Nahúm 1:9 - Biblia Dc en Mixe de Quetzaltepec

⁹ ¿Tiitën mtuknipëjktakëtyëp ma Wintsën xynyipëtë'ëka'antën? Myajkutëkoyantëpën yë'ëjë. Ni pën mäjtsk ok tkawinkuwa'akëty.

Biblia Mixe de Quetzaltepec

⁹ ¿Tiitën mtuknipëjktakëtyëp ma Wintsën xynyipëtë'ëka'antën? Myajkutëkoyantëpën yë'ëjë. Ni pën mäjtsk ok tkawinkuwa'akëty.

Nahúm 1:9 ပူးပေါင်းရင်းမြစ်များ

2 Samuel 20:10

Amasá ka'ap niwi'ixtsow t'ijxy wi'ix ojts ja Joab ja yenypyujxn t'ëkëty jyuuty, ajotkumonë ojts yë Joab t'ëkëty tyukmoxmëtijë yë yenypyujxn ja Amasá, tääts ja tyiinty y'ixjëtäjtpëtsëëmy. Jëtu'un ja Amasá y'o'ky poj'am, ka'ap ja Joab mäjtsk'ok nyixajë'kë. Ko jëtu'un y'o'këtäky, tääts ja Joab mëët yë y'uty Abisai jatëkok tsyo'ontë ets tpanëjkxtë ja Sebá, yë myaank yë Bicri.

Salmos 21:11

Oy tjatuknipëjktaakëtëty myaj'ooka'anëtë ets tjaniwinmayëtëty ëxëëk mjatëty mkëpätëty, yë'ë ka'ap nitii tuntëty,

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Isaías 28:22

Paaty myaj'ënëëmëtë këtii je'eyë xynyëxi'ik xytyukxi'iktëty, këtiipë mjotmay kyëjääjëtëty; jä'ä ko tëëjës nijawë ko yë Wintsën mëti'ipë maaytyääyëpën winë, yajkutëkooyäämpy tu'kë'ëyë naax kajpn.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Ezequiel 21:5

Nëjkxëp yë ja'ay tnija'awëtya'atë ko ëjts Wintsën, tëëjës ja ntëypyujxn nyajpëtsëmy ets ka'apës mpëjkë'ëka'any.

Ezequiel 7:5

Ëjts, Wintsën, jëtu'unës n'ëna'any: Ix, tää wyinkony ja ëyo'on ets kanaak myiny; wiinkoonp ma mijts mkëxa'any mtuka'anyën.

Oseas 7:15

Ëjts ojtsës njayaj'ijxpëktë ets jyamëët'ajtë ja mëk'ajtën, e yë'ëjëty wiinkjaty ojts xynyimay xynyitajëtës.

Nahúm 1:11

Ma mijtsën Nínive, jam të tsyoony mëti'ipë ëxëëk nyima'ay nyitajëpën yë Wintsën: Mëti'ipë ëxëëkjaty najtskajpxëpën.

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Dios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

1 Samuel 26:8

Tä ja Absai t'ënëmaay ja David: David, yë Wintsën jëtu'un të tkë'ëyäky yë mmëtsip ma mijtsën. Mijts m'ëna'anëp etsës nyaj'ookëty, minës mëët yë kyë'ëmku'umën n'ëk tuknaaxmëtijë. Tu'ukyë je'eyë nyikë'ë ni'aaw.

1 Samuel 3:12

Ko ënety jëtu'un ja xëëw jëmëjt jyä'ty, jëtu'unës nëjkx winë ntuny tääjës të nikäjpxyën mëëtpë yë Eli y'u'unk tyo'oxytyëjk.