Nahúm 2:13 - Biblia Dc en Mixe de Quetzaltepec

¹³ Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.

Biblia Mixe de Quetzaltepec

¹³ Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.

Nahúm 2:13 ပူးပေါင်းရင်းမြစ်များ

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

2 Reyes 18:19

Tääts ja Asiria ja'ay y'ënëmaayëtë: Jëtu'un yë Ezequías xy'ënëëmëtëty, ko ya'atë aaw ayuk yë'ë kyejxyp yë Asiria yajkutujkpë: ¿Pën mijts mtyäty tyukjotkujk'ajtyp?

2 Reyes 19:23

Mëët ja ja'ay mëti'ipë mtukmëkäjxëpën ja m'aaw m'ayuk yë'ë mëët ja Wintsën ëxaty të xy'ënëëmë. Të m'ëna'any: Mëëtës ja mmaypyujxn wintëkäämpë, mëti'ipës nmëtsiptuunpyën, ¿tiijës xykyamayëp? Ëjts oyës muum tunkëjxm kopkkëjxm mpäta'anëty, oy jënu'un tyimtsipëty jam Líbano. Xymyäyëpës yë npuxëty nka'atsëty yë kepy oyëtypë mëti'ipës ntimtsyojkpyën, tä yë tsiinën ets ajë kepyën. Ëjts jampaatës nja'ty ma ja këjxmëtypë ja kopkën, ma janty yenyëtypë kepyën mëti'ipë oyëty këxë'kpën tä yë ujtskam pëjykyamën.

2 Reyes 19:9

Jam ojts ja Asiria yajkutujkpë pyäätyë ja ayuk, ko yë yajkutujkpë mëti'ipë jap tso'onpën Etiopíë tëë mëët tsyoony ja myäytsyiptuunpë ets tnipëtë'ëka'any ja Asiria yajkutujkpë. Tääts jatëkok ja Asiria ja'ay yajkutujkpë tkäjpxynyikejxy ja Ezequías mëti'ipë jam yajkutujkpën Judá,

2 Crónicas 32:19

Jëtu'un ja Jerusalén ja'ay ja Tyios yajtijtë ets yajpëjkta'aktë tä jeexyë oy nyapën Wintsënëty mëti'ipë ja wiinkëtypë kajpn y'ëwtajtëpën.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Jeremias 21:13

Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Jeremias 46:14

Tuk'ëwaanëtë yë Egiptë ja'ayëty, Migdol ja'ayëty, Menfis ja'ayëty ets Tafnes ja'ayëty: Jëjp'ixy myajpaatëty, a'ijxp jëjp'ijxp m'itëty. Jä'ä ko ëyo'on jotmay mtukminëtëty, jëtu'un myiny tä tu'uk ja'ay tmëminyën yë tyiypyujxn ets tkupuxa'any ja'ay mwintuuy mpë'aay.

Jeremias 50:31

Yë Wintsën mëti'ipë maaytyääyëpën winë, jëtu'un y'ënä'äny: Naax kajpn mëti'ipë amëj akëjxm kajpn'ajtpën, tëë nmëtsiptsoony; tëë tpaaty ja xëëw jëmëjt ma xykyumëtowëtyën yë mpoky.

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Ezequiel 13:8

Paaty ëjts maas nWintsën'atyën jëtu'unës n'ëna'any: Miitsëty ko xynyikajpx xynyimëtya'aktë ka'apë tyiyëtyën ets mëti'ipë m'antijtëpën xy'ixtë ka'ap myëtëyëty, ëjts mëtsipës n'awinpity ma miitsëtyën. Ëjts Wintsën ëjts ënaanp.

Ezequiel 21:3

jëtu'un xy'ënëëmëty: Jëtu'un yë Wintsën y'ënä'äny: Ëjts mëtsipës yam n'awinpity ma mijtsën ets nkupujxta'aja'anyës yë ja'ay, yë'ëpaat mëti'ipë ka'ap pyokymyëëtëtyën ets mëti'ipë pokymyëëtën.

Ezequiel 26:3

Paaty ëjts maas nWintsën'atyën, jëtu'unës yam n'ëna'any: Tirë, ëjts jëtu'unës yam näpyëjktä'äkyë ma mijtsën tä tu'uk mmëtsipën. Ëjts ntuknipëjktaakëjäämpy ets may yë naax kajpn mnipëtë'ëkëtëty jëtu'un tä nëë o'pykyën mejyjoty,

Ezequiel 28:22

Jëtu'un xy'ënëëmëty: Ya'atë yë Wintsën të tkäjpxy: Ëjts mmëtsipës yam n'awinpity ma mijtsën Sidón kajpn; ëjts mëj'äämpyës naxa'any ma mijtsën. Ko ënety mijts myajnitëkë maas nyaj'ixa'anyën ja nmëj'ajtënës ets nwa'ats'ajtënës, ënät nëjkx yajnijawë ko ëjts Wintsën.

Ezequiel 29:10

Oy, ka'ap wyi'ixëty, mëtsipës nnaxy ma mijtsën ets ma mmëj nëëjotmën. Tsë'ëkë jawë nyaj'awinpita'any tä të'ëts itën ets mon tuk, tyimtsoonëty jam Migdol ets jya'tëty Asuán, jampaat nyaxëty ma Etiopíë mëët mtu'kmëtsëpa'an'atyën.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Ezequiel 35:3

Jëtu'un xy'ënëëmëty: Ya'atë aaw ayuk të tnikäjpxy yë Wintsën: Ëjts mmëtsipës yam n'awinpity ma mijtsën Seir kopk ets ko ënety ntëytyuny jä'ä nyaj'awinpita'any aanë'ëk tëëtsë'ëk ets xit ko'ow.

Ezequiel 38:3

Jëtu'un xy'ënëëmëty: Jëtu'un y'ënä'äny yë Wintsën: Mijts Gog, mëti'ipë tsiptuunpë wintsën ijtpën ma Mésec ets Tubalën, mmëtsip yam nänyikäjpxyës ma mijtsën.

Ezequiel 39:1

Mijts ye'etyëjk, tukmëmëtya'ak yë Gog ëjts nxëëwkyëjxmës, jëtu'un xy'ënëëmëty: Jëtu'un yë Wintsën y'ënä'äny: Gog, mëti'ipë mëj wintsën'ajtpën jam Mésec ets Tubal, mmëtsipës yam n'awinpity ma mijtsën.

Ezequiel 5:8

Paatyës yam n'ëna'any, ëjts Wintsën: Ëjts nän mëtsipës yam n'awinpita'any mëët mijts, Jerusalén; ntëytyunäämpy yam ets y'ixtëp yë wiinkëtypë naax kajpn,

Nahúm 2:12

Yë kaateety je'eyë nëjkx muum jyëyujk matsy ets tyajwä'kxy ma kaato'oxyën mëët ja y'u'unk y'ëna'k, ujts tyaj'ity ja y'aank mëët ja jëyujk ooky.

Nahúm 3:1

Mon tuk myajpaaty mijts naax kajpn ko ëxëëk m'ëtë'ëtstë; mëti'ipë je'eyë win'ë'ëntëpën ets tsiptuuntëpën; ka'ap jyëjpkëxy ja m'ëxëëk'ajtën.

Nahúm 3:12

Tëkokyë yë mkëwent'ajtakn jëtu'un yajpaaty tä tu'uk yë higo kepyën mëti'ipë tyëëmën u'unkjatyëty ets ko yajwinxity poj'am nyëka'ata'ay ets jap kyuka'ajë y'aawjoty ma mëti'ipë jë'kxanëpën.

Nahúm 3:15

Tääts jam mnitoyëty ets kupuxy mjaak ookëty. Jëtu'un mnimayëty tä mu'u ets tä pujtpë myäyëtyën.

Nahúm 3:5

Yë Wintsën mëti'ipë maaytyääyëpën winë jëtu'un y'ënä'äny: Tyaajës nyajpaaty ets mijts ëxëëk ntuna'any: Yë'ëjës yam yë m'ëxmuk nyujkwitsäämpy jampaat ma mwiin mjëjpën ets ja'ayëty mëti'ipë wiink naax wiink kajpn tso'ontëpën ëxwa'ats m'ixku'ixëtëty ets mtsëtyu'unpaatëty ma ja yajkutujkpëtëjkën.

Josue 11:6

Yë Wintsën ojts t'ënëëmë yë Josué: Këtii mtsë'ëkëty, jä'ä ko jopy ooky ya'atë ja'ayëty kya'ata'aja'antë mijts mwintuuyëty. Yë kyëwaayëty nëjkxëp xytyektsyujkta'atë këtiipë y'ëkpëyë'knëtëty ets kyepywyintëkäämpëty mëti'ipë myëtsiptuuntëpën wa'ats xynyino'ktaayëty.

Josue 11:9

Josué ojts tpatuny tä ënety ja Wintsën të y'ëne'emyën, wa'ats tekytsyujktaay ja kwaay këtiipë y'ëkpëyë'knëtëty ets näjyëtu'un tnino'ktaay ja kepy wintëkäämpë mëti'ipë myëtsiptuuntëpën.