Nehemías 13:13 - Biblia Dc en Mixe de Quetzaltepec

¹³ Ets ntuknipëjktës yë teety Selemías ets jääpyë Sadoc ets tu'uk yë Leví ja'ay mëti'ipë xyëëwajtën Pedaías; ets yë'ë t'ixtëty tuntëty jam ma nyipetyën ja jë'kxy pëky ets pënjaty yäjkpyën; ojtsës näjyëtu'un mpëjktä'äky jam yë Hanán, yë Zacur yë myaank, y'ok'u'unk yë Matanías ets jam pyutëkëtëty, jä'ä ko yë'ëjëty oy ja jot winma'any ënety tmëët'atë. Yë'ë yajtuknipëjktë ets tyajwa'kxtëty ja jë'kxy pëky ma ja jyiikytyëjk myëku'uktëjkëtyën.

Biblia Mixe de Quetzaltepec

¹³ Ets ntuknipëjktës yë teety Selemías ets jääpyë Sadoc ets tu'uk yë Leví ja'ay mëti'ipë xyëëwajtën Pedaías; ets yë'ë t'ixtëty tuntëty jam ma nyipetyën ja jë'kxy pëky ets pënjaty yäjkpyën; ojtsës näjyëtu'un mpëjktä'äky jam yë Hanán, yë Zacur yë myaank, y'ok'u'unk yë Matanías ets jam pyutëkëtëty, jä'ä ko yë'ëjëty oy ja jot winma'any ënäty tmëët'atë. Yë'ë yajtuknipëjktë ets tyajwa'kxtëty ja jë'kxy pëky ma ja jyiikytyëjk myëku'uktëjkëtyën.

Nehemías 13:13 ပူးပေါင်းရင်းမြစ်များ

Nehemías 7:2

Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënety jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

2 Reyes 22:7

Ënëëmë näjyëtu'un ko këtii t'amëtowtëty jënu'un ja meeny tyajtuntën jä'ä ko yajnija'ap wa'ats ko yë'ëjëty oy jam ja mëtyo'owën tyajtu'uye'eytyë.

1 Corintios 4:2

Pën ja tuunk të t'ëxajë, yajnikëxë'ëkëp ko maayëp ja tuunk.

Hechos 6:3

Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Dios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

2 Reyes 12:15

E ja ja'ayëty mëti'ipë tuunpë mëjuuytyëpën, ka'ap yaj'amëtowtë ets tnikajpxtëty jënu'un ja meeny tyajtuntë, jä'ä nyija'awëtyëp ko oy ja jot winma'any tmëët'atë ets mëtëy ja mëtyo'owën tyajtu'uye'eytyë.

1 Timoteo 3:10

Jëyëjp mëpaat yaj'ixy yajnijawë pën ka'ap tii tuuntëkoy ets pën ka'ap tii tëko'oyën tmëtëkë, jyëkyejpy yajmo'ojëty ja tuunk ma ja mëpëjkpëtëjkëtyën.

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,

Hechos 4:35

ets tukë'ëtëkëtë ja ijxpëjkpëtëjk, jä'äts ja meeny yajwa'kxtëp ets tmo'otë mëti'ipë yajmëyajtëpën.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Nehemías 12:35

E ja teetytyëjkëty, jä'äts pyanëjkxtëp mëët ja xuxpë wojpë, mëti'ipë xyëëwajtëpën: Zacarías, Jonatán yë myaank, mëti'ipë ja y'aptëjk xyëëwajtën Semaías, Matanías, Micaías, Zacur ets Asaf;

Nehemías 11:22

Mëti'ipë ja Leví ja'ay nikopk'ajtëtën jä'ä xyëwatyp Uzí, myaank yë Paní, myaank yë Hasabías, myaank yë Matanías, myaank yë Micaías, mëti'ipë y'u'unk'ajtyp y'ok'ajtypyën yë Asaf, mëti'ipë ja ëy tyu'uwinwoowtëpën jap tsajptëkoty ko kajpxta'ak y'ity.

Nehemías 10:12

Zacur, Serebías, Sebanías,

Nehemías 8:4

Ja yaj'ijxpëjkpë Esdras jam ojts kyuwa'akë ma tu'uk kepyën tënaaypyäjn, mëti'ipë yë'ë të tyimyajtuktsätsën. Tam ënety näjyëtu'un pya'atänëty a'oytsyow yë Matatías, Semá, Anías, Urías, Hilquías ets yu Maaseías. Tam ënety näjyëtu'un pya'atänëty y'anajny'äämpy yë Pedaías, Misael, Malquías, Hasum, Hasbadana, Zacarías ets Mesulam.

Nehemías 3:30

Ma Semaías tyajëjpkëjxyën yë jyä'ä, jam tpatso'ontäky yë jyä'äy yë Hananías, myaank yë Selemías ets Hanún, mëmëkoxkpë myaank yë Salaf; ma Hananías yë jyä'ä tyajëjpkëjxyën jam tyajtso'ontäky yë Mesulam yë jyä'ä, yë Berequías yë myaank, nän yë'ë ojts t'akojëtyä'äy ja potsy mëti'ipë najxpën jam ma tyëjkën.

Nehemías 10:38

Ko ënety ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,

2 Reyes 12:16

E jä'ä ënät ja meenypë mëti'ipë ja ja'ay nätyukukëpäjtëpën ko pyokytyuny, ëkë ko ja tëko'oyën tmëëtëty, ka'ap ja yajmënëjkxy ma ja tsajptëjkën, jä'ä ko jä'ä ja teety jyä'ä'ajtëp.