Nahúm 3:6 - Biblia Dc en Mixe de Quetzaltepec

⁶ Ets të'ëny ntukujäjtë'ëkäämypy: Ëxëëk nyajata'any ets je'eyë myajnëxi'ik myajtukxi'ikëty.

Biblia Mixe de Quetzaltepec

⁶ Ets të'ëny ntukujäjtë'ëkäämypy: Ëxëëk nyajata'any ets je'eyë myajnëxi'ik myajtukxi'ikëty.

Nahúm 3:6 ပူးပေါင်းရင်းမြစ်များ

Job 30:19

Tëës xymyo'onts kujëpipy, jëtu'un tä yë naaxway ets jaam nyëëkuxityën.

Job 30:8

Ka'ap tii tuntë, ka'ap pën tyeety tyaakëty, ka'ap pën tsyokëtë ma naax kajpnën.

Job 9:31

japës yë Dios je'eyëm xykyukäjxnaxa'any jutjoty, yë'ëpaat yë nwit ntujkxyës xy'ëxëëk'ijxnës.

Jeremias 51:37

jëtu'un jyata'any tä ja'ay naaxmaj muum tniko'owpetyën, wax jam ya'axaanp jokaanp, ni pën jam kyatsëënëja'any, aak tsë'ëkëjaanp jam yë ja'ay.

Lamentaciones 3:16

Yajxon të tnaxkutäxë n'aaw ntëtsës naaxkëjxy; tëëjës xytyukpatijë'ëky yë naaxway.

Ezequiel 16:37

Paaty yam nwinwoowmujkta'aja'anyës ja ye'etyëjktëjk mëti'ipëjaty të xymyëëtko'knën, mëti'ipëjaty të xytsyokyën ets të xy'ëxëëk'ixyën ets ntuknimina'any; jam ma yë'ëjëtyën nijäna'any n'ixjäna'any ets m'ixëtëty niwa'ats ëxwa'ats.

Nahúm 1:14

Jëtu'un yë Wintsën yë ënä'ämën të tyajwë'ëmy ma mijtsën Nínive yajkutujkpë: Ka'ap xymyëët'ata'any yë u'unk ok mëti'ipë nëjkx tmëwë'ëmyën yë kuttujkën ets mxëëw; nyajkutëkoyäämpyës yë awinax jap ma mtsajptëjkën ets jap nëjkx nnaaxnitajy jä'ä ko mijts jëpyëkëm mkëxë'knë.

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Malaquías 2:3

Mpëjkëjantëp yam yë mkutujkënëty ets të'ëny ntukwinkujätëja'antë, yë kupixyny ets tsajpkaa yë tyi'iny mëti'ipë mwintsë'kën'ajtëpën. Ets tu'ukyë mëët yë të'ëny myajpätmuka'antë ets myaj'ixko'owtëty.

Malaquías 2:9

Paaty n'ëna'anyës, mëët yë'ëkyëjxm ko ka'ap të xymyëmëtowtës ets mëët yë'ëkyëjxm ko ka'ap tu'knax yë ja'ay të xyaj'ijxpëktë, ëjts nyajkutukäämpyës ets naax kajpn m'ëxëëk ixëtëty ets ka'ap mtsokëtëty. Yë Wintsën mëti'ipë maaytyääyëpën winë yë'ë jëtu'un ënaanp.

1 Corintios 4:13

Koos tsaaty ma'at nyajmëkajpxtë, ëëtsëty oyës n'ëtsowtë. Jëtu'unës tyampaat nyaj'ixtë ijxtëm ja pu'uxmën naaxwiiny, ijxtëm ja ja'ayën mëti'ipë ka'ap tii tkëjxmëtyën.

1 Corintios 4:9

E ëëtsëty, Jesukristë y'ayuk kajpxwa'kxpë, jëtu'unës nja'akyukëtë koos yowë Dios ix'ok të xyajwë'ëmtë ijxtëm jeexyë ëëts ja n'o'kën të kyutujknëtën ets yajja'ayxyikpë ëëts xywyanëtë ja naaxwiinyëtë ja'ay ets ja tsajpjotmëtë kukäjpxy.

Hebreos 10:33

Tam miits jënaakën myajwinkajpx myajjëjpkajpxtë ets ëxëëk myajtuntë jam mayjyä'äyjotm. Näy tam miits wiinkëtypë ja mmëku'uk mëj'ëyoowpätëtë mëti'ipë jëtu'un jajtëp këpäjtëpën.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.