Nehemías 3:15 - Biblia Dc en Mixe de Quetzaltepec

¹⁵ Salum, myaank yë Colhoze, mëti'ipë jam yajkutujkpën Mizpá, yë'ë ojts tyaj'oyë ja tëjk'aaw ma jam ja nëë'awookën: Ojts yajxon tnikojy ets tkukëëy tkupëjky, yaj'o'oyëtyääy ja nyitëjk'aaw mëët ja nyipujxn nyikepy mëti'ipë mëët yajxon y'ëtukëtyën, ojts näjyëtu'un tkoj oyë ja nëë'apojtsë'ëky mëti'ipë tyijtëpën Siloé jampë winkon yajpaatyën ma ja ujtskamën mëti'ipë ja yajkutujkpë jyä'ä'ajtypyën, jampaat tyajajty ma ja tu'u jam yajnijënajkë'ëkyën ets kyëtä'äky ma ja David ja kyajpnën.

Biblia Mixe de Quetzaltepec

¹⁵ Salum, myaank yë Colhoze, mëti'ipë jam yajkutujkpën Mizpá, yë'ë ojts tyaj'oyë ja tëjk'aaw ma jam ja nëë'awookën: Ojts yajxon tnikojy ets tkukëëy tkupëjky, yaj'o'oyëtyääy ja nyitëjk'aaw mëët ja nyipujxn nyikepy mëti'ipë mëët yajxon y'ëtukëtyën, ojts näjyëtu'un tkoj oyë ja nëë'apojtsë'ëky mëti'ipë tyijtëpën Siloé jampë winkon yajpaatyën ma ja ujtskamën mëti'ipë ja yajkutujkpë jyä'ä'ajtypyën, jampaat tyajajty ma ja tu'u jam yajnijënajkë'ëkyën ets kyëtä'äky ma ja David ja kyajpnën.

Nehemías 3:15 ပူးပေါင်းရင်းမြစ်များ

Juan 9:7

Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

Isaías 8:6

Mëët ko ja naax kajpn ka'ap ja nëë të tkupëky mëti'ipë jam najxpën Siloé, mëti'ipë ja kajpn tyukye'eynyäjxypyën, jä'ä të t'oyjyawë ja Rezin ets ja myaank ja Remalías.

Nehemías 12:37

Ynyajxtë jam këjxm ma ja tëjk'aawën mëti'ipë tyijtëpën Taxnëë ets tkuuynyëjkxtë ja mëjpotsy, pyäjtë'ktë jam ma ja David ja kyajpn yajnipäjtë'ëkyën ets nyajxë'ktë ma ja David kyutujktaknën, tyimjajtë jampaat ma ja tëjk'aawën mëti'ipë tyijtëpën Nëë'aaw, mëti'ipë ku'ijxnajxpën matsow ja xëëw pyëtsimyën.

Lucas 13:4

Ets ja ja'ayëty mëti'ipë o'ktën nimajkmokxtëkëëk ma ja Siloé potsy nyijijtpäjtëtën, ¿wä'än jëtää ni'ik pyokyjyä'äy'atë ets ka'ap jyëtu'unëty mëti'ipë tsënaaytyë Jerusalénkë?

Nehemías 2:14

Tääjës jatëkok jamtsow najxë'ky ma ja nëë'awookën ets ma ja yajkutujkpë ja nyëë'atajë yajpaatyën; je'eyëp ko ja njëyujkës mëti'ipës ntuk'ënyääpyën ka'ap jam nyaxa'any.

Jeremias 40:6

Ënet ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënety të wyë'ëmtën.

Nehemías 3:14

Ja Malquías, Recab myaank, mëti'ipë jam yajkutujkpën Bet-haquérem, yë'ë ojts tyaj'oyë ja nyitëjk'aaw ja mëjpotsy ma ja pu'uxm yajko'oyën, ojts ja tëjk'aaw tpëjktä'äky mëët ja nyipujxn nyikepy mëti'ipë mëët y'ëtukëtyën.

