Nahúm 2:11 - Biblia Dc en Mixe de Quetzaltepec

¹¹ ¿Tii jam jaakwë'ëmëp ma kaa y'aankën, ma kaa u'unk y'itën? Yë kaa mëët yë y'u'unk y'ëna'k janty jotkujk ënety jam nyäyjyawëtë, nitii tkatsë'ëkëtë.

Biblia Mixe de Quetzaltepec

¹¹ ¿Tii jam jaakwë'ëmëp ma kaa y'aankën, ma kaa u'unk y'itën? Yë kaa mëët yë y'u'unk y'ëna'k janty jotkujk ënäty jam nyäyjyawëtë, nitii tkatsë'ëkëtë.

Nahúm 2:11 ပူးပေါင်းရင်းမြစ်များ

Génesis 49:9

Mijts Judá u'unk maay, jëtu'un mijts tä tu'uk yë kaa u'unkën mëti'ipë amëk jotmëk jëyujk'ajtpën ets ko tsu'tsta'ay twëjtsta'ay yë jyëyujk'ooky, tääts nyämyëkäjxtä'äkyë ets myä'äy pyo'kxy akujk jotkujk ijxtëm tu'uk yë mëj kaajën. ¿Pën nëkoo ëkyajjotkëxanëp?

Isaías 13:7

Ënet ni'ëmukë ja ja'ayëty mon tuk wyë'ëma'antë, ni'ëmukë tyajtëkoya'antë ja jotmëk'ajtën.

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënety myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.

Isaías 5:29

Jëtu'un nyiitsy tä kaajën, tä kaajën mëti'ipë të jyëyujk matsyën, ets tmënëjkxy ja jëyujk ooky, pën ëkpëjkëtëp.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Jeremias 50:44

Ajotkumonës nmina'any, jëtu'un tä tu'uk kaa ye'epyëtsimyën ujtsjoty jam ma Jordán nëëjën ets kyupëyë'ëkë mëëyjoty ma xyeemyëtyën ets nyajka'aka'anyës yë Babilonyë ja'ayëty, yë'ëjës jam mpëjkta'akäämpy ja'ay yajkutujkpë mëti'ipës të nwin'ixyën. Jä'ä ko, ¿pënës xy'ëkmëpaatëp? ¿Pën ëktsiptuna'anëp mëët ëjts? ¿Pën kupixyny këwent'ajtpë xy'ëkwinkuwa'akëpës?

Ezequiel 32:2

Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Joel 2:6

Je'eyë ja'ay tsyë'ëkëtë ko t'ixtë, tsuxk wi'ixnë jyajta'atë wiin jëjp.

Miqueas 5:6

Mëët yë tëypyujxn nëjkx t'ënä'ämtë Asiria kajpn, ma Nimrod kyukajpn'ajtyën ets nëjkx xyajpëtsë'ëmëmë ëwaatsëtuuy ma ënety ëxëëk xytyu'unëmën yë Asiria ja'ayëty mëti'ipë të tsyëpa'anninaxtën ets ja nnaax'ajt nkajpn'ajtëm të tnitëkëtë.

Nahúm 2:12

Yë kaateety je'eyë nëjkx muum jyëyujk matsy ets tyajwä'kxy ma kaato'oxyën mëët ja y'u'unk y'ëna'k, ujts tyaj'ity ja y'aank mëët ja jëyujk ooky.

Nahúm 3:1

Mon tuk myajpaaty mijts naax kajpn ko ëxëëk m'ëtë'ëtstë; mëti'ipë je'eyë win'ë'ëntëpën ets tsiptuuntëpën; ka'ap jyëjpkëxy ja m'ëxëëk'ajtën.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.