Nahúm 1:2 - Biblia Dc en Mixe de Quetzaltepec

² Yë Wintsën ni'äkë'ajtp yë'ë ets nitsiptuunp: Ni'äkë'ajtp ma ja ja'ayëtyën mëti'ipë ëwa'ktujkëpën ets tyukjoot'anpëjkpy yë myëtsiptëjk.

Biblia Mixe de Quetzaltepec

² Yë Wintsën ni'äkë'ajtp yë'ë ets nitsiptuunp: Ni'äkë'ajtp ma ja ja'ayëtyën mëti'ipë ëwa'ktujkëpën ets tyukjoot'anpëjkpy yë myëtsiptëjk.

Nahúm 1:2 ပူးပေါင်းရင်းမြစ်များ

Job 20:23

Ko ënety y'ënä'äny tyaj'utsa'any yë jyot, jää nëjkx yë Dios tyukjoot'anpëkyë ets nëjkx ma yë'ëjën yë tsyip y'äkë tyajnajxta'ay.

Salmos 94:1

Näyajnikëxë'ëkët mijts Wintsën, Dios mëti'ipë tukëpäjtpën ja poky.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Éxodo 34:14

Këtii wiinkëtypë wintsën xy'ëwtatëty, jä'ä ko yë Dios ni'äkë'ajtp yë'ë, jä'ä xyëëwajtyp Ni'äkë'ajtpë.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Dios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Isaías 66:15

Jä'ä ko yë Wintsën jëënjotypyën të myiny të jyä'ty, yë kyepy wintëkäämpë jëënyä'änkën kyëxë'ëky; jëtu'un tyajnaaxkëta'aka'any yë y'oyajtën tä jëënpajkën ets tëytyuna'any ja myëtsip.

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Jeremias 28:8

Ja käjpxnyajxpëtëjkëty mëti'ipë tëëyëp juuky'ajtëpën ma ënety mijts ets ëjts ka'ap nmi'inëmën naaxwiiny, ojts t'akajpxtë ko jyää'ata'any ma naax kajpnën ja tsip, yuu xëëw ets pa'am ëyo'on.

Jeremias 3:5

¿tii xëmëtën m'äka'anyë, xëmë kyëjxmën yë mjoot'an xymyëët'ata'anyë? Ets nëkoopë jëtu'un m'ëna'any, mijts je'eyëm mpokytyuun'ëtë'ëtsy.

Jeremias 36:7

wä'änxyëp tmëpëjktsowtëty yë Wintsën ets tyaj'oyëtëty yë jyot wyinma'any ets tyu'unënëty kyajpxënëty, jä'ä ko yë Wintsën tëë tukjoot'anpëky ya'atë naax kajpn.

Jeremias 4:4

Miitsëty Judá ja'ayëty ets Jerusalén ja'ayëty, ja'amyätstë ko ëjts Wintsënajtp. Pëjkta'aktë jap mjootjoty mwinma'anyjoty ja käjpxytyu'unën mëti'ipë të ntu'unëmën; këtiipë tsyooypyëkëty jëënën ja ntsip n'äkës ko ënety tëkatsy tii xytyuntë ets ka'ap tjëkyäpëty wi'ix pyi'itsëtyën.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënety kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Lamentaciones 4:11

Yajnajx ja Wintsën ja tsyip y'äkë, ojts tyajmëtä'äky ja jyoot'an; yajnitooy ja Sión kajpn ets yë'ëpaat tyajkutëkooytyääy ja pyoty ëjx.

Ezequiel 36:6

Nimëtya'ak ëjts nxëëwkyëjxmës wi'ix yë Israel kajpn ëxëëk jyata'anyën ets xy'ënëëmëty: Jëtu'un yë Wintsën t'ënëmaay yë tun kopk, yë nitun, mëjnëë ets joyjyot: Ëjts nmëët'ajtypyës ja mëk aaw mëk ayuk, mëti'ipës nkajpxpëtsëëmpyën mëët ja joot'an, mëët ko ja wiink naax wiink kajpn je'eyë të m'oj të mya'axëtë.

Ezequiel 38:18

Ëjts Wintsën, jëtu'unës n'ëna'any: Ko ënety yë Gog tnitëkë yë Israel kajpn, mëkës nëjkx njoot'anpëky.

Ezequiel 38:19

Maas yam njoot'anpëkyën, jëtu'unës yam n'ëna'any nxëëwkyëjxmës ko jääjës nëjkx tu'uk yë ujx mëkpë nyajnaxy ma Israel kajpnën.

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Ezequiel 5:13

Jëtu'unës nëjkx ja n'äkë nyajnaxy ma yë'ëjëtyën; yë'ëjës ntuk'ëwa'anxäämäämpy etsës njotkujkëty. E ko ënety winë të ntunyës tääts nëjkx tnijawëtë, ko ëjts mëti'ipë Wintsën'ajtpën ojtsës njanikäjpxy maas ënety tëë ntukjoot'anpëknëtën.

Ezequiel 6:12

Mëti'ipë jëkäm yajpatëpën pa'am ëyo'on nëjkx yaj'ookëtë, mëti'ipë winkon yajpatëpën tsip käjpxy nëjkx yaj'ookëtë, e mëti'ipë kajpnjoty wë'ëmtëpën juuky, yuu nëjkx jyaak yaj'ookëtë. Jëtu'un nëjkx nyajkëxy nyajnaxyës yë ntsip n'äkës.

Ezequiel 8:18

Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Joel 2:18

Ënet ja Wintsën ojts ja nyaax kyajpn tpa'ëyoy, tsyojk jya'awëy; ojts ja kyajpn tnajts'ëyowë,

Miqueas 5:15

Maas ja ntsip n'äkë ënety nyajnaxyën, ëxëëkës nëjkx ntuny ja naax kajpn mëti'ipës xykyamëmëtoowpën.

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Zacarías 1:14

ets ja tsajpjotmëtë kukäjpxy xytyuknipëjkyës ets nimëtya'akëtyës ja aaw ayuk: Jëtu'un yë Wintsën y'ënä'äny, mëti'ipë maaytyääyëpën winë: Ëjts nëkooyës ntsojknë nja'awënë yë Jerusalén kajpn ets Sión kopk.

Zacarías 8:2

Yë'ëjës ya'atë aaw ayuk nikäjpxyp, ëjts Wintsën mëti'ipë maaytyääyëpën winë, jëtu'unës n'ëna'any: Äjkëpës, mëj këjääjës ni'akë'aty yë Sión kajpn, nëkooyës n'äjkënë.

Romanos 12:19

Miits mëku'uktëjkëty, ntsojktëp miits ni'ik. Ka'ap ja mmëtsip ëxëëk xymyëwinpitëty pën tëë tii mtukmëtuuntëkoyëtë, Dios yë'ë tukupätëtëp; jä'ä ko jëtu'un ja Dios ja y'aaw y'ayuk kyëxja'ayëty: Ëjts xypyatp npëjkta'akëty ja tëytyu'unën, ëjts ntukëpätëp, jëtu'un ja Wintsën y'ënä'äny.

Romanos 13:4

Dios yë'ë të tyuknipëjktaakëtë ets miits jotkujk myajpaattëty. E pën mijts ëxëëk m'ëtë'ëtsy m'ëna'any kopkpëky ko mtsë'ëkëty; jä'ä ko ka'ap ja kutuunktëjk nëkoo ja mëk'ajtën të yajmo'otë, yë'ë ets ja Dios tmëtuntëty ets tëytyuntëty ja ja'ay mëti'ipë ëxëëk ëtëtstëp ënantëpën.

Deuteronomio 4:24

Jä'ä ko miits yë mWintsën Tiosëty, yë'ë Dios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Deuteronomio 7:10

E mëti'ipë ëxëëk'ijxëpën, poj'am tyajkutëkoy. Yë'ë ka'ap tyajpo'oxy ets tukukëpety ja ja'ay mëti'ipë ëxëëk'ijxëpën.

Hebreos 10:30

Nnija'awëm ëëtsajtëm ko Dios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Dios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.