Nehemías 1:7 - Biblia Dc en Mixe de Quetzaltepec

⁷ Ja ëxëëkjatypë ëëts ja në'ë tu'u të mpanëjkxtëjkënëtë mijts mwintuuy; ja ënä'ämën tëyajtën, ja m'aaw m'ayuk ka'apës të mpatuntë tä mijts xyatsokyën, mëti'ipë ja mtuunpë Moisés mtuknipëjkën etsës xymyo'otëty.

Biblia Mixe de Quetzaltepec

⁷ Ja ëxëëkjatypë ëëts ja në'ë tu'u të mpanëjkxtëjkënëtë mijts mwintuuy; ja ënä'ämën tëyajtën, ja m'aaw m'ayuk ka'apës të mpatuntë tä mijts xyatsokyën, mëti'ipë ja mtuunpë Moisés mtuknipëjkën etsës xymyo'otëty.

Nehemías 1:7 ပူးပေါင်းရင်းမြစ်များ

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Daniel 9:13

Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Dios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Salmos 106:6

Tëës näjyëtu'un npoky tyuntë tääjës ja nteety n'apëtyës; tëës ja njot nwinma'any kyëxtëkoytyë, ets ja ëxëëkpë të ntuntës.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Sofonías 3:7

Ënet të nmay të ntajyës: Ko ënät yë Jerusalén tsyë'ëkëty ets ënät tkupëkëty yë pyoky ets y'oyëty; jëtu'un ka'ap kyutëkoyëty yë jyëën tyëjk ko ënety të ntukumëtoyës ja pyoky. E yë'ëjëty poj'am winë të tuuntëkoytyë.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

2 Crónicas 27:2

Jotam oy winë tuuny ma Wintsënën, jëtu'un tä Uzías ënety winë të tunyën mëti'ipë yë'ë tyeety'ajtën. Je'eyëp ko yë'ë ka'ap jap tsajptëkoty tyëjkëy. E oy jyajëtu'unëty ja naax kajpn je'eyëm ojts winë ëxëëk tuny tkäjpxy.

2 Crónicas 25:4

Je'eyëp ko ka'ap ojts ja y'u'unk y'ëna'k tyaj'o'kë, jä'ä ko yë'ë pyatuumpy ja ënä'ämën tëyajtën mëti'ipë jap miinpën ma ja Moisés ja nyokyën, ma y'ënä'änyën: Ko ja teety ja pyoky ka'ap tjëkyepy yë'ë tkumëtowëty yë y'u'unk y'ëna'k, ëkë ja u'unk ëna'k ja pyoky ka'ap tjëkyepy tkumëtowëty ja teety taak; nitu'ukjaty mëpaat ja'ay yë pyoky tkumëtoy.

1 Reyes 2:3

Patun mëti'ipë yë mWintsën nyi'ënä'ämëpën, aak'oy winë xytyunëty ets mpatunëp ja y'ënä'ämën kyutujkën, tyiyajtën ets ja y'aaw y'ayuk, jëtu'un ijxtëm myinyën ma ja Moisés ja y'ënä'ämënën, jëtu'un oy winë mwinpëtsë'ëm mjëjpëtsë'ëmxëtëty oy tii xytyunëty ets oy maa mtimnyëjkxëty.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Salmos 89:31

ets pën ka'ap tpatuntë ja n'aaw n'ayukës ets ka'ap tmëmëtowtë yë n'ënä'ämën ntëyajtënës.

Salmos 89:32

Kopkpëky ko nëjkx ntukumëtowtës ja y'ëxëëktu'un y'ëxëëk kajpxënëty mëët ja näywyop näkya'atsë.