Nehemías 2:18 - Biblia Dc en Mixe de Quetzaltepec

¹⁸ Koos ntukmëmëtyaktaaytyë wi'ix ënety ja Wintsën mëj këjää të xypyutëkësën ets wi'ix ënety ja yajkutujkpë janty'oy të xy'ëëw'ëtsoy xykyäjpx'ëtsoyësën, ënät y'ëtsoowtë: Wi'ix ko nkatuuntso'onëm, tsojk niwa'këm yë tuunk. Tääts jëtu'un xim yam nyäjyotkujkmooyëtë.

Biblia Mixe de Quetzaltepec

¹⁸ Koos ntukmëmëtyaktaaytyë wi'ix ënäty ja Wintsën mëj këjää të xypyutëkësën ets wi'ix ënäty ja yajkutujkpë janty'oy të xy'ëëw'ëtsoy xykyäjpx'ëtsoyësën, ënät y'ëtsoowtë: Wi'ix ko nkatuuntso'onëm, tsojk niwa'këm yë tuunk. Tääts jëtu'un xim yam nyäjyotkujkmooyëtë.

Nehemías 2:18 ပူးပေါင်းရင်းမြစ်များ

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

2 Crónicas 32:5

Ezequías ni'ikyë jyotmëkpëjky ets tnakojtaay ja nyaax kyajpn mëët mëjëtypë potsy, ojts mëjpotsy tkojy këjxmëtypë ma ja naax kajpn yajkëwent'atëtyën. Ojts yajxon tyajta'tspëky ja David ja nyaax kyajpn ets t'oytyuuny oyëtypë ti'pxn ets ku'umën.

1 Crónicas 19:13

Amëk jotmëk timyajpaat, tsojk nitsiptu'unëm yë naax'ajt nkajpn'ajtëm ets ja Dios ja nyaax kyajpn. Tyam tsojk nätyukë'ëwa'anëm yë Wintsën, yë'ë nyija'ap wi'ix winë tuna'any.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Esdras 6:22

Wëxtujk xëëw tnixëëwtuuntë ja tsajpkääky ka'apë tsyooymyëëtëtyën, jä'ä ko mëjwiin ojts tja'awëkyëta'aktë ko Persië yajkutujkpë pyutëjkëy ma ja Wintsën ja tsyajptëjk ënety të kyojyën, mëti'ipë ja Israel ja'ay y'ëwtajtëpën.

2 Samuel 2:7

E këtiits mmontë mtuktë, ni'ikyë jotmëkta'aktë, jä'ä ko oy n'ëna'anmëty ja Saúl të y'ooky mëti'ipë të tyu'uwinwoyën, yë Judá jyä'äy tëëjës xynyikajpxpätë etsës ëjts n'ënä'ämëty.

1 Crónicas 11:10

Ya'atë jëtu'un ojts ja'ayëty mëk ja tsip tpatitë, mëti'ipë David mëët jyëtijtën ets tputëjkëtyë ko yajkutujky, yë'ë näjyëtu'un nämyujkëtë mëët ja wiinkëtypë ja Israel ja'ayëty ets nikajpxpäjtë ja David ets yë'ë yajkutukëty, jëtu'un tä ënety ja Wintsën të t'akäjpxyën.

1 Samuel 23:16

Tu'kxëëw tu'kjëmëjt ojts ja Jonatán tninëjkxy ja David jam Horés ets tjotmëkmo'oja'any ets yë'ë tu'ukyë tuk'ijxpätëty yë Dios.

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënety ja Wintsën mëët ja pyutëjkën nmëtä'äkyës.