Nehemías 12:43 - Biblia Dc en Mixe de Quetzaltepec

⁴³ Jä'ä xëëw may yajxon ja wintsë'kën jyänty yajyäjky, ets ja'ayëty aak akujk aak jotkujk ojts nyäyjyawëtë, jä'ä ko ja nTios'ajtëmë yë'ë ënety të tyajkëtä'äky ja kyënu'kxën ets jyam'atëty mëjwiin këjää ja jotkujk'ajtën ets ja xoontakën. To'oxytyëjktëjkëty ets pi'k ëna'këty aak xoontä'äky yajpatë, ja ëy yä'äxy ets ja xoontakën jëkämpaat ojts yajmëtoownë.

Biblia Mixe de Quetzaltepec

⁴³ Jä'ä xëëw may yajxon ja wintsë'kën jyänty yajyäjky, ets ja'ayëty aak akujk aak jotkujk ojts nyäyjyawëtë, jä'ä ko ja nTios'ajtëmë yë'ë ënäty të tyajkëtä'äky ja kyënu'kxën ets jyam'atëty mëjwiin këjää ja jotkujk'ajtën ets ja xoontakën. To'oxytyëjktëjkëty ets pi'k ëna'këty aak xoontä'äky yajpatë, ja ëy yä'äxy ets ja xoontakën jëkämpaat ojts yajmëtoownë.

Nehemías 12:43 ပူးပေါင်းရင်းမြစ်များ

2 Crónicas 20:13

Ja mayjyä'äyëty mëti'ipë jam tso'ontëpën ma Judá y'itjotmën aak tänë ënety jam yajpaatë Dios wintum, tam ja to'oxytyëjkëty, mëët yë y'u'unk y'ëna'këty ets mëxu'unktëjkëty.

2 Crónicas 20:27

Tä ja Judá ja'ayëty ets ja Jerusalén ja'ayëty, ojts wyimpijnëtë; Josafat ojts tyu'uwinye'eyëtë, akujk jotkujk ojts wyimpijnëtë jam Jerusalén, jä'ä ko ojts ja Wintsën ja xoontakën myo'ojëtë mëët ko ënety ja myëtsip ëxëëk të jyat të kyëpätë.

2 Crónicas 7:10

Ma y'i'px tëkëëk anyën ja myëwëxtujk po'opë, jää ja yajkutujkpë ojts t'ënëmaaynyë ja mayjyä'äy ets ye'eywya'kxtaaynyëtëty ets wyimpijnëtëty jatëkok ma jyëën tyëjkëtyën akujk jotkujk, mëët ko të t'ixtë wi'ix ja Wintsën t'oyjyawën ja David, ja Salomón ets Israel kajpn.

Esdras 3:13

Ka'ap yajmëtooy mëti'ipë ja yaxtëpën ets mëti'ipë xoontaktëpën jä'ä ko mayjyä'äy, aak yax aak jojktëp wä'än tpënëty.

Nehemías 12:27

Ko tpaty ja xëëw po'o ma ënety yajkënu'kxa'anyën ja potsy mëti'ipë ja Jerusalén kajpn nyapots'ajtypyën, wa'ats t'ixtaaytyaktaaytyë ja Leví ja'ayëty ets tninëjkxtaaytyë maajaty ënety tsyëënëtën jyuuky'atën, tääts twoowmiintaaytyë jam Jerusalén ets tkënu'kxtëty ja naax kajpn mëët ja xikën xo'onën ets ja ëy yä'äxy, xuxpë wojpë, ëëpë koopë.

Nehemías 12:42

Maaseías, Semaías, Eleazar, Uzí, Johanán, Malquías, Elám ets Éser. Ets ja ëëpëtëjkëty xuxpëtëjkëty mëti'ipë tyu'uwinye'epyën ja Izrahías, oy ojts yajxon y'ëëwnëtë yaxnëtë tu'knax.

Job 34:29

E ko Dios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Salmos 27:6

Täänëm ënät tjëkyäpëty wi'ixës yë nmëtsiptëjk, nwinkuwa'akëty amëk jotmëk; ënät nëjkx yë Wintsën nmo'oyës yë wintsë'kën jap tsajptëkoty, etsës mëk nya'axa'any njoka'any koos ënety nyajpaaty xoontä'äky, etsës nwin'ëwa'any nwinya'axa'any yë Wintsën.

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënety ja Wintsën nkukajpxës.

Salmos 9:2

Mijts Ni'ik Këjxmëpë, nëkooyë ntukxoontaknë, n'ëwäämpyës yë ëy mëti'ipë kyuuy'iipyën yë mxëëw.

Salmos 92:4

Mijts Wintsën, janty jotkujkës xyaj'ity koos xytyuk'ixy wi'ix mijts winë janty'oy xytyunyën. Janty jotkujk janty xoontä'äkyës nnäjyawëty koos n'ixy tëkokyë mëti'ipë mijts të xyajkojy të xypyëjktä'äkyën.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Jeremias 31:13

Akujk jotkujk nëjkx ja to'oxy'ëna'k y'ätstë, näjyëtu'un ja yä'äy'ëna'këty ets ja mëjja'aytyëjkëty. Ëjts nyajjotkujkëjantëp: xikën ëwë'kën nyaj'awinpita'anyës yë jyi'iyënëty yaxënëty, mëj këjää nëjkx nyajjotkujkta'aktës, këtiinëm ko të y'ëyowtë.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Mateo 21:15

E ko ja teety wintsëntëjk ets ja yaj'ijxpëjkpëtëjk, mëti'ipë ja ënä'ämën tëyajtën nyija'awëtëpën, ko jëtu'un t'ijxtë ko ja Jesús ja mëj'ajtën tuny ets tmëtoowtë ko ja pi'k ëna'k mëk y'ëna'antë Hosana, Hosana, yajkutujkpë David yë y'U'unk, tääts jyoot'anpëjktë,

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Dios kënu'kxëtëp mëti'ipë të kyexyën yë Wintsën. Hosana. Mëj jaanty yë Dios.

Juan 16:22

Näyjyëtu'un miits tyam mmontë mtuktë; je'eyëp koos winpitaanpës jatëkok ets min n'ixa'antë ets jotkujk mnäjyawëtëty ets ni pën mkapëjkëtëty ja mxoontakënëty.

Efesios 5:19

Nämyëkajpxëtë nixim niyam mëët ja tsajpkäjpxy, ëwtë ya'axtë ets tukxoonta'aktë mëti'ipë ja Dios yajmëjnajxypën.

Santiago 5:13

Pën jam pën myony tyuk ma miitsëtyën, wä'än ja Dios tja'amyetsy. Pën jam pën akujk jotkujk yajpaaty, wä'än ja Dios tkuuy'iy.

1 Samuel 4:5

Ënet ko jam jyä'äjty ja Wintsën ja kyaaxë mëti'ipë ja käjpxtyu'unën myë'ijtypyën, ja Israel ja'ayëty ënät tyëjkëtyë yaxpë jojkpë ets janty mëk ja naax tsyëyuuypyijky.