Nehemías 2:3 - Biblia Dc en Mixe de Quetzaltepec

³ tääjës n'ëtsooy ja yajkutujkpë: Mëjwintsën, ma njuuky'ätyën xëmë. ¿Wi'ixëtën ëjts nkamon nkatukëtyës, koos nijawë'aty maas ja n'ap n'ok nyaaxtëjkëtyën axit ako'owë jam je'eyë të yajtuuntaaynyë ets ja naax kajpn ja nyitëjk'aaw jëna'ajëp ja mëtsiptëjk tnino'ktaaynyëtë?

Biblia Mixe de Quetzaltepec

³ tääjës n'ëtsooy ja yajkutujkpë: Mëjwintsën, ma njuuky'ätyën xëmë. ¿Wi'ixëtën ëjts nkamon nkatukëtyës, koos nijawë'aty maas ja n'ap n'ok nyaaxtëjkëtyën axit ako'owë jam je'eyë të yajtuuntaaynyë ets ja naax kajpn ja nyitëjk'aaw jëna'ajëp ja mëtsiptëjk tnino'ktaaynyëtë?

Nehemías 2:3 ပူးပေါင်းရင်းမြစ်များ

1 Reyes 1:31

Tä ja Betsabé wyintäky nyaaxkooy jam ma ja yajkutujkpën ets y'ënäny: Kë'ëyxyëëw kë'ëyjyëmëjt jyuuky'atëty yë yajkutujkpë David.

2 Reyes 25:8

Ma wyëxtujk anyën ja mëmëkoxk po'opë, ma myëmajkmokx taxk jëmëjtpetyën ja Nabucodonosor ja kyutujkën, ënät jam jyä'äjty Jerusalén ja tyuunpë mëti'ipë xyëëwajtypyën Nabuzaradán, mëët nimay ja tsiptuunpëtëjk,

2 Crónicas 21:20

I'px mäjtsk jëmëjt ënety jyëmëjt ko tyëjkëy yajkutujkpë jam Jerusalén ets tuktujk jëmëjt ojts y'ëne'emy. Ko y'o'ky ni pën kyanimiinë. Jam nyaaxtëjkëy ma ja David ja kyajpnën, je'eyëp ko jam jëkäm ma ijty nyaaxtëkëtën ja yajkutujkpë ja wyintsëntëjkëty.

2 Crónicas 28:27

Ko ojts y'o'knë jam nyaaxtëjkëy ma Jerusalén kajpnën, je'eyëp ko ka'ap jyamëty ma nyaaxtëkëtën ja yajkutujkpëtëjk mëti'ipë oy të tyuntën jam Israel. Yë'ë kutëjkëyë myaank Ezequías ma ja kutujktaknën.

2 Crónicas 32:33

Ko ja Ezequías ojts y'o'knë jam tyajnaaxtëjkëtyë winkon ma ja David ojts nyaaxtëkën. Tëkokyë ja Judá ja'ayëty ets ja Jerusalén ja'ayëty ojts mëj'äämpy tyajnaxtë ja Ezequías ja jyuukyajtën.

2 Crónicas 36:19

Ojts tno'oktë ja tsajptëjk, nyajijtutaaytyë ja Jerusalén kajpn ets tjëën ixkä'tsëtyë ja akujktëjk.

Nehemías 1:3

Tääjës xy'ëtsoowtë: Mëti'ipë ojts kyä'äktën ets ka'ap yajwojpëtsëëmtë nyaaxjotyëty, jam tsyënaaytyajknpëjktë ma mutskëtypë ja kajpnën, yë'ëjëty yajxon jam mëk y'ëyoownëtë ets natsëtyu'unënëp kë'ëm ko n'ëk'ijxmëty wi'ix jyatën kyëpätën. E yë Jerusalén kajpn ënät, yë'ë tëë ja pyoty jyijtë'ktaaynyë ets ja nyitëjk'aaw jëna'ajëp ja ja'ay t'ano'ktutaaynyë.

Nehemías 2:13

Jä'ä tsu'um ntso'onyës, jamës najxy matsow ja tëjk'aawën mëti'ipë nëjkxpën jam joyjyotm, ma ja nëëwooky yajtijyën Dragón etsës najxy ma ja nyitëjk'aawën pu'uxm ko'owtakn yajko'oyën, tääjës n'ijxtaay wa'ats wi'ixjaty ja naax kajpn ënety yajpaatyën, maajaty ënety potsy të jyity ets mëti'ipëjaty ënety ja tëjk'aaw të tyoy.

