Nehemías 13:19 - Biblia Dc en Mixe de Quetzaltepec

¹⁹ Ënet ojts tu'uk ënä'ämën mpëjktä'äkyës, ko tim je'eyë xëëw kyëta'akëty ma ënety ja po'kxënxëëw tsyo'onta'aka'anyën jää ja tëjk'aaw y'atujkta'ajëty jampë yajpaatën ma ja Jerusalén kajpnën ma ja mëjpotsyën mëti'ipë nya'ëwtijtypyën ja kajpn, koonëm ja po'kxënxëëw nyaxëty. Ojts näjyëtu'un ntuk'ëne'emyës yë ntuunpëtëjkës ets kyëwent'atëty këtiipë tyajtëkëtëty ja'ay mëti'ipë juy tooky myëtëkëjäämpyën.

Biblia Mixe de Quetzaltepec

¹⁹ Ënät ojts tu'uk ënä'ämën mpëjktä'äkyës, ko tim je'eyë xëëw kyëta'akëty ma ënäty ja po'kxënxëëw tsyo'onta'aka'anyën jää ja tëjk'aaw y'atujkta'ajëty jampë yajpaatën ma ja Jerusalén kajpnën ma ja mëjpotsyën mëti'ipë nya'ëwtijtypyën ja kajpn, koonëm ja po'kxënxëëw nyaxëty. Ojts näjyëtu'un ntuk'ëne'emyës yë ntuunpëtëjkës ets kyëwent'atëty këtiipë tyajtëkëtëty ja'ay mëti'ipë juy tooky myëtëkëjäämpyën.

Nehemías 13:19 ပူးပေါင်းရင်းမြစ်များ

Nehemías 7:3

Ets n'ënëmaaytyë ko këtii tëjk'aaw tyaj'ëwa'atstëty tëë ënety yajxon xyiiynyë täänëm tyaj'ëwa'atstëty, näjyëtu'un ko tyaj'ëtuktëty jää ko ënety jyam'atënëm ja ijx'ijt këwent'ajtpëty. Ojts näjyëtu'un ntuknipëktës ja'ayëty mëti'ipë ja Jerusalén kajpn kyëwent'atëpën ets mëti'ipë y'ijx'it kyëwent'atëpën ja jyëën tyëjkëty.

Juan 5:10

paaty ja jutiis ja'ayëty t'ënëmaaytyë ja ja'ay mëti'ipë ënety të tsyo'okyën: Po'kxënxëëw tyam, ka'ap kyutukyëty ets tyam xykyiiyjyëtitëty yë mmaapäjn.

Nehemías 13:20

Ja ajuupyëtëjkëty ets ja ato'kpëtëjkëty kanaak'ok ojts jap tsuu tyajnaxtë kajpnpë'ajp, ko ka'ap yajmooytyë najxtakn ets tyëkëtëty ma Jerusalén kajpnën.