Nehemías 2:6 - Biblia Dc en Mixe de Quetzaltepec

⁶ Ja yajkutujkpë, tam ënety ja tyo'oxytyëjk pya'a u'unyëty, xy'ëtsooyës: ¿Jeky nëjkx m'ita'anyën? ¿Jëna'a jatëkok mwinpitëty? Tääjës ntuk'ëwa'anëy jëna'a jatëkok nwinpita'anyën, tääts tkupëjky ets t'ëwatsy ja në'ë'aaw ntu'u'aawës.

Biblia Mixe de Quetzaltepec

⁶ Ja yajkutujkpë, tam ënäty ja tyo'oxytyëjk pya'a u'unyëty, xy'ëtsooyës: ¿Jeky nëjkx m'ita'anyën? ¿Jëna'a jatëkok mwinpitëty? Tääjës ntuk'ëwa'anëy jëna'a jatëkok nwinpita'anyën, tääts tkupëjky ets t'ëwatsy ja në'ë'aaw ntu'u'aawës.

Nehemías 2:6 ပူးပေါင်းရင်းမြစ်များ

Nehemías 13:6

Ko jëtu'un tyuunë jyajtë ëjts ka'apës ënety jam Jerusalén, jä'ä ko jamës ënety të nëjkx ma ja yajkutujkpë Artajerjes yajpaatyën, ma y'ipxmajk jëmëjtpetyën ma yë'ë yajkutukyën jam Babilonyë; okës ojts jatëkok n'ënëëmë ja yajkutujkpë, etsës xy'ëwatsëtyës ja ntu'u,

Isaías 65:24

Ka'anëm ënety xymyëkajpxtës koos n'ëtsoowinpitëty, ka'anëm ënety kyajpxpëtsëmtë koos nnijawëty wi'ix y'ëna'ana'antën.

Nehemías 5:14

majkmäjtsk jëmëjt jëtu'un y'ijty, jää tsyo'ontäky ma ënety y'i'px jëmëjtpetyën ma ja Artajerjes yajkutukyën, maju'unëm ojts ja yajkutujkpë Artajerjes xypyëjktä'äkyënës yajkutujkpë ma Judá ja'ayëtyën ets maapaat y'i'pxmajkmäjtsk jëmëjtpejtyën ja kyutujkën ja Artajerjes, ëjts ets ja ja'ayëty mëti'ipës ënety mëët ntuunmukyën ka'apës ntukuyajktë ni pën ja'ay mëti'ipë ja patëtëpën jeexyë ja y'ayajk y'ako'onën tyaktën ma ëëts ënety nkutuunk'atën.

Isaías 58:12

Nëjkxëp ja naax kajpn tkoj'o'oyëtyä'äy ja jëën tëjk jënu'un ënety të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Nehemías 2:4

¿Tii mtsojkpy ntunëtyës mëët mijts? Ënätës ja Wintsën tsajpjotmëpë ja winma'any n'amëtooy etsës n'ëtsowëty ja yajtë'ëwën,

Isaías 61:4

Nëjkxëp yajkoj'oyëtë ja tukpotsy, nëjkxëp yajkoj'oyëtë ja tuk tëjk, ets y'o'oyëtya'ajëty ja mëjëtypë naax kajpn mëti'ipë të kyutëkoytyën.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Nehemías 2:5

tääjës ja yajkutujkpë n'ëtsooy: Pën yë Yajkutujkpë y'a'ijxëp ets pën xy'oyjya'apës, nmëtaja'anyës jam Judá, jam ma kajpnën ma jam y'itën naaxnitajy ja n'aptëjkës ets jatëkok nkoj'oyëtyës.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.