Nehemías 3:12

E mëti'ipë jam jaaknëjkxpën, yë'ë tjëjpwa'akë yë Salum, yë myaank yë Halohés, mëti'ipë jam alcaltë'ajtpën näjyëtu'un Jerusalén kujkwä'kxy kajpn, yë mëët nyäpyutëjkëyë ja tyo'oxy'ëna'k.

Nehemías 3:9

Yë'ë ojts jam tjëjpwa'akë ja tuunk yë Refaías, yë Hur yë myaank, mëti'ipë alcalte ijtpën jam Jerusalén.

Nehemías 3:7

Ojts näjyëtu'un yajtuknipëktë ja tyuunk yë Melatías jyä'äyëty, mëti'ipë tso'ontëpën Gabaón, Jadón, Meronot ets jampë tsyoontën Gabaón ets Mizpá ets t'äkojëtëty ja mëjpotsy jampë yajpaatyën ma ijty yë'ë tnitänëtën ja mutsk yajkutujkpëtëjkëty mëti'ipë jam ënä'ämtëpën Éufrates y'itjot.

2 Crónicas 32:30

Yë'ë yaj'atujktaay ja nëëjut mëti'ipë ënety jam kajpnpë'am yajpatëpën ets naaxjoty tyajnajxy jëtu'un tyajajty jam kajpnjotm, jam tyajtso'ony Guihón ets naaxpa'tkë'p tyajnajxy, tyajajty ma ja David ja kyajpnën. Jëtu'un ja Ezequías ojts tyuny, aak'oy winë tuuny ets oy ojts wyimpëtsë'ëmxëty wä'än tiijëty timnyipëjktakëy.

2 Reyes 25:4

Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

Jueces 20:3

Ja Benjamín ja jyä'äyëty ojts näjyëtu'un tnijawëtë ko ja myëku'uktëjkëty Israel ja'ayëty ënety jam të nyiye'eypyätë Mizpá. Paatykyëjxm ja Israel ja'ayëty ojts tyajtëwtë ja Leví ja'ay mëti'ipë ënety ja tyo'oxytyëjk të y'ookyën, wi'ix ënety mëtëy të y'ixë'atyën.

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

Nehemías 2:17

Tääjës n'ënëmaaytyë: Miitsëty wa'ats xynyijawëtë ko ëëts'ajtëm tsip oy ja njuukyajtën'ajtëm yajpaaty, ixtë ja naax kajpn Jerusalén kajpn të nyajijtutaaynyë ets ja nyijëën'aaw nyitëjk'aaw tëë nyaaxmëto'oyëtyääynyë. Mintë ni'ëmukë ma ëjtsën, puwa'këtyëkës ets tsojk nkoj'o'oyëmë ja mëjpotsy mëti'ipë ja naax kajpn nyapots'ajtypyën këtiipë ëtsajtëm nëxi'iky tukxi'iky ntimwyë'ëmëty.

Nehemías 3:19

ets Éser mëti'ipë jam yajkutujkpën Mizpá, yë'ë näjyëtu'un tkoj'oyë kujkwä'kxy ma y'ityën winë mëti'ipë ja'ay myëtsiptuuntëpën jam ma ja mëjpotsy tyäkën.

Eclesiastés 2:6

Tëës mëj nipotsë yë nëë mëti'ipës ntukyajxo'kpyën yë nkam ntu'ujës;

2 Samuel 5:9

Ko ya'atë kajpn ojts tnitëkëtë ets yë'ë myëtaktë, jam ojts yë David tsyënaaytyaknpëjknë ets tyajxëëwpejty, David yë kyajpn, ya'atë kajpn ojts yajxon tnapotstë, jap ja potsy tyimtso'ontäky naax'ëjxy ets tyimja'ajty jam ma ja kutujkëntëjkën.