Nehemías 4:15 - Biblia Dc en Mixe de Quetzaltepec

¹⁵ Koos ja nmëtsiptëjk tnija'awëtyë ko jëjp'ixy ënety nyajpaatës ets ko tëë ja Wintsën tjijtma'ta'ay ja winma'any tä të tjanipëjktaakëtën, ënät jatëkok ntuuntëjkëtyës ets mpataaytyës nijä'äjaty ja ntuunkëtyës ma ja potsy n'akojëtënës.

Biblia Mixe de Quetzaltepec

¹⁵ Koos ja nmëtsiptëjk tnija'awëtyë ko jëjp'ixy ënäty nyajpaatës ets ko tëë ja Wintsën tjijtma'ta'ay ja winma'any tä të tjanipëjktaakëtën, ënät jatëkok ntuuntëjkëtyës ets mpataaytyës nijä'äjaty ja ntuunkëtyës ma ja potsy n'akojëtënës.

Nehemías 4:15 ပူးပေါင်းရင်းမြစ်များ

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

Nehemías 4:16

Jä'ä xëëw nikujkwä'kxy ja ja'ay ënety tyuntë ets nikujkwä'kxy këwent'atë mëët ja kyu'umënëty, tyi'pxnëty ets pyujxnëty. Ja kopktëjkëty ni'ikyë ijty tjanty jyotmëkmo'otë ja Judá ja'ayëty ets y'itëty amëk jotmëk ets akujk jotkujk,

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Marcos 13:34

Jëtu'un ijxtëm tu'uk ja ye'etyëjkën mëti'ipë jëkäm nëjkxpën. Ko tsyoony, y'ëne'empy ja tyuunpë ets tuunkmooytyä'äy ja tyuunpëtëjk ets t'ënëëmë ja tëjk ijxpë ets tkëwent'atëty.

Romanos 12:11

Tuk'o'kpätë ja oypyë tuunk. Ka'ap mnuuxta'aktëty. Mëtuntë Dios ëmuumtu'ukjot.

1 Tesalonicenses 4:11

Jotmay'atë wi'ix mëpaat akujk jotkujk mjuuky'atën ets tuntë mëti'ipë mpatëtëpën. Tuntë pëktë mëët ja mkë'ëjëty, ijxtëm të n'ënä'ämtën.