Nehemías 13:1 - Biblia Dc en Mixe de Quetzaltepec

¹ Jä'ä xëëw ojts yajkäjpxy ma ja mayjyä'äyën ja Moisés ja nyoky, jam yaj'ijxpaty ko yë Amón ja'ayëty ets Moab ja'ayëty ka'ap mëpaat tsyënaaymyuktë mëët yë nTios'ajtëmë yë nyaax kyajpnëty.

Biblia Mixe de Quetzaltepec

¹ Jä'ä xëëw ojts yajkäjpxy ma ja mayjyä'äyën ja Moisés ja nyoky, jam yaj'ijxpaty ko yë Amón ja'ayëty ets Moab ja'ayëty ka'ap mëpaat tsyënaaymyuktë mëët yë nTios'ajtëmë yë nyaax kyajpnëty.

Nehemías 13:1 ပူးပေါင်းရင်းမြစ်များ

Nehemías 9:3

Tëkëëk yaxp jëtu'un tsyënaaytyë jam ma ënety yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

Nehemías 13:23

Ojts näjyëtu'un yajnijawë ko tam ja jutië ja'ayëty mëti'ipë ënety të pyëktën mëët ja to'oxytyëjkëty jampë kyukajpn'atën Asdod, Amón ets Moab;

2 Reyes 23:2

Ja yajkutujkpë ets ja ja'ayëty jampë kyukajpn'atën Judá ets Jerusalén, ja teetytyëjkëty, ja Wintsën ja myëtuunpë ets tëkokyë ja naax kajpn mëjpë mutskpë; ni'ëmukë nyëjkxtaaytyë ma ja Wintsën ja tsyajptëjkën. Jam ja yajkutujkpë ojts tkäjpxy ja noky mëti'ipë myë'ijtypyën ja käjpxytyu'unën japë të yajpaatyën ma ja Wintsën ja tsyajptëjkën.

Hechos 15:21

Jä'ä ko tëëyëp jëtu'un tsyo'ontä'äky ets tyampaat tää kajpn kajpn yajpaaty mëti'ipë ja ja'ay tyuk'ijxpëjktëpën ja myëku'uk, ja Moisés ja y'ënä'ämën mëti'ipë yajnimëtyakpën winpo'kxënxëëw jap tsajptëkoty.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Lucas 10:26

Ets ja Jesús y'ëtsoowinpijtë: ¿Wi'ix ja Moisés ja y'ënä'ämën kyëxja'ayëty? ¿Wi'ix jap xykyäjpxy?

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Jeremias 48:1

Yë Wintsën, mëti'ipë maaytyääyëpën winë, mëti'ipë ja Israel ja'ay Tyios'ajtëpën, tëë tnikäjpxy wi'ix jyata'antën yë Moab ja'ayëty: Janty mon janty tuk yajpaaty yë Nebo kajpn ko të kyutëkooynyë. Yë Quiriataim kajpn o'ktëy të jyäty të kyëpety, yë nyaax kyajpn mëti'ipë ënety ta'tspëkyën ets këwent'atyën, tëë jyijtë'kta'ay ja pyotsy.

Isaías 34:16

Jap pa'ixtë ma ja Wintsën ja nyokyën ma winë jaaypyety myiinta'ayën, nitu'uk ya'atë jëyujk kyatëkoy'ata'any, tu'kyä'äy tu'kto'oxy jap myina'antë kuja'ay jä'ä ko jëtu'un yë Wintsën të tuknipëjktaakë ets tëë tyajtu'ukmujkta'ay tu'k nasxäjë.

Nehemías 4:3

Tam ja Tobías ënety näjyëtu'un pya'u'unyëty ets ojts y'ënaanpë: Ixtë, ko xyijy yë pyotsyëty jam wintu'upëky t'oytyuntë, mëpaatëp jam tu'uk wax kyëxpujnë ets tyajëmaamkëta'akëty.

Nehemías 2:19

E ko tnija'awëtyë yë Sambalat jampë kyukajpnëtyën Horón, Tobías, mëti'ipë Amón ja'ayën ets ja Guésem mëti'ipë árabe ja'ayën, je'eyës ojts xynyëxi'ik xytyukxi'iktë ets ni'ikyënëmës ojts wiinkjaty xy'ënëëmëtë: ¿Tiitën miitsëty mtunantëp? ¿Ti wä'än jëtää mijts ja yajkutujkpë xypyuwa'ktu'uta'antë?

Nehemías 2:10

E ko tnija'awëy, yë Sambalat, jampë Horón kyukajpnëtyën ets ja Tobías tu'uk wintsën mëti'ipë Amón ja'ayën, wiink tja'awëtyë ko tu'uk ja'ay jya'ajtpë mëti'ipë ënety pyutëkëjäämpyën ja Israel kajpn.

Nehemías 8:2

Ma ja mëmajkpo'opë tyu'uk'anyën, jää ojts ja teety Esdras tmëminy ja noky ma jap myinyën kuja'ay ja ënä'ämën kutujkënën ets tukwinkukajpxëy ja ja'ay mëti'ipë ënety jam të nyiye'eypyetyën naaxwiinyëtë ja'ay to'oxytyëjk mëti'ipë kujk yajxon myääynyëtën tyajnëtën;