Wintsën. Ja naaxja'ay kajpn ja'ayëty ojts tkuuytyuntë ja y'aaw y'ayukëty,

Nehemías 5:13 ပူးပေါင်းရင်းမြစ်များ

Hechos 18:6

E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.

Mateo 10:14

Pën ka'ap m'ëxajëtë ets ka'ap tmëtoow'ita'antë mëti'ipë mjanimëtyaktëpën, pëtsëmtë ma tëjkën ëkë ma kajpnën ets winxitë ja mtekyëty wä'än ja naaxway tjënäky.

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

Hechos 13:51

Ënet ja Pablo ets ja Bernabé ojts twinxitë ja pu'uxm tyekykyëjxm ets jëtu'un tuk'ijxtë tuknijawëtë ko ka'ap y'oyëty mëti'ipë ja ja'ay tyuuntëpën ets ojts nyëjkxtë ma ja Iconio kajpnën.

Eclesiastés 5:5

jä'ä ko ni'ik oy ko ka'ap tii nëkoo nwinwa'anëmëty ets këtii ko tii nwinwa'anëmëty ets ka'ap jëtu'un yëk yajtuunë.

Salmos 119:106

Ojts tu'uk yë waantakën ntunyës, ets kopkpëky ko nkuuytyuna'anyës. Ëjts nkuuytyunäämpyës yë m'ënä'ämën mtëyajtën mëtëypyë.

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Salmos 50:14

Wä'än yë Dios yë'ë tyajtukwintsë'ëkë yë kukkajpxën ja'awëkyëtakkën; kuuytyun mëti'ipë të xytyukwinwanën ja Ni'ik Këjxmëpë.

Nehemías 8:6

Ënet ja Esdras tyëjkëy ëëpë xoontakpë tyajnaxy ja kukkajpxën ja'awëkyëtakkën ma ja Wintsënën, mëti'ipë Tios'ajtpën, mëti'ipë maaytyääyëpën winë, ets ja ja'ay y'ëtsoowtaaytyë ets xyajjë'ktaaytyë: Jëtu'un, jëtu'un, Tääts nyäkyoxtënaaytyakëtë ets t'ëwtajtë ja Wintsën.

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

Proverbios 28:4

Mëti'ipë y'ëxmajtstëpën ja ënä'ämën tëyajtën, yë'ë y'oyjya'awëtyëp ëxëëkja'aytyëjk; e mëti'ipë pyatuuntëpën ja ënä'ämën tëyajtën wyiink'ijxtëp ja jëtu'unpë.