Nehemías 12:31 - Biblia Dc en Mixe de Quetzaltepec

³¹ Ënet ja kutuunktëjkëty n'ënëmaaytyës ets jam pyätëty potsykyëjxm ets ojts ni'ënä'ämës yajma'kxëty mäjtsk tu'u yë ëëpë yaxpëty. Ja mëtu'ktu'upë jä'ä nëjkxtëp a'oytsyow ma ja Pujxm ijty yajko'oyën.

Biblia Mixe de Quetzaltepec

³¹ Ënät ja kutuunktëjkëty n'ënëmaaytyës ets jam pyätëty potsykyëjxm ets ojts ni'ënä'ämës yajma'kxëty mäjtsk tu'u yë ëëpë yaxpëty. Ja mëtu'ktu'upë jä'ä nëjkxtëp a'oytsyow ma ja Pujxm ijty yajko'oyën.

Nehemías 12:31 ပူးပေါင်းရင်းမြစ်များ

Nehemías 2:13

Jä'ä tsu'um ntso'onyës, jamës najxy matsow ja tëjk'aawën mëti'ipë nëjkxpën jam joyjyotm, ma ja nëëwooky yajtijyën Dragón etsës najxy ma ja nyitëjk'aawën pu'uxm ko'owtakn yajko'oyën, tääjës n'ijxtaay wa'ats wi'ixjaty ja naax kajpn ënety yajpaatyën, maajaty ënety potsy të jyity ets mëti'ipëjaty ënety ja tëjk'aaw të tyoy.

Nehemías 12:38

Ja mëmäjtsktu'upë ja ëëpë yaxpë anajnytsyow ojts nyëjkxtë. Ëjts ix'ok ojts nëjkxyës mëët ja ëëpëtëjkëty jampë potsykyëjxm ye'eytyën mëët nikujkwä'kxy ja mayjyä'äy, jam ntso'ontës ma ja Tsijtktëjkën ets njajtës jam ma myëjwiinëtyën ets myäjpxypyotsyëtyën ja mëjpotsy,

Nehemías 12:40

Tääts jam nimäjtsk y'aye'eymyujktë ja ëëpë xuxpë ets jëtu'un tyëjkëtyë tsajptëkoty; etsës nän ojtsës jap ntëkë mëët nikujkwä'kxy ja yajkutujkpëtëjk mëti'ipë ënety xyjyämyëët'ajtëpën.

2 Crónicas 5:2

Ënet ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

1 Crónicas 13:1

David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

Nehemías 12:32

Jam ix'am yë'ë jam nëjkxtëp yë Osaías, mëët nikujkwä'kxy ja kutuunktëjkëty jampë Judá tsyoontën, jä'ä jëtu'un yaj'antijtëp,