Nehemías 12:47 - Biblia Dc en Mixe de Quetzaltepec

⁴⁷ Paatykyëjxm ko yë Zorobabel jyuuky'äjty ets ko yë Nehemías jyuuky'äjty, tëkokyë yë Israel ja'ayëty xëmë ijty tkë'ëyaktë jë'kxy pëky ma ja'ayëtyën mëti'ipë ëëwtëpën xuxtëpën, ëëwtëpën yaxtëpën, mëti'ipë ja tëjk'aaw kyëwent'ajtëpën; myooytyëp ijty näjyëtu'un yë Leví ja'ayëty mëti'ipë paatë'ajtëtëpën ets Aarón yë y'u'unk y'okëty.

Biblia Mixe de Quetzaltepec

⁴⁷ Paatykyëjxm ko yë Zorobabel jyuuky'äjty ets ko yë Nehemías jyuuky'äjty, tëkokyë yë Israel ja'ayëty xëmë ijty tkë'ëyaktë jë'kxy pëky ma ja'ayëtyën mëti'ipë ëëwtëpën xuxtëpën, ëëwtëpën yaxtëpën, mëti'ipë ja tëjk'aaw kyëwent'ajtëpën; myooytyëp ijty näjyëtu'un yë Leví ja'ayëty mëti'ipë paatë'ajtëtëpën ets Aarón yë y'u'unk y'okëty.

Nehemías 12:47 ပူးပေါင်းရင်းမြစ်များ

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

Nehemías 12:26

Ya'atë ja'ayëty jää jyuuky'ajtë ma yajkutujkyën yë Joaquim, myaank yë Josué ets yë'ë Josadac y'ok'u'unk; ets ma yajkutujkyën yë Nehemías ets ma ja teetyën ets yaj'ijxpëjkpë Esdras jyuuky'äjtyën.

Nehemías 12:12

Ma ja Joiacim jyuuky'äjtyën yë'ë ojts tyeety'atë mëti'ipë kyutënaaytyën ja y'u'unk y'ëna'këty y'u'unk tyo'oxytyëjkëty mëti'ipë yaa yajnikajpxantëpën: ma ja Seraías ja jyiiky myëku'ukën yë ojts jam nyikopk'atëtë yë Meraías; ma ja Jeremías ja jyiiky myëku'ukën yë'ë ojts nyikopk'atëtë yë Hananías;

Nehemías 12:1

Ya'atë jëtu'un ojts tyeety'atë ets Leví ja'ayëty mëti'ipë jatëkok winpijtën jam Jerusalén mëët Zorobabel, myaank yë Salatiel ets mëët yë Josué: Jä'ä ja teetytyëjkëty mëti'ipë txëëwajtëpën: Seraías, Jeremías, Esdras,

Nehemías 11:23

Yë yajkutujkpë tëë ënety tyajwë'ëmy ja ënä'ämën wi'ix ja ëëpëtëjk tyuntëtyën.

2 Reyes 7:10

Ënet tsyo'ontë ets ojts nyëjkxtë jam kajpnjotm, ko jam jyajtë tä ojts tmëkajpxtë ja tuunpëtëjk mëti'ipë ja kajpn kyëwent'ajtëpën ets t'ënëmaaytyë: Tëës jam n'otstë ma ja Siria ja'ayëty nyäkëwent'atëtën, ni pën jam të nkapaatës; nimaa pën kyakäjpxy kyamëtyä'äky. Yi'iyë të n'ixtës ja wyitëjkëty ma të y'itën ets ja këwaayëty kruktsëty jëtu'un tä tmëmiintën.

2 Reyes 25:30

Mapaat yë Joaquín jyaak juuky'äjtyën mëjuy ojts yë xyëëw nyäxy winjëpom, yë'ë mëjuuyëp ja Babilonyë yajkutujkpë.

Deuteronomio 18:8

Näyjyëtu'un nëjkx tjä'ä'aty ja jë'kxy pëky, tä ja myëku'uktëjkëtyën, ëpëky mëti'ipë ënety ja tyeety tukumaayëpën.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.