Nehemías 12:24 - Biblia Dc en Mixe de Quetzaltepec

²⁴ Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.

Biblia Mixe de Quetzaltepec

²⁴ Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.

Nehemías 12:24 ပူးပေါင်းရင်းမြစ်များ

Nehemías 11:17

Matanías, myaank yë Micaías, myaank yë Zabdí, myaank yë Asaf, mëti'ipë tyu'uwinwoopyën ja ëy ko ja kajpxta'ak y'ity jap tsajptëkoty; Bacbuquías ja mëmäjtskpë yajpaatyën ma ja tu'kjëëky tu'kmëku'ukpën ets ja Abdá, myaank yë Samua, myaank yë Galal, myaank yë Jedutún.

Nehemías 9:4

Kom ok ja Leví ja'ayëty tä ja Josuéjën, Binuy, Cadmiel, Sebanías, Buní, Serebías, Paní ets Quenani pyäjtë jam kepykyëjxm ma ënety jam të yajni''ixëtën ets tyëjkëtë mëk kajpxtaktpë ja Wintsën mëti'ipë Teety'ajt Koonk'ajtpën jä'ä myëkajpxtëp;

Nehemías 8:7

Ja Leví ja'ayëty mëti'ipë xyëëwajtëpën Josué, Paní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán ets Pelaia jä'ä tyukwinmëtyaktëp ja naax kajpn wi'ix ja ënä'ämën tëyajtën yajja'akyukëja'anyën ets mayjyä'äy je'eyë tmëtoow'itë ets aak tënaaytyëp,

Esdras 2:40

Yë Leví ja'ayëty, Josué y'u'unk y'ok ets Cadmiel, mëti'ipë näjyëtu'un yë Hodavías y'u'unk'ajt y'ok'ajtën, jä'ä nyiwinë'ajtë tëkë'px majkmäjtsk.

2 Crónicas 8:14

Ojts näjyëtu'un ja tuunk tyajwa'kxta'ay jëtu'un tä ënety ja tyeety David të tni'ënä'ämën ets ja teetyëjk yi'iyë ja tyuunk tyajtu'uye'eytyëty ets ja Leví ja'ayëty jä'ä wyin'ëw wyinya'axtëp ja Wintsën ets ko muum tputëkëtëty ja teetytyëjkëty ma muum myëyätyën. Ojts näjyëtu'un tyajwä'kxy ja tuunkj ets tpëjktaktaay ja ja'ay maajaty ja tëjk'aaw yaj'atänëja'anyën, jä'ä ko jëtu'un ënety ja David të tuknipëjktaakë, mëti'ipë ja Wintsën ja'ayajtën.

1 Reyes 17:24

Ets ja to'oxytyëjk y'ëtsoowë: Tyamës ënät yajxon nijawë ko mijts Wintsën mja'ay'ajtëp ets ja mëti'ipë mnikäjpxypën aakjä'ä mëti'ipë mëtëyën.

Josue 14:6

Ënet ja Judá ja y'u'unk y'ok ojts nyëjkxtë jam Guilgal ets myëtya'aka'antë mëët ja Josué. Ojts yë Caleb näjyëtu'un nyijkxy mëti'ipë Quenéz ja'ayën, Jefuné yë myaank ets t'ënëmaay ja Josué: Ja'amyäts wi'ix yë Wintsën ojts t'ënëëmën yë Moisés jam Cades-barnea ko ojts ëëtsajtëm nyajnimëtyakëmë.

Deuteronomio 33:1

Ka'anëm ënety ja Moisés y'ookynyëm, mëti'ipë ja Dios myëtuunën, ko ja Israel ja'ayëty ojts t'ëkjaakënu'kxnë,

2 Timoteo 3:17

jëtu'unts ja Dios ja jyä'äy winma'anymyëët yajpaatëty ets nijawëty wi'ix oypyë tunëtyën.

1 Timoteo 6:11

E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

Nehemías 12:23

Yë Leví ja'ayëty mëti'ipë jyiiky myëku'uk kyutënaaytyën jap yajkëxjaaytyë xyëëwëty ma ja nokyën ma myintën këxja'ay xyëëwëty mëti'ipë ja'ay ijtëpën mapaat jyuuky'äjtyën yë Johanán, Eliasib y'ok'u'unk.

Nehemías 12:36

ëpëky ja jyiiky myëku'ukëty mëti'ipë xyëëwajtëpën Semaías, Azarel, Milalai, Guilalai, Maai, Natanael, Judá ets Hananí, mëti'ipë ijty tyukxuxtëpën ja xuxn mëti'ipë David jyä'äy'ajtën, mëti'ipë myëtuunën ja Wintsën. Jam jëjp'am jam nyijkxy ja yaj'ijxpëjkpë Esdras.

1 Crónicas 16:4

David ojts näjyëtu'un tnikajpxpety ja Leví ja'ayëty mëti'ipë y'ijx'itëpën ja Wintsën ja kyaaxë, mëti'ipë xëmë jam kajpxta'aktëpën ets yajnaxtëpën ja kukkajpxën ja'awëkyëtakkën ma ja Wintsën Tiosën mëti'ipë y'ëwtajtëpën ja Israel ja'ayëty.