Nehemías 13:5 - Biblia Dc en Mixe de Quetzaltepec

⁵ ojts tëjkmo'oy jap mëjtëkoty ya'atë Tobías, jap ma ënety ja jë'kxy pëky yajnipëjkpetyën, ja poom, ja apëjk atu'unën, ja tu'kpëkpyë mëti'ipë yajjëpëjkpën ko majkpëky yajpëjkwä'kxy tä ja tsajpmokën, ja uuky ets ja on, mëti'ipë yajmooytyëpën ja Leví ja'ayëty, ëëpë xuxpëty, ëëpë yaxpëty ets ja tëjkëwent'ajtpëty, ëpëky ja ayajk ako'onën mëti'ipë yajyajkpën kë'ëmwinma'any mëti'ipë yajmooytyëpën ja teetytyëjkëty.

Biblia Mixe de Quetzaltepec

⁵ ojts tëjkmo'oy jap mëjtëkoty ya'atë Tobías, jap ma ënäty ja jë'kxy pëky yajnipëjkpetyën, ja poom, ja apëjk atu'unën, ja tu'kpëkpyë mëti'ipë yajjëpëjkpën ko majkpëky yajpëjkwä'kxy tä ja tsajpmokën, ja uuky ets ja on, mëti'ipë yajmooytyëpën ja Leví ja'ayëty, ëëpë xuxpëty, ëëpë yaxpëty ets ja tëjkëwent'ajtpëty, ëpëky ja ayajk ako'onën mëti'ipë yajyajkpën kë'ëmwinma'any mëti'ipë yajmooytyëpën ja teetytyëjkëty.

Nehemías 13:5 ပူးပေါင်းရင်းမြစ်များ

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

Nehemías 10:38

Ko ënety ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,

2 Crónicas 34:11

Tääts yajmooytyë ja meeny ja tsäjtspëtëjkëty ets ja pojtspëtëjkëty ets tjuytyëty mëti'ipë yajtunantëpën ma ja potsy yajtukpotsa'anyën ets ma ja tëjk kuwitsë yajpëjkta'aka'anyën, jä'ä ko ojts may wyintëkoy ko ja Judá yajkutujkpëtëjk jëtu'unyë t'ijxmajtstë.

Nehemías 10:37

Ojts näjyëtu'un ëëts nkäjpxy'atë ets nmënëjkxa'antës ja jë'kxy pëky mëti'ipë ayakë'ajtp akonë'ajtpën, japë nyipetyën ma ja jëën tëjkën mëti'ipë ja teetyëjk jyä'ä'ajtëpën, tä ja mokwayën, aaytyëëm ujts tëëmën, uukyën, onën ets yajmo'otëty näjyëtu'un ja Leví ja'ayëty ja jyi'kxy pyikyëty ma yajpupëkyën tu'kpëky ja majk pëkpyë mëti'ipë jam kamwinm tu'uwinm yajpëjkp yajtuunpën, jä'äxë jëtu'un ja tëyajtën myiny ko yë'ë patëtëp tjä'ä'atëty tu'kpëky ma ja majkjatypë yajpëjkwä'kxyën.

Nehemías 13:7

koos nwinpita'any jam Jerusalén. Ënätës nija'awëy ko ja Eliasib tëkatsy ënety ja winma'any tmëtëkë ko tëjkmoopyë yë Tobías ma Wintsën yë tyëjk yë nyitëja'aw yajpaatyën.

Ezequiel 40:38

Tam ijty wiinkpë ja tëjk mëti'ipë mëët nyäwyinku'ixëtyën ja tëjkwiin mëti'ipë jamën ma tëjkëtyaknën. Jap yajpujtë ja jëyujk ooky mëti'ipë wintsë'kën'ajtpën nino'oky.

2 Crónicas 31:11

Paatykyëjxm yë Ezequías ojts tni'ënä'ämë ets t'oytyuntëty tu'uk yë tëjk, winkon ma ja tsajptëjkën ets jap yajpëjkë'ëkëtyën winë. Ko kyojtaay,

Nehemías 10:36

ets näjyëtu'un winjëmëjt nmënëjkxa'antës ma ja nTios'ajtëmë ja tsyajptëjkën ëëts ja n'u'unk n'ëna'këty mëti'ipë kä'äxkopkëtyën, näjyëtu'un ja njëyujk ntsajpkaajëtyës, nkupixynyëtyës ntsajpaxëtyës ja kyä'äxkopkëty jëtu'un tä jap myinyën kuja'ay ma ja y'ënä'äm tyiy'ajtënën ets nkë'ëmo'onja'antës ja teetytyëjkëty mëti'ipë jap tuuntëpën.