Nehemías 4:6 - Biblia Dc en Mixe de Quetzaltepec

⁶ Ëëtsëty je'eyëmës ojts ntuun'ëtë'ëtstë, kujkwä'kxy nyujkpojtstës ja potsy. Janty winë aaw winëjot ja ja'ay jyänty tyuntë.

Biblia Mixe de Quetzaltepec

⁶ Ëëtsëty je'eyëmës ojts ntuun'ëtë'ëtstë, kujkwä'kxy nyujkpojtstës ja potsy. Janty winë aaw winëjot ja ja'ay jyänty tyuntë.

Nehemías 4:6 ပူးပေါင်းရင်းမြစ်များ

1 Crónicas 29:14

jää ko ëjts ets nnaax nkajpnës nitiijës nkakëjxm'atë ets mijts tii nmo'o nkäxtëty mëjwiin këjää. Aakmijts winë mjä'ä'ajtääpy, mëti'ipës yam wäänë nyajktëpën yë'ë mëti'ipës mijts të xymyo'otën.

1 Crónicas 29:3

E ëpëky ma winë të nyajmujkpyësën mëti'ipëjaty tunaanpën ma ja Dios ja jyëën tyëjk kyoja'anyën ets mëët ko oyës ntsoky ets ja jyëën tyëjk kyojëty; tyamës ëpëky nyajkpë mëti'ipës kë'ëm ntimyjä'ä'ajtypyën ya'atë pu'ts pujxn ets ya'atë poop pujxn:

2 Crónicas 29:36

Yë Ezequías ets naax kajpn janty jotkujk ojts nyäyjyawëtë mëët ko tëë ënety ja Wintsën ja mëyajtën tuny ko ja nyaax kyajpn të tpokywyinme'kxy, mëj këjää ojts tja'awëkyëta'aktë mëët ko ënety oy të wyimpëtsëmy të jyëjpëtsëmy ja tuunk.

Nehemías 4:5

Këtii nijëna'a xypyokymyä'kxëty ets këtii nijëna'a xyjyä'äytyëkoyëty ijxtëm ëxëëk y'ëtë'ëtstën y'ëna'antën, jä'ä ko yë'ë mëj këjää jëtu'un tyëkoytyë ko t'akajpxtuktë ets ja naax kajpn ja pyoty yajkoj'oyëty.

Nehemías 4:7

E ko ja Sambalat, Tobías, Árabe ja'ayëty, Amón ja'ayëty ets Asdod ja'ayëty tnija'awëtyë ko ja tuunk tam je'eyëm tyu'uye'ey ëti'ity ets ko ënety tëë ja yajpojts'o'oyëtyä'äy ja potsy maajaty ënety të pyijy të kyiitsyën mëti'ipë jamë Jerusalén, ënät yajxon jyänty jyoot'anpëjktë,

Nehemías 6:15

Ja potsy jä'ä yajkoj'o'oyëtyääy ma y'ipxmëkoxk anyën ja Elul po'o ets wëxtyikxy majkmokx mäjtsk xëëw ojty nyituunkë.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Salmos 122:3

Jerusalén, ja kajpn mëti'ipë ojts yajtuknikojën ets ja ja'ay jam nimay myuktëty.

Hageo 1:14

Jëtu'un'äämpy ojts yë Wintsën tyajjotmëktä'äky yë Zorobabel jatëkok, mëti'ipë jam Judá yajkutujkpën, tääts ja Josué, mëti'ipë nyikopk'ajtypyën ja teetytyëjkëty ets nitëkokyë ja ja'ayëty; e ma y'i'px majktaxk anyën ja mëtëtujk po'opë ma mëmäjtsk jëmëjt yajkutukyën ja Darío, jää ojts tkojtso'onta'aktë ja Wintsën ja jyëën tyëjk, mëti'ipë Tios'ajtpën mëti'ipë maaytyääyëpën winë.

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.