Nehemías 1:2 - Biblia Dc en Mixe de Quetzaltepec

² ko jyäjty yë nmëkä'äxës mëti'ipë xyëëwajtypyën Hananí mëët yë myëku'uktëjk mëti'ipë ënety mëët nyäjyämyëët'atyën jam Judá tsyoontë. Ënätës nyajtëëwtë wi'ix ënety ja Jerusalén kajpn yajpaaty ets wi'ix ënety yajpaatë ja ja'ayëty mëti'ipë ënety ojts jam të wyimpitën ko ja Jerusalén ja'ayëty yaj'ëxwojptaaytyë.

Biblia Mixe de Quetzaltepec

² ko jyäjty yë nmëkä'äxës mëti'ipë xyëëwajtypyën Hananí mëët yë myëku'uktëjk mëti'ipë ënäty mëët nyäjyämyëët'atyën jam Judá tsyoontë. Ënätës nyajtëëwtë wi'ix ënäty ja Jerusalén kajpn yajpaaty ets wi'ix ënäty yajpaatë ja ja'ayëty mëti'ipë ënäty ojts jam të wyimpitën ko ja Jerusalén ja'ayëty yaj'ëxwojptaaytyë.

Nehemías 1:2 ပူးပေါင်းရင်းမြစ်များ

Génesis 14:10

Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

2 Reyes 24:14

Tsumy tyajnëjkxtaay ja ja'ayëty jampë tsyëënëtën Jerusalén, ja kopktëjkëty ets ja tsiptuunpë wintsënëty; ojts tyajnëjkxta'ay ja ja'ayëty mëti'ipë ijty kojtëpën taktëpën ets mëti'ipë pujxnyaj'o'oyëtëpën; majk mil ojts tyajkä'pxy ja tsumjyä'äy. Jam ma ja kajpnën nitu'uk ja ja'ay ojts kyawë'ëmy, yi'iyë mëti'ipë mëk timy'ëyoowtëpën.

2 Reyes 25:12

Yi'iyë yajwë'ëm ja ëyoowpë ja'ayëty ets tkuyu'u tkutuntëty ja xe'enty kam ets ja tsatsymkyam.

Esdras 9:14

¿wä'än tääjën ëëts jatëkok n'ëkkäjpxykyutëjtëty mijts ja m'ënä'ämën mkutujkënë ets näjyëtu'un jatëkok winë ntuntëtyës tä ja ja'ayëty mëti'ipë ëxëëktuun ëxëëkkajpxtëpënë? ¿Këtii tääjën xytyukjoot'anpëktëtyësë ets këtii tääjën nëjkx xyajkutëkoytyësë ni'ëmukë?

Nehemías 7:2

Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënety jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

Jeremias 44:14

Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënety jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënety jap oywyi'ix jaakkäktëpën.

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Ezequiel 7:16

Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.