Nahúm 1:12 - Biblia Dc en Mixe de Quetzaltepec

¹² Paaty yë Wintsën yë nyaax kyajpn të t'ënëëmë: Oy jënu'un yë Asiria ja'ayëty myëk'atë ets oy jënu'un nyimay'atë, nëjkxëp kyutëkooytya'atë ets kyëjxta'atë. Oy të n'ëkyaj'ëyoy ka'ap jëtu'un n'ëktunanë.

Biblia Mixe de Quetzaltepec

¹² Paaty yë Wintsën yë nyaax kyajpn të t'ënëëmë: Oy jënu'un yë Asiria ja'ayëty myëk'atë ets oy jënu'un nyimay'atë, nëjkxëp kyutëkooytya'atë ets kyëjxta'atë. Oy të n'ëkyaj'ëyoy ka'ap jëtu'un n'ëktunanë.

Nahúm 1:12 ပူးပေါင်းရင်းမြစ်များ

Joel 2:19

jëtu'un y'ënäny: Tyam ntuknikäxtëty yë tsajpmok, yë tsatym nyëë ets on, mapaat mku'uxëtën; ka'apës nijëna'a n'ëkyajkutukanë ets naax kajpn mëti'ipës ka'ap xy'ixy'ätyën mtukxi'ikëtëty.

Apocalipsis 7:16

Ka'ap ja yuu tëëtsë t'ëkmëët'atanëtë, ka'ap nyi'ana'antë ets ka'ap y'an'ooka'antë,

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Daniel 11:10

E yë y'u'unk y'ëna'këty yë yajkutujkpë mëti'ipë anëkëjxytsyowën, yë'ë nëjkx tma'kxtë yë jyä'äy mëti'ipë tsiptuntëpën. Ets tu'uk nëjkx tuknipëjktaakë tnitëkëja'anëty ja yajkutujkpë mëti'ipë ëpa'tkë'ëytsyowën ets nëjkx tyajkutëkoy ja naax kajpn tä jeexyë nëëkom të nyäxyën; ets nëjkxëp jatëkok tnitëkë ja naax kajpn jampaat nëjkx jyä'ty ma ja kutujktaknën jampë yajpaatyën ëpa'tkë'ëmtsow.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Isaías 17:14

Ko jyopy'äty janty'oy yaj'ixy y'ujts'aty, e ko tsyu'ujënyë tëë nyaxo'tstaaynyë. Jëtu'un jyatë ja ja'ayëty mëti'ipë je'eyë një'kxy'ajtëmë myëkäk myëpujtëpën, jëtu'un jyatë ja ja'ayëty mëti'ipë xit ko'ow të xyajwë'ëmëmën.

Isaías 8:8

Jëtu'un jam Judá jya'ta'any, tyimku'tëty jëtu'un yo'kntuuy. Ets nyäwya'kxa'anyë ets tyajwintujktaja'any ja mnaax mkam, Emanuel.

Isaías 7:20

Nëjkxëp ja Wintsën tyajtuunkpaaty ja Sirië yajkutujkpë, jëtu'un tyajtuna'any tä tu'uk yë tsujknën mëti'ipë jëkäm tso'onpën, jamtsow y'ëwtita'any Éufrates ets yajnijäpa'antë yë Israel ja'ayëty, yajjäjpta'ajaanp yë kyëpajkëty, y'awaayëty ets o'ktëy yajpëjkta'aka'antë.

2 Reyes 19:37

E tu'kxëëw tu'kjëmëjt, jam ënety yajpaaty tsajptëkotm, jä'ä jap y'ëwtajtyp ja Nisroc, mëti'ipë yë'ë wyintsën'ajtëpën, tä jam tyukja'ajtë nimäjtsk ja myaank mëti'ipë xyëëwajtëpën Adramélec ets Sarézer, mëti'ipë yaj'o'kën, ja tuuntëkoopyë ënätyë ojts kyakojnëtë ets jam nyëjkxtë Ararat itjotmën. Ma ja kutujktaknën yë'ë ojts kyutëkëty ja myaank Esarhadón.

2 Reyes 19:35

Jä'ä tsu'um ja Wintsën ja kyukäjpxy ojts tyaj'o'kta'ay ja Asiria ja'ayëty ma ënety jam jyajta'aktën, mëko'px ja tëkë'px mëkoxk mil ja Asiria tsyiptuunpëja'ayëty y'o'ktë, komjëpom may o'kpë ojts kyuxëënyë.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Isaías 10:16

Paaty ja Wintsën mëti'ipë maaytyääyëpën winë, yajmëjaawkukëxëjäämpy ja ja'ay mëti'ipë mëk näjya'awëyëpën, yë'ë yajminäämpy mëk jëënpa'am ets toopyëm ja jyot nyini'kx tjawëtëty.