Nahúm 3:10 - Biblia Dc en Mixe de Quetzaltepec

¹⁰ E yë Tebas kajpn ojts tsumy matsy wiink naax wiink kajpn yajmënëjkxnë; yë y'u'unk y'ëna'këty jam yajmëjjëpijptaaytyë ma potsy tyäkyën; mëti'ipë ënety wyintsën'ajtypyën je'eyë ojts yaj'ijxpëtsëëmnëtë ets tsyiptuunpëtëjk aak kë'ëtsumy ojts yajmënëjkxnëtë mëët yë pujxn jo'oky.

Biblia Mixe de Quetzaltepec

¹⁰ E yë Tebas kajpn ojts tsumy matsy wiink naax wiink kajpn yajmënëjkxnë; yë y'u'unk y'ëna'këty jam yajmëjjëpijptaaytyë ma potsy tyäkyën; mëti'ipë ënäty wyintsën'ajtypyën je'eyë ojts yaj'ijxpëtsëëmnëtë ets tsyiptuunpëtëjk aak kë'ëtsumy ojts yajmënëjkxnëtë mëët yë pujxn jo'oky.

Nahúm 3:10 ပူးပေါင်းရင်းမြစ်များ

2 Reyes 8:12

ets ja Hazael yajtëëwë: ¿Tii ko myä'äxy Wintsën? Tä ja Elisejë y'ëtsooy: Jä'ä ko nija'apës wa'ats ko mijts ëxëëk nëjkx jëna'a xytyuny yë Israel ja'ayëty, nëjkxëp yë nyaax kyajpn ets tsyënaaytyakn xynyino'kë ets y'ëna'ktëjk xyaj'o'k xyajtëkooyë, yë'ëpaat yë pi'k ëna'k mëti'ipë je'eyë miinpnëmën naaxwiiny ets mëti'ipë jap tyaakjootjoty yajpatpnëmën; nëjkxëp ja to'oxytyëjktëjk ja jyot myääts xytsyujkë xyjyë'të.

Job 6:27

Miitsëty kajtëm xypya'ëyowtëty yë ku'ooky u'unk ets tsojktëm xynyanitooktëty yë ja'ay mëti'ipë mëët oy mnämyäyëtën.

Salmos 137:8

Mijts Babilonyë ja'ayëty, nëjkxëp jëna'a mkutëkooytya'atë. Jotkujk ja ja'ay yajpaatëty mëti'ipë ënety ëxëëk mtuunëpën, mëët koos ëxëëk të xytyuntë.

Salmos 137:9

Jotkujk ja ja'ay yajpaatëty mëti'ipë ënety myäjtsypyën ja m'u'unk m'ëna'k ets tmëjwojpät tmëjka'tspätëty jam tsaawinm.

Salmos 149:8

ets xykyë'ëtsum xytyekytsyumtëty ja yajkutujkpëtëjk ets ja ja'ayëty mëj'äämpyë y'itën mëët ja pujxntä'äky je'emtyëtypë

Isaías 13:16

Nëjkxëp t'ixtë ko ënety y'u'unk y'ëna'k y'ooktë; yë jyëën tyëjkëty nëjkxëp yajtuktsëëmtuta'atë, ets ja tyo'oxytyëjkëty nëjkxëp yajwits yajjëtutë.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 19:4

E ëjts jamës yë Egiptë ja'ayëty nyajnëjkxa'any ma tu'uk ja yajkutujkpën mëti'ipë ka'ap nijënu'un kyäjpxyjyä'äkyukën, mëti'ipë ka'ap pën tpa'ëyoyën. Jëtu'un ja Wintsën y'ënä'äny mëti'ipë maaytyääyëpën winë.

Isaías 20:4

Näyjyëtu'un yë yajkutujkpë mëti'ipë Asiria ja'ayën myënëjkxäämpy tsumy matsy ja ëna'ktëjk Egiptë ja'ayëty ets Etiope ja'ayëty, wä'än tmëjëty tmutskëty niwa'ats tekywya'ats.

Lamentaciones 2:19

Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

Lamentaciones 4:1

Tëë ja pu'ts pujxn yëkëtyä'äy. Ka'ap y'ëk'atë'kxnë. Xii yaa muum në'ëjoty tu'ujoty yajpatnë xit ko'oy, ja tsaa oyëtypë jëtu'unyë muum jyaak ka'tsnë

Ezequiel 29:7

ko ojts matsyë mkë'ëkëjxy, mijts je'eyë ojts mtëjy ets xyajtsëtyujty ma myoxpa'ajën; ko ojts jyakëxmëta'aka'any ma mijtsën, mijts ënätyë ojts mtëjwä'kxy ets xyajkëtaawtaay.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Joel 3:3

Ojts ja nnaax nkajpnës nyätyuknikäkëtya'ajëtë mëti'ipë y'ijxpëtsëëmtën; tyo'ktë yajktë ja pi'k ëna'k ye'etyëjkpë to'oxytyëjk ets ja wit meeny mëti'ipë pyatën ko ja pi'k ëna'k to'ktë tyajktë jam tyajtuuntaaytyë ma y'uuktën myu'ukëtën ets ma ja to'oxytyëjk tmëët'atën mëti'ipë nätyo'k näyajkëtëpën.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Abdías 1:11

Ko ja mëtsip tmä'tstaay ja naax kajpn, ko ja tsiptuunpëtëjkëty wiinktsowpë tsyoontën tkë'tstaaytyë ja Jerusalén ja y'akaj, mijts jëkäm mnäpyëjktakë. Ko t'ijxpëtsëëmtë jënu'unjaty tyuka'ajëtën mëti'ipë ënety të tmäätstën ets ojts tmënëjkxtë ja wit meeny, mijts jëtu'un mnäpyëjktakë tä yë'ëjëtyën.