Nehemías 11:18 - Biblia Dc en Mixe de Quetzaltepec

¹⁸ Jä'ä nyiwinë'ajtë ja Leví ja'ayëty mëti'ipë tsënaaytyaknpëjktën ma ja Jerusalén kajpnën mëti'ipë kënu'kxyën mäjtsk mëko'px ja majkta'px majktaxk.

Biblia Mixe de Quetzaltepec

¹⁸ Jä'ä nyiwinë'ajtë ja Leví ja'ayëty mëti'ipë tsënaaytyaknpëjktën ma ja Jerusalén kajpnën mëti'ipë kënu'kxyën mäjtsk mëko'px ja majkta'px majktaxk.

Nehemías 11:18 ပူးပေါင်းရင်းမြစ်များ

Nehemías 11:1

Ja kutuunktëjkëty ojts jam jya'të Jerusalén; ja naax kajpn ojts twin'ixtë ja ja'ay pënjaty nëjkxëpën jam Jerusalén, ets tu'ukjaty yajwinju'të ma tu'ukja'aypyën ets nëjkx jam tsyënaaytyaknpëky Jerusalén, ma ja kajpnën mëti'ipë kënu'kxyën ets wa'atsën, e ja nitaxtujkpëty jam ywë'ëmtëty kajpntum ma ja kajpn mutskëtypyën.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Mateo 27:53

Ko ënety ja Jesús të jyuukpyiky, ënät pyëtsëëmtë o'kpëjutjoty ets tyëjkëtyë ma ja wa'atspë ja kajpnën, ja Jerusalén kajpn ets ja ja'ay may y'ijxëtë.

Mateo 24:15

Ojts ja käjpxynyajxpë Daniel tkuja'ay ja ëxëëkpë ja tuuntëko'oyën. Ko miits xy'ixtëty ma ja wa'atspë ja itën, mëti'ipë nokykyajpxpën wä'än tja'akyukë,

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

1 Reyes 11:13

E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

Mateo 4:5

Ënet ja mëjku'u ojts yajnëjkxyë ma ja kënu'kxypyë Jerusalén kajpnën, tääts ojts yajpetyë jam mëjtsajptëjk këpajkm,

Nehemías 11:17

Matanías, myaank yë Micaías, myaank yë Zabdí, myaank yë Asaf, mëti'ipë tyu'uwinwoopyën ja ëy ko ja kajpxta'ak y'ity jap tsajptëkoty; Bacbuquías ja mëmäjtskpë yajpaatyën ma ja tu'kjëëky tu'kmëku'ukpën ets ja Abdá, myaank yë Samua, myaank yë Galal, myaank yë Jedutún.

Nehemías 11:19

Ja mëti'ipë ja tsajptëjk'aaw këwent'ajtëpën jä'ä xyëëwajtë: Acub, Talmón ets ja myëku'uktëjkëty jä'ä nyiwinë'atë mëko'px ja tëkë'px mäjtsk.