Nehemías 10:29 - Biblia Dc en Mixe de Quetzaltepec

²⁹ ojts tyu'ukmujkta'atë jënu'un ënety tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Biblia Mixe de Quetzaltepec

²⁹ ojts tyu'ukmujkta'atë jënu'un ënäty tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Nehemías 10:29 ပူးပေါင်းရင်းမြစ်များ

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

1 Crónicas 9:2

Ja ja'ayëty mëti'ipë ojts jatëkok wyimpitën ma ja nyaax kyajpnëtyën ets jatëkok jam tsyënaaytyaknpëjktë, jä'ä ja teetytyëjkëty, Leví jyä'äyëty ets ja mëti'ipë jap tsajptëkoty tuuntëpën.

2 Crónicas 34:31

Ënet ja yajkutujkpë wya'akë'ky jam ma ja potsy'ëjxën ets y'ënäny ko tpatuna'any ja Wintsën ja y'ënä'ämën kyutujkën ets ko winë aaw winëjot tmëmëtowa'any ja Wintsën ja y'ënä'ämën tyiyajtën, y'aaw y'ayuk ets y'ëëwtë'ëw kyajpxtë'ëwën, mëti'ipë jap miinpën kuja'ay ma ja nokyën.

2 Crónicas 6:16

E tyam ënät npëjktsoy, Wintsën mëti'ipë Israel ja'ayëty Tyios'ajtëpën; mtukniwa'akëp ja m'aaw m'ayuk ko xy'ënëmaay ja nteetyës David: Ko nän yë'ë ma'any ja y'u'unk y'ëna'k myëwë'ëmtëp ja kutujktakn mëti'ipë ënety mëtoopën ets mëti'ipë pyatuumpyën ja m'ënä'ämën mtëyajtën jëtu'un ijxtëm yë'ë tpatuunyën.

Nehemías 13:25

Ojts mëëtëty yajxon näy'ojyës, ets ojtsës mpoky. Ojts pën nwopyës ets ojts mëti'ipë kyuwaay nkatswijxës ets ojts ntukupëktës ets tnikajpxtëty mëët ja nTios'ajtëmë ja xyëëw ko ka'ap tkupëka'antë ets ja y'u'unk y'ëna'k pyëktëty mëët ja jaaypyaat jaaypyo'kxy ja y'u'unkëty y'ëna'këty mëti'ipë mëët ka'ap ntu'kja'ayajtëmën. Ojtsës näjyëtu'un n'ënëëmëtë:

Nehemías 7:46

Ja ja'ayëty mëti'ipë ijty jap tsajptëkoty tim tuuntëpën, jap pyä'ätë jyaaxtë, jä'ä y'u'unk y'okëty ja Sihá, ja Hasufá, ja Tabaot,

Nehemías 8:2

Ma ja mëmajkpo'opë tyu'uk'anyën, jää ojts ja teety Esdras tmëminy ja noky ma jap myinyën kuja'ay ja ënä'ämën kutujkënën ets tukwinkukajpxëy ja ja'ay mëti'ipë ënety jam të nyiye'eypyetyën naaxwiinyëtë ja'ay to'oxytyëjk mëti'ipë kujk yajxon myääynyëtën tyajnëtën;

Nehemías 8:3

jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.

Nehemías 9:2

ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënety ja nëë poky tjantytyuntë ets näjyëtu'un ja y'ap y'okëty.

Nehemías 9:38

Mëët ya'atë kyëjxm, tyam ëëts yajxon nikajpxtë nokykyijxy ets wä'än yajxon tyajjaaypyäjta'ay, ets ja noky mëti'ipë ënät pëtë'ëkëpën yë'ë wyinkukaatsëtëp ets tsya'atëp ëëts yë nkopktëjkëty, Leví ja'ayëty ets teetytyëjkëty.

Salmos 105:45

jëtu'un tmëët'atëty ja wintsë'kën ets tpatuntëty ja ënä'äm tëyajtën, mëti'ipë ja Dios ënety të tyuk'ijxpëkëtën. Tukxoontä'äky yë Dios yë xyëëw nyaxëty.

Salmos 119:106

Ojts tu'uk yë waantakën ntunyës, ets kopkpëky ko nkuuytyuna'anyës. Ëjts nkuuytyunäämpyës yë m'ënä'ämën mtëyajtën mëtëypyë.

Salmos 8:1

Wintsën, mëj'äämpyë yajpaatyën ma ëëtsëtyën, yë mxëëw yë'ë y'ënä'ämtääpy yë naax kajpn naaxwiinyëtë apëtsëmy, yë m'oy'ajt mëj'ajtën wyinajxyp yë tsajp.

Salmos 8:9

Wintsën, mëj'äämpyë yajpaatyën ma ëëtsëtyën, yë mxëëw yë'ë y'ënä'ämtääpy yë naax kajpn naaxwiinyëtë apëtsëmy.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Jeremias 26:4

Jëtu'un xy'ënëëmëtëty ko ëjts, mëti'ipë Wintsën'ajtpën, ëjts ënaanp: Pën këtii xymyëj'ix xymyëjpëjkta'aktës ets ka'ap tuntë tääjës të nja'ënëëmëtën,

Jeremias 34:15

E miitsëty ojts xyaj'oyëtë mjot mwinma'anyëty ets ojts xytyuntë mëti'ipës n'oyjya'apën ko xynyasmajtsëtyë ëwaatsëtum yë mjëëky mëku'ukëty ma ënety myëtuntën. Ko miitsëty ojts xytyuntë tu'uk ja käjpxytyu'unën maas yë ntsajptëjkën mëti'ipës ojts nyajtuknikojën.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Juan 7:19

Ojts mo'ojëtë ja Moisés ja ënä'ämën, ¿këtiijë? ets nitu'uk të xykyapatuntë. ¿Tiits koos xyaj'ooka'antë?

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 17:34

Tam jënaakën y'ijtë mëti'ipë ojts myëpëktën ets ja Pablo tpatso'ontë. Tu'uk txëëwaty Dionisio mëti'ipë wintsën'ajtpën jam Areópago ets tu'uk ja to'oxytyëjk txëëwaty Dámaris ets ja wiinkëtypë mëti'ipë mëpëjktën.

Hechos 23:21

Ka'ap xymyëpëkëty, jä'ä ko jap ja ja'ay tu'u ëkë'p y'owëxita'antë niwëxytyikxynyäxy. Tëë mëktä'äky nyäkyajpxëtë ko y'ayuu'ata'antë koonëm ja Pablo tyaj'ooka'antë. Je'eyë mijts ja m'ayuk yaj'ëwxijnë.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Deuteronomio 33:4

Yë Moisés tëë xymyo'oyëmë yë ënä'ämën tëyajtën, jëtu'un të xymyo'oyëmë, tä tu'uk yë mëjnäkyumayën ma Jacob yë nyaax kyajpnën,

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.