Nahúm 1:5 - Biblia Dc en Mixe de Quetzaltepec

⁵ Ma yë'ëjën tsëtyuuypyëjktääpy yë tun kopk; jëtu'unyë jyiiytyakta'ay yë tun kopk yë'ë wyintuuy. Tu'kë'ëyë it naaxwiinyëtë tim yu'kxtääpy ko y'ixyë ets tu'kë'ëyë jënu'un winë y'ity yajpaatyën ets jyuuky'ätyën ma yë'ëjën.

Biblia Mixe de Quetzaltepec

⁵ Ma yë'ëjën tsëtyuuypyëjktääpy yë tun kopk; jëtu'unyë jyiiytyakta'ay yë tun kopk yë'ë wyintuuy. Tu'kë'ëyë it naaxwiinyëtë tim yu'kxtääpy ko y'ixyë ets tu'kë'ëyë jënu'un winë y'ity yajpaatyën ets jyuuky'ätyën ma yë'ëjën.

Nahúm 1:5 ပူးပေါင်းရင်းမြစ်များ

2 Samuel 22:8

Ënet ojts yë naaxwiinyëtë mëk jyänty yu'kxy: Yë tun kopk jëtu'un y'ëk'ëtëtstaknë, yë'ëpaat ojts tsajp yu'kxpëjknë, Wintsën ojts yë tsyip y'äkë tyajnaxy.

Job 26:11

Ko yë Dios tsyipwinkajpxë, tsëyuuytyääpy yë tun kopk ma tsajp nyäkyumatsyën.

Job 9:5

Yë Dios ko jyoot'anpëky yajyu'kxyp yë tun kopk; yë'ë yajjijtyp ets ni pën tkanijawë.

Salmos 104:32

Ko t'ixy yë naaxwiinyëtë, ënätyë yu'kxpëky; jëënjok ënätyë tim napëtsëëmp tunkëjxm kopkëjxm ko tmëyu'kxë.

Salmos 114:4

Yë tun kopk jëtu'un ojts nyëput yujkputë tä kupixyny u'unkën ets tä tsajppax u'unkën.

Salmos 114:6

¿Tiitën të mjat të mkëpätëtë miitsëty tun kopkëty ko jëtu'un të mnëpëkax të mtsajpëkaxtë tä yë kupixyny u'unkën ets tä tsajppax u'unkën?

Salmos 18:7

Ënet ojts yë naaxwiinyëtë mëk yu'kxy. Ojts yë tun kopk yu'kxtë, kopk ëjxypyaat; ojts yajwijtsyu'kxtë mëët ja Dios ja tsyip y'äkë.

Salmos 18:8

Ojts jok pyëtsimy ma jyëjpën, ets ma y'aawën jëën jap pëtsëëm mëti'ipë yaj'o'kpën. Ojts jëënpajk tka'tspëtsëmy y'aawjoty.

Salmos 46:6

Yë mëjëtypë naax kajpn jëtu'un jyänty y'ëtë'ëts jyänty y'ëna'antë, tëkokyë mëti'ipë kutujkën'ajtëpën janty tsë'këtyëp, ets naaxwiinyëtë ka'ap jotkujk yajpaaty ko y'aaw y'ayuk tyajmëtoyë.

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Dios wyintuuy, ma ja Israel ja'ay Tyiosëtyën.

Salmos 98:7

Wä'än t'ëëtsy tkomy yë nëëmejy akujk jotkujk ets tëkokyë jënu'un jap winë y'ityën ets näjyëtu'un yë naaxwiinyëtë, wä'än jotkujk t'ity mëët nitëkokyë jënu'un jam tsyëënëtën jyuuky'atën;

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Isaías 24:1

Ixtë wi'ix ja Wintsën ja naaxwiinyëtë tuna'anyën, yajma'ta'ajäämpy ets yajwintëkooytya'ajäämpy koonëm ja ja'ay kyääkwa'kxta'atëty.

Isaías 24:20

Tä ëmu'ukyë ja'ayën, jëtu'un y'ëtëtsta'aka'any, tä mëëytyëjkën mëti'ipë nyixeny pejyën jëtu'un pyojyu'kxa'any. Yajxon ja nyëë pyoky jye'emty'ajnëtë, ka'ap t'ëkjëkyäjpnë wi'ix tmëpëtë'ëktëtyën.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 4:24

Ojts n'ixyës yë kopk ko yu'kxtë, aakjëtu'un ja tun kopk aak tsëtyuuytyëp.

Ezequiel 38:20

Ets nëjkxëp tsyë'këtya'atë yë nëë jëyujkëty, yë joonëty, yë aayjëyujk ujtsjëyujk ets mëti'ipë myox tyukye'eytyëpën ets näjyëtu'un yë naaxwiinyëtë ja'ayëty. Jijta'ajantëp yë tun kopk, yë tsaa ets potsy mëti'ipë naax kajpn nyapots'ajtypyën.

Joel 2:10

Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.

Amós 9:5

Yë Wintsën, Dios mëti'ipë maaytyääyëpën winë, ko tpaaty yë naaxwiinyëtë jëtu'unyë jyiiywya'kxta'ay ets tyëkëtë jëëpyë yaxpë mëti'ipë jam tsënaaytyëpën. Jëtu'un yë naaxwiinyëtë nyëje'etsy yujkje'etsy tä Nilë nëëjën.

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Habacuc 3:10

Tim yu'kxtakp yë tun kopk ko m'ixyë; jam tsajpjotm mëk komtuu jam të tsyoony ets y'iitsy kyomy yë nëë o'pyky, mejyjoty ko nëkooyë jyänty pyëti'iky.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

Mateo 28:2

Ajotkumonë tyëjkëy naaxwiinyëtë yu'kxpë, jä'ä ko tu'uk ojts ja Dios ja y'anklës tsyoony tsajpjotm ets kyëtäky naaxwiinyëtë, jam jut'ëkë'ëm nyäpyëjktakë ets tjëkëëy ja mëjtsaa mëti'ipë ënety ja jut y'akë'ë'ajtypyën.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 6:14

Jëtu'unyë ja tsajp tyëkooytyääy ijxtëm ja noky yaj'axaatsyën. Ets tëkokyë ja tun kopk ets ja it naaxwiinyëtë të'ëts'itumpë ets mejyjotypë wya'ktëkajtstaaytyë.

Jueces 5:5

Mijts mwintuuy Wintsën, mijts mwintuuy, Dios mëti'ipë Tyios'ajtypyën yë Israel kajpn, yë kopk tëë xyajyu'kxy, tëë xyajyu'kxy ja Sinaí kajpn.