Nahúm 1:15 - Biblia Dc en Mixe de Quetzaltepec

¹⁵ Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Biblia Mixe de Quetzaltepec

¹⁵ Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Nahúm 1:15 ပူးပေါင်းရင်းမြစ်များ

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Romanos 10:15

¿E wi'ix tkajpxwa'kxtëty pën ka'ap pën kyäxëtë? Ijxtëm ja kuja'ay myinyën: Janty'oy yaj'ixy ko jya'të mëti'ipë yajmiintëpën ja oy aaw oy ayuk.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Lucas 2:10

Tääts ja tsajpjotmëtë kukäjpxy y'ënëmaayëtë: Këtii mtsë'ëkëtë, aaw ayukës oypyë nmëmiinpy mëti'ipë ja'ay ni'ëmukë tyukxoonta'aktëpën.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Salmos 107:15

Kukajpxëtë yë Dios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

Salmos 107:8

Kukajpxëtë yë Dios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

Nahúm 1:14

Jëtu'un yë Wintsën yë ënä'ämën të tyajwë'ëmy ma mijtsën Nínive yajkutujkpë: Ka'ap xymyëët'ata'any yë u'unk ok mëti'ipë nëjkx tmëwë'ëmyën yë kuttujkën ets mxëëw; nyajkutëkoyäämpyës yë awinax jap ma mtsajptëjkën ets jap nëjkx nnaaxnitajy jä'ä ko mijts jëpyëkëm mkëxë'knë.

Isaías 41:27

Ëjts tëy, ojtsës winë ntuk'ëwaanëtë yë Sión ja'ayëty, ojtsës nja'ay nkexy ets nikajpxëty ko tsojk jatëkok jyä'äy wyimpita'antë.

Isaías 42:11

Wä'än txoonta'aktë ja të'ëts'itjot ets ja ja'ayëty jënu'un jam tsyëënëtën, ets näjyëtu'un ja naax kajpnëty jampë yajpaatën ma tsyëënëtën ja Quedar ja'ayëty. Wä'än t'ëwtë tya'axtë mëët yë jotkujk'ajtën yë Selá ja'ayëty; wä'än mëk tyajmëtoy ëy yä'äxy jam ma tun kopkën.