Nehemías 3:3 - Biblia Dc en Mixe de Quetzaltepec

³ Ja y'u'unk y'ëna'këty ja Senaá yë'ë ojts tkoj'oyëtë ja tëjk'aaw ma yajtijyën Nëëjëyujk tëjk'aaw. Ojts ja tëjk'aaw tpëjkta'aktë ets tpëjktakëtë mëti'ipë mëët yaj'awiitëtyën.

Biblia Mixe de Quetzaltepec

³ Ja y'u'unk y'ëna'këty ja Senaá yë'ë ojts tkoj'oyëtë ja tëjk'aaw ma yajtijyën Nëëjëyujk tëjk'aaw. Ojts ja tëjk'aaw tpëjkta'aktë ets tpëjktakëtë mëti'ipë mëët yaj'awiitëtyën.

Nehemías 3:3 ပူးပေါင်းရင်းမြစ်များ

2 Crónicas 33:14

Ko jëtu'un ya'atë y'ëktuun y'ëkjajtë, ënät yë Manasés ojts tnakojëtity ja David ja kyajpn, jamtsow ma yajtijyën Guihón, matsow xëëw pyëtsimyën; jam wokjotm tyajtso'ontäky ets tyajjaty ma tijtën Nëëjëyujk Tëjk'ëkë'p ets y'ëwtijtë'ky jamtsow Ofel. Këjxm yajxon t'oytyuuny. Ojts tpëjktä'äky këwent'ajtpë maajaty ja kajpnën mëti'ipë ta'tspëkyën jam Judá.

Esdras 2:35

ja Senaá ja y'u'unk y'ok, jä'ä nyiwinë'ajtë tëkëëk mil ja tëtujk mëko'px ja i'px majk.

Nehemías 12:39

najxtës jam ma Efraín tyëjk yajwin'ijxpetyën, najxtës jam ma ja Jesaná ja tyëjkwiinën, ma ja nyitëjk'aawën ja nëë jëyujk, ma ja Hananel ja pyotyën, ma ja mëjpotsy tijtën mëko'px potsy, jampaat ma ja kupixyny jam ja nyitëjk'aawën; ets jam ojts jam wäänë mpo'kxtës ma ja tyëjk'aawëtyën ja Kwent'ajtpëty.

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënety ja Wintsën mëët ja pyutëjkën nmëtä'äkyës.

Nehemías 3:4

Yë'ë ojts tjëjpwa'akë ja potsy yë Meremot, Urías yë myaank, Cos yë y'ok'u'unk; ets ojts näjyëtu'un tjëjpwa'akë yë Mesulam, Berequías yë myaank, yë Mesezabel yë y'ok'u'unk; jam wiinkpë tuunk tjëjpwa'këy yë Sadoc, yë Baaná myaank.

Nehemías 3:6

Yë Joiadá, Paséah myaank ets Mesulam, Besodías myaank, yë'ë ojts tkoj oyëtu ja tëjk'aaw jampë wyi'imyën Jesaná. Ojts tkëxpëktë ja nyi'aaw ets ja nyipujxn mëti'ipë mëët y'ëtukyën.

Nehemías 6:1

Ko ja Sambalat, Tobías, Guésem, ja arapyë ja'ay ets ja wiinkëtypë ja mëtsiptëjk tnija'awëtyë ko tëë ënety yajkoj'o'oyëtyä'äy ja mëjpotsy mëti'ipë kajpn nya'ëwtijtypyën ets ko ka'ap ënety nimaa najxtakn ëwa'ats të yaj'ëxmatsy, oy ënety yi'iyë jyaak tëkoy'ätynyëm ja tëjk'aaw muumëty,

Nehemías 7:1

Ko ja mëjpotsy ojts yajkoj'o'oyëtyä'äy ets ja nyitëjk'aaw tyëkëtyääy ënät ja ja'ay yajnikajpxpäjtë mëti'ipë kyëwent'atëpën ja tëjk'aaw, mëti'ipë ëwtëp ya'axtëpën ets ja Leví ja'ayëty.

Nehemías 7:38

ja Senaá y'u'unk y'okëty jä'ä nyiwinë'ajtë tëkëëk mil ja taxtujk mëko'px ja i'px majk.

Salmos 147:13

Yë'ë ojts tpëjktä'äky yë pujxn ma mtëjk'aawën ets tkënu'kxta'ay yë m'u'unk m'ëna'k ma naax kajpnën.

Sofonías 1:10

Jëtu'un yë Wintsën y'ënä'äny: Jä'ä xëëw, nëjkxëp may yë ja'ay näypyutëkë tja'amëtoy jam ma Nëë Jëyujk Majtspë Tyëjk'aawëtyën. Nëjkxëp yë ja'ay mëk jyë'ëtë ya'axtë ma ja mëmäjtskpëkpyë ja kajpnën ko ënety ja ja'aw jam kyutëkë kopkkëjxm.