Nehemías 4:11 - Biblia Dc en Mixe de Quetzaltepec

¹¹ Ëëts ja nmëtsip tyaa ja ënety myäytyë tyajtë ko ka'ap yaj'ixëty wi'ix ëëts xy'ëkëty tyukja'tëty ajotkumonë ets xyaj'ook xyajtëkoytyëtyës këtiipë ja tuunk tyu'uye'eyëty.

Biblia Mixe de Quetzaltepec

¹¹ Ëëts ja nmëtsip tyaa ja ënäty myäytyë tyajtë ko ka'ap yaj'ixëty wi'ix ëëts xy'ëkëty tyukja'tëty ajotkumonë ets xyaj'ook xyajtëkoytyëtyës këtiipë ja tuunk tyu'uye'eyëty.

Nehemías 4:11 ပူးပေါင်းရင်းမြစ်များ

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënety ka'ap pën tjëjp'ixyën, ijxtëm tu'uk ja mä'tspë koots jyä'tyën.

Hechos 23:21

Ka'ap xymyëpëkëty, jä'ä ko jap ja ja'ay tu'u ëkë'p y'owëxita'antë niwëxytyikxynyäxy. Tëë mëktä'äky nyäkyajpxëtë ko y'ayuu'ata'antë koonëm ja Pablo tyaj'ooka'antë. Je'eyë mijts ja m'ayuk yaj'ëwxijnë.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Dios tyajkajpxtë ets ojts timkyu'ëyuu'atëtë koonëm ja Pablo y'ookëty.

Isaías 47:11

Je'eyëp ko minaanp ja ëyo'on jotmay ma mijtsën, oy jënu'un tii xyjyatunëty ma mpatoy mpano'okyën, ka'ap tii xytyunëty. Ja ëyo'on jotmay mëti'ipë mtukëtakëpën, ka'ap tjëkyepy xykyukä'äkëty; ka'ap ënety tii xy'aawëty xyjyotëty ko ja amay jotmay mtukja'tëtëty.

Salmos 56:6

Xii yaa muum nyäpyëjkta'akëtë ayu'utsy ame'tsyë, xy'ixjëtit xypyajëtitës maas muum nnaxyën, t'ixtë tuntë jëna'a t'ëkjëkyepy muum xyaj'ooktës.

2 Samuel 17:2

Jääjës mëtëy ntukja'ta'any ma ënety yajxon të y'ënu'kxën ets ma ka'ap tii tuna'anyën; yajxonës n'ëk'ëtsë'ëkëtëty mëët ja ja'ayëty mëti'ipë jam mëët yajpaatyën ets kyäkta'atëty. Yi'iyës nyaj'ookankojpy yë ënä'ämpë ets ka'ap wiinkpë,

Nehemías 4:9

Ënet ëëts nmëpëjktsoowtë ja nTios'ajtëmë, ets yajpëjktäky ja këwent'ajtpë xëëny koots, y'ity jëtu'un ja näy'ijx'it näkyëwent'atë.

Nehemías 4:10

Tä ja Jutië ja'ayëty y'ënantë: Jëtu'unyë yaj'ijxnë jyot myëjaaw kyëjxnë mëti'ipë naax'ixtsëëmtëpën ko nëkooyë naaxtajy ets potsy'apu'uxk myäy'ajnë ets aak ëëtsajtëm ka'ap xymyä'äymyëty nkoj'apäjtä'ämyëty ya'atë mëjpotsy.

Nehemías 4:12

E ko ja jutië ja'ayëty mëti'ipë winkon tsënaaytyëpën xytyuk'ëwa'anëtyës ko ja mëtsip ënety xytyukja'ta'antës,