Ester 8:6

Jä'ä koos, ¿wi'ixës jëtu'un jotkujk njuuky'atëty pën nija'apës koos ja njëëky nmëku'uk ets ja nmëkunaax nmëkukajpn y'o'kta'aja'antë?

Salmos 102:14

Yë mtuunpëtëjk janty'oy nyäyjyawëtë ko t'ixtë ja tsaapotsy, e tyam je'eyë tjaakpa'ëyowtë ko t'ijxnëtë kujy ka'atsy ja tsaanë.

Salmos 102:15

Tëkokyë yë naax kajpn ets tëkokyë yë ënä'ämpëtëjk naaxwiinypë y'itën yajpaatën, nëjkxëp twintsë'ëk tmëjjawëtë yë Wintsën yë myëjxëëw,

Salmos 137:6

Wä'än jëtu'unyë tmëj'o'tspety yë nyä'änës npa'kxwiinyës ko mijts nkaja'amyätsëty, pën mijts Jerusalén ka'ap n'ëkpëjktaknë mëj'äämpy koos ënety akujk jotkujk nyajpatnë.

Salmos 38:7

Yë njëxkës je'eyë pya'amnë wyi'tsnë mëët yë jëënpa'am; tëkokyë yë njot nnini'kxës aak pëjkp aak atoonëp.

Jeremias 52:12

Ma myajk anyën ja mëmëkoxk po'opë, ma tyu'uye'eyën ja mëmajkmokx majktaxkpë, ma tyëkën yajkutujkpë yë Nabucodonosor jam Babilonyë, yë Nebuzaradán mëti'ipë yë yajkutujkpë pyutëjkëpën, ma winë tuknipëjktaakën ets mëti'ipë näjyëtu'un nyiwintsën'ajtypyën ja këwen'ajtpëtëjkëty ma ja kutujktaknën, ojts jyä'ty jam Jerusalén

Lamentaciones 2:9

Ja naax kajpn tëë ja nyitëjk'aaw mya'taaynyë ets mëti'ipë mëët y'ëtukyën nän tëë mya'ta'ay; tëj joow të jyajta'ay, aak naaxkëjxy të kyëtakta'ay. Yë yajkutujkpë ets y'ënä'ämpëtëjk aakjam yajpata'atë wiink naax wiink kajpn ma ja'ay wiink tios t'ëwtatën; ka'ap maa ja Dios ja tyiyajtën y'ëkyajpatnë. Yë kyäjpxynyajxpëtëjk ka'ap y'ëkwinkëmaanëtë ets Wintsën tii y'ëktuk'ijxënëtë.

Daniel 2:4

Ënet ja wijyjyä'äytyëjkëty ojts t'ëtsowtë ja yajkutujkpë mëët yë arameë ayuk: Mëj'äämpy yë yajkutujkpë y'ity. Tukmëmëtyaktëk ëëtsëty mëti'ipë të xywyinkuma'ayën ets yam myajtuknijawëty tii jëtu'un ja mkuma'ay jyatijäämpyën.

Daniel 3:9

jëtu'un t'ënëmaaytyë: Mëj'äämpy xëmë m'ity mijts yajkutujkpë ets xëmë yë mxëëw yaja'amyätsëty.

Daniel 5:10

e ja to'oxytyëjk yajkutujkpë, mëti'ipë taak'ajtpën, ko tmëtoowpaty ja yajkutujkpë yä'äxy jyoky jap tëkoty mëët ja wintsëntëjkëty mëti'ipë ënety të yajwoowmuktën kääpyë ukpë, ënät tyëjkëy jap tëkoty ets y'ënäny: Xëmë juuky'ajtp yë yajkutujkpë. Ets këtii nëkoo mmay mtajy ets këtii mnäy'ëtsë'ëkëty,

Daniel 6:21

Ets ja Daniel y'ëtsooy: Juuky'ijtp yë yajkutujkpë xëmë.

Daniel 6:6

Ënet kutuunktëjkëty, mëti'ipë anajx atëjkëtyëpën ets ja yajkutujkpëtëjk tkajpxmujktë ets nëjkx tmëëtmëtya'aka'antë ja Darío yajkutujkpë, ko jam jyajtë tääts t'ënëmaaytyë: Xëmë juuky'ajtp yë yajkutujkpë.