Nehemías 2:10 - Biblia Dc en Mixe de Quetzaltepec

¹⁰ E ko tnija'awëy, yë Sambalat, jampë Horón kyukajpnëtyën ets ja Tobías tu'uk wintsën mëti'ipë Amón ja'ayën, wiink tja'awëtyë ko tu'uk ja'ay jya'ajtpë mëti'ipë ënety pyutëkëjäämpyën ja Israel kajpn.

Biblia Mixe de Quetzaltepec

¹⁰ E ko tnija'awëy, yë Sambalat, jampë Horón kyukajpnëtyën ets ja Tobías tu'uk wintsën mëti'ipë Amón ja'ayën, wiink tja'awëtyë ko tu'uk ja'ay jya'ajtpë mëti'ipë ënäty pyutëkëjäämpyën ja Israel kajpn.

Nehemías 2:10 ပူးပေါင်းရင်းမြစ်များ

Nehemías 13:1

Jä'ä xëëw ojts yajkäjpxy ma ja mayjyä'äyën ja Moisés ja nyoky, jam yaj'ijxpaty ko yë Amón ja'ayëty ets Moab ja'ayëty ka'ap mëpaat tsyënaaymyuktë mëët yë nTios'ajtëmë yë nyaax kyajpnëty.

Nehemías 13:28

Ojtsës nyajke'eky tu'uk yë myaank yë Joiadá, teety kyopk Eliasib yë myaank, yë'ë myë't yë Sambalat Horonaim ja'ay.

Nehemías 13:4

Maanëm ënety ka'ap jëtu'unpë tyunyënëm jyätyënëm yë teety Eliasib yë'ë ijty y'ijx'ijtyp Kyëwent'ajtyp ja tëjk ma ja jë'kxy pëky yajnipëjkpetyën mëti'ipë jam yajmënëjkxpën ma ja tsajptëjkën. E yë Eliasib nämyëku'uk'ajtëp ijty mëët yë Tobías,

Nehemías 2:19

E ko tnija'awëtyë yë Sambalat jampë kyukajpnëtyën Horón, Tobías, mëti'ipë Amón ja'ayën ets ja Guésem mëti'ipë árabe ja'ayën, je'eyës ojts xynyëxi'ik xytyukxi'iktë ets ni'ikyënëmës ojts wiinkjaty xy'ënëëmëtë: ¿Tiitën miitsëty mtunantëp? ¿Ti wä'än jëtää mijts ja yajkutujkpë xypyuwa'ktu'uta'antë?

Nehemías 4:7

E ko ja Sambalat, Tobías, Árabe ja'ayëty, Amón ja'ayëty ets Asdod ja'ayëty tnija'awëtyë ko ja tuunk tam je'eyëm tyu'uye'ey ëti'ity ets ko ënety tëë ja yajpojts'o'oyëtyä'äy ja potsy maajaty ënety të pyijy të kyiitsyën mëti'ipë jamë Jerusalén, ënät yajxon jyänty jyoot'anpëjktë,

Nehemías 6:1

Ko ja Sambalat, Tobías, Guésem, ja arapyë ja'ay ets ja wiinkëtypë ja mëtsiptëjk tnija'awëtyë ko tëë ënety yajkoj'o'oyëtyä'äy ja mëjpotsy mëti'ipë kajpn nya'ëwtijtypyën ets ko ka'ap ënety nimaa najxtakn ëwa'ats të yaj'ëxmatsy, oy ënety yi'iyë jyaak tëkoy'ätynyëm ja tëjk'aaw muumëty,

Nehemías 6:16

Ja mëtsip ojts tnijawëtë ets ja naax kajpnëty mëti'ipë mëët ja näpyaatë y'ityën ma naax tsëpa'anën ojts tsyë'ëkëtë, ja myëj'ajt kyëjxm'ajtënëty jëtu'unyë ojts nyaaxkumo'onëtyä'äy tä aay kepy nyaaxkupu'utën, jä'ä ko nyija'awëtyë ko ya'atë tuunk yë'ë ënety mëët ja Wintsën ja pyutëjkën të wyintu'upëky.

Ester 10:3

Yë Jutiiyë ja'ay mëti'ipë xyëëwajtypyën Mardoqueo, jëjp'am ojts y'ity ma ja Asuero yajkutujkyën, mëj'äämpy ojts jyä'äy jyëkyepyë, tëkokyë mëti'ipë Judá ja'ayëtyën; tsojkë ja'awëyë mëk ja myëku'uktëjk, jä'ä ko ojts tmëmay tmëtajy ja nyaax kyajpn ets ojts tkuwa'any ets tnitsiptuny ja myëkunaax myëkukajpn ko ja amay jotmay tpatë.

Salmos 112:10

Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

Proverbios 30:22

yë mëtuunpë mëti'ipë yajkutujkpën, ets tsuuja'ay mëti'ipë ka'ap yë kyä'äyën y'ukën tyaj'ëmaaytyä'äkyën,

Eclesiastés 10:7

Tëës n'ixy wi'ix yë ëyoopë mëtuunpë nyäxy tyëkën kwaaykyijxy ets yajkutujkpë tekyye'epy jyëtijtpë tä jeexyë yë'ë y'ëyoy myëtunyën.

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Jeremias 41:10

Ojts yë Ismael tmajtsmujkta'ay ja to'oxy'ëna'k mëti'ipë yajkutujkpë nyëëx'ajtypyën ets ja ja'ayëty mëti'ipë jam yajpatëpën Mispá, mëti'ipë ja Nebuzaradán, tsiptuunpë wintsën të tmo'oyën yë Guedalías ets yë'ë mëët y'itëty. Ojts yë Ismael tmajtsmujkta'ay ja ja'ay ets tsyo'ony. Jam ënety të tuknipëjktaakë jyata'any ma ja Amón nyaaxjotmën.

Jeremias 48:34

Jëëytyëp yaxtëp yë Hesbón ja'ayëty mëët yë pëjkën ijxën, tëë tnijawëtë yë Elalé ja'ayëty ets Jahas ja'ayëty; tëë tnijawëtë yë Soar ja'ayëty, yë Horonaim ja'ayëty ets Eglat-selisiya ja'ayëty, jä'ä ko yë'ëpaat yë nëëkopk të tyëtsnë mëti'ipë jamën Nimrim.

Jeremias 48:5

Jëëpy yaxp nyëjkxtë mëti'ipë pa'tëjkëtëpën jam Luhit; janty jëëy janty yaxtëp ja ja'ayëty mëti'ipë këtaktëpën jam Horonaim.

Hechos 4:2

Tëë ënety jyoot'anpëktë, jä'ä ko ja Pedro ets ja Juan ja ja'ay tyaj'ijxpëktë ko tëë nyikëxë'ëky ma ja Jesusën ko ja o'kpë jyuukpyëktë.

Hechos 5:24

Ko jëtu'un ja ayuk tmëtoowtë ja teety wintsënëty ets ja mëjtsajptëjk këwent'ajtpë wintsënëty, ka'ap tmëwinma'anypyatë, je'eyë tmëmay tmëtajtë wi'ix kyukëxëja'any ya'atë winë.