Nehemías 12:27 - Biblia Dc en Mixe de Quetzaltepec

²⁷ Ko tpaty ja xëëw po'o ma ënety yajkënu'kxa'anyën ja potsy mëti'ipë ja Jerusalén kajpn nyapots'ajtypyën, wa'ats t'ixtaaytyaktaaytyë ja Leví ja'ayëty ets tninëjkxtaaytyë maajaty ënety tsyëënëtën jyuuky'atën, tääts twoowmiintaaytyë jam Jerusalén ets tkënu'kxtëty ja naax kajpn mëët ja xikën xo'onën ets ja ëy yä'äxy, xuxpë wojpë, ëëpë koopë.

Biblia Mixe de Quetzaltepec

²⁷ Ko tpaty ja xëëw po'o ma ënäty yajkënu'kxa'anyën ja potsy mëti'ipë ja Jerusalén kajpn nyapots'ajtypyën, wa'ats t'ixtaaytyaktaaytyë ja Leví ja'ayëty ets tninëjkxtaaytyë maajaty ënäty tsyëënëtën jyuuky'atën, tääts twoowmiintaaytyë jam Jerusalén ets tkënu'kxtëty ja naax kajpn mëët ja xikën xo'onën ets ja ëy yä'äxy, xuxpë wojpë, ëëpë koopë.

Nehemías 12:27 ပူးပေါင်းရင်းမြစ်များ

2 Samuel 6:12

Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

1 Reyes 8:63

Salomón jä'ä Wintsën tukwintsë'këy i'px mäjtsk mil ja tsajpkaa ets mëko'px ja i'px mil ja kupixyny, tyaktë jëtu'un ja wintsë'kën mëët ko yajtuny ja nay'ëëw'oy näykyajpx'oyë. Tääts ja yajkutujkpë ets ja Israel ja'ayëty tkënu'kxtaaytyë ja tsajptëjk mëti'ipë ënety të kyoj'apaatën.

1 Crónicas 13:8

E ja David mëët ja Israel ja'ayëty jëyëjp nyëjkxtë ëëpë yaxpë ets äjtspë Dios wintum, tukxoonta'aktë ja Dios ja xyëëw ëmuumtu'ukjot, mëët ja xuxpë wojpë ets ëëpë koowpë.

1 Crónicas 15:12

tä t'ënëmaay: Miitsëty mëku'uktëjkëty ma xynyikopk'atën ja mnaax mkajpnëty, myajpëjktsowtë ets mnäpyuj mnäjyä'ätsëtëty, näjyëtu'un ja mjëëky mëku'ukëty ets tjëkyäpëty wi'ix ja Wintsën ja kyaaxë xyajtsoonëtëtyën ets yajmënëjkxëty ma të yajni''ixën;

1 Crónicas 15:16

Ojts näjyëtu'un ja David tni'ënä'ämë ets twin'ixtëty ja ja'ay ma ja Levíjën mëti'ipë ëwtëp ya'axtëpën ets jä'ä xyu'uxtët wyoptëty, tpëjkta'aktëty ja mëto'owën mëti'ipë yajkëxë'ëktëpën ko jyam'aty ja jotkujk'ajtën.

1 Crónicas 15:28

Tëkokyë ja Israel ja'ayëty ëëp yaxp nyëjkxtë mëët ja xoontakën jotkujk'ajtën tyajnëjkxtë ja Wintsën ja kyaaxë.

1 Crónicas 15:4

Ojts tyajtu'ukmujkta'ay ja Aarón ja y'u'unk y'ok ets ja Leví ja jyä'äy.

1 Crónicas 16:42

Ya'atë ja'ayëty yë'ë ijty yaj'ënantëp yë ak, pujxn awojpmujk ets winë mëti'ipë ja ëy tyukpa'ënantëpën mëti'ipë ja Wintsën tyukwin'ëëwtëpën. Ja Jedutún ja y'ëna'k yë'ë ojts yajtuknipëktë t'atänëtëty ja tëjk'aaw.

1 Crónicas 16:5

Yë'ë ojts yajpëjktä'äky ets ja myëku'uktëjk tnikopk'atëty, ja Asaf ets ok ja Zacarías; tääts näjyëtu'un yë Jeiel, Semiramot, Jehiel, Matatías, Eliab, Benaías, Obed-edom ets Jeiel, mëti'ipë myëët'ajtëpën ja kyowëty, xyuxnëty, ja y'akëty, Asaf yë'ë ijty yaj'ënäämpy pujxn'awojpmujk,

1 Crónicas 23:5

Nimajktaxk mil mëti'ipë kyëwent'atëpën ja tëjk'aaw ets wiinkpë ja nimajktaxk mil mëti'ipë xëmë ja Wintsën wyin'ëw wyinya'axtëpën, tyaj'ëna'antëty ja xyuxnëty y'akëty tukwinxu'ux tukwinwoptëty ja Wintsën.

1 Crónicas 26:31

Ma jajëmëjt ënety y'änyën wëxtyikxy, ma David yajkutukyën, ojts ja yajpaye'ey wi'ix ja Hebrón ja jyiiky myëku'uk ënety të yajpaatën ets të jyuuky'atën ets ojts yajnijawë ko tamtëm ijty ja myëku'uktëjk mëti'ipë mëj'äämpy ijtëpën jam Jazer ma Galaad tnitänën. Yë'ë ojts tnikopk'aty ja myëku'uktëjk mëti'ipë txëëwajtpën ja ja'ay Jerías;

2 Crónicas 29:25

Ezequías ojts Leví ja'ayëty tuknipëky ets jap tsajptëkoty xyu'uxtëty wyoptëty, mëët ja kyowëty, y'akwojpnëty, pyujxn'akojxmujknëty, jëtu'un tä ënety ja David, Gad ets Natán ja ënä'ämën të tyajwë'ëmtën. Ya'atë ënä'ämën Wintsën ojts jëtu'un tpëjktä'äky.

2 Crónicas 29:30

Ja yajkutujkpë ets ja kutuunktëjkëty ojts t'amëtowtë ja xuxpë ets ja ëëwpë ets y'ëwtëty ya'axtëty, mëti'ipë ja David yaj'o'oyëyën ets Asaf. Yë'ë ënätyë tyëjkëtyë ëëwpë yaxpë ets t'ëwtajt tmëja'awëtyë ja Wintsën.

2 Crónicas 5:13

Ënet tyëjkëtyë tu'knax xuxpë wojpë, ëëpë yaxpë; tukxoonta'aktë ja Wintsën ja xyëëw ets tyajnaxtë ja kukkajpxën ja'awëkyëtakkën; ja xuxn, ja ak ets ja pujxn awojpmujk jä'ä ja ëy tyukpa'ënantëp, jëtu'un y'ëna'antë: Win'ëw winya'axtë yë Wintsën, jä'ä ko oy yë'ë ets tsojkp ja'ap xëmëkyëjxm. Jää ma ënety jam jëtu'un y'ëwtën ënät ja Wintsën ja myëj'ajtën tkejxy jap tsajptëkoty, jëtu'un tyajnaaxkëtäky tä tu'uk yoots nëma'ajën,

2 Crónicas 7:6

Ja teetytyëjkëty aaktam ënety yajpata'atë ets ja Leví ja'ayëty aakmëët ja xyuxnëty kyowëty, mëti'ipë ënety ja yajkutujkpë të tyaj'oyën ets tukpa'ëna'antë ja ëy mëti'ipë ënaanpën: Jä'ä ko yë tsyojkën jya'awën xëmëkyëjxm yë y'ity, ko ja David ijty mëët y'ëwtë. Ets ja teetytyëjkëty tim xux tim koowtëp jamëty, tyam ja mayjyä'äy jyänty ëwtë.

Esdras 6:16

Ja Israel ja'ayëty, ja teetytyëjkëty, ja Leví ja'ayëty ets tëkokyë jënu'un ënety ëxwop ixkexy të y'itën ojts tnixëëwtuntë ja tsajptëjk mëët ja xoontakën mëjwiin këjää.

Nehemías 11:20

Ja nimayjyä'äyëty nimaypyë ja Israel ja'ayëty jam ojts ëpëky tsyënaaytyaknpëktë ma ja kajpnëtyën ka'apë yam yanikäjpxyën, nitu'ukjaty aak ojts tpata'atë ja nyaaxëty kyamëty;

Nehemías 12:43

Jä'ä xëëw may yajxon ja wintsë'kën jyänty yajyäjky, ets ja'ayëty aak akujk aak jotkujk ojts nyäyjyawëtë, jä'ä ko ja nTios'ajtëmë yë'ë ënety të tyajkëtä'äky ja kyënu'kxën ets jyam'atëty mëjwiin këjää ja jotkujk'ajtën ets ja xoontakën. To'oxytyëjktëjkëty ets pi'k ëna'këty aak xoontä'äky yajpatë, ja ëy yä'äxy ets ja xoontakën jëkämpaat ojts yajmëtoownë.

Nehemías 8:17

Tëkokyë ja ja'ayëty mëti'ipë ojts yaj'ëxwoptën je'eyëp ko tëë jatëkok ja nyaax kyajpn ënety tpaatë, ojts ja tyëjkxo'omy t'oytyuunta'atë ets jap y'ijtë jä'ä ko maju'unëm ja Josué, yë Nun myaank jyuuky'ätyën ka'ap ënety pën jëtu'un të t'ëktuunë. Jä'ä xëëw ijtëpën yajxon xyëëwtuuntë.

Salmos 149:3

Mmëjpëjkta'aktë yë xyëëw mëët yë ety tëki'ixy, ëwtë ya'axtë yë ëy, tukpa'ëna'antë yë xijn ets kow,

Salmos 30:1

Wintsën tyam mijts nkuuy'iy nkuuyä'äxy, jä'ä ko mijtsës të xyajtso'oky ets ka'ap të xy'ëwa'atsy etsës yë nmëtsiptëjk xynyëxi'ik xytyukxi'iktëty.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Deuteronomio 20:5

Ënet ja tsiptuunpë wintsënëty, nëjkx tmëkajpxtë ja tyuunpëtëjkëty ets t'ënëëmëtëty: Pën tëë pën yë tyëjk tnaamkojy ets ka'ap tuktsëënënëm, nikë oy ko wyimpitëty, kajekyën jam tsipjotm y'ëk'o'knëty ets ja jyemtyëjk wiink ja'ay nëjkx tuktsëënë.

Filipenses 4:4

Tukxoonta'aktë ja Kristë xëmë. Njaaknikäjpxyës ets mxoonta'aktëty.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Dios ja'amyäjtsën mëti'ipë tyuuntëpën ja mëpëjkpëtëjk.