Miqueas 7:2 - Biblia Dc en Mixe de Quetzaltepec

² Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Dios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Biblia Mixe de Quetzaltepec

² Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Tios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Miqueas 7:2 ပူးပေါင်းရင်းမြစ်များ

Salmos 10:9

Jëtu'un tä yë kaajën jap y'aankjoty, jap yu'utsy tpa'ixy tpawoony yë ëyoopëja'ay, t'ëwxity jëna'a t'ëk matsy, e ko tmatsy tääts twinpajëtuty mëët yë tyejpxy.

Salmos 12:1

Wintsën, yajtsoktëkës. Jä'ä ko ka'ap ma pën ja'aynyë mëti'ipë oy mëpëjktëpën; ka'ap ma pën mëti'ipë mëtëy winë kyajpxtëpën.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Salmos 57:6

Yë nmëtsiptëjkës kanaakjëjp yë winma'any të t'ixta'atë mëti'ipës jeexyë ëxëëk xyajjajtp xyajkëpäjtpën; tëës xynyëë'ëtuk xytyu'u'ëtuktë, e yë'ë kë'ëm ëxëëk të jyat të kyëpätë.

Proverbios 1:11

Wä'änxyëp m'ënë'ëmxëtëty: Pamiintëk ëëtsëty, ets nyajpë'o'kmëty muum yë ja'ay ajotkumonë ko n'aye'eyëmëty.

Proverbios 12:6

Ko yë ëxëëk ja'ay kyäjpxy kutsë'ëkë yë'ë, e ko yë wa'ats ja'ay kyäjpxy yë'ë yäjkpy yë nitsokën.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Isaías 57:1

Yë oyjyä'äytyëjkëty ko y'ooktë, ni pën kyamëmay kyamëtajyë; Yë oyjyä'äytyëjkëty jëtu'unyë yaj'ijxtëkoytyë, ka'ap pën tja'akyukë ko y'ooktë ëwaatsëtuuy'ajtën pyatëp,

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Isaías 9:19

Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Jeremias 16:16

Ëjts Wintsën jëtu'unës n'ëna'any: Nyajminäämpyës ja'ay mëti'ipë nëë jëyujk majtstëpën ets tmatstëty ja Israel ja'ay. Ok nyajmina'anyës nimay mëti'ipë aayjëyujk ujtsjëyujk y'ijxtaaytyëpën ets tmajtsmuktëty ja Israel ja'ayëty tunkëjxmëpë kopkëjxmëpë tsyëënëtën.

Jeremias 5:16

Aak tsip'ixy yë'ëjëty ets jotmëkëty; ko tsyiptuntë tim yaj'o'ktëp ënätyë.

Jeremias 5:26

Jä'ä ko tam ja ja'ay yajpaaty maas yë nnaax nkajpnën mëti'ipë je'eyë y'ijxyp tyuunpyën jëna'a ja myëku'uk t'ëk'ëxëëktuny, jëtu'un nyäpyëjktä'äkyë tä jeexyë muum tii joon tkuti'pxa'anyën, xii yaa muum o'ktakn tpëjktä'äky ets jap kyuka'anaxëty mëti'ipë y'ëxëëk'ijxypyën.

Jeremias 8:6

Yajxonës yë ntatsk xii yaa njatuk'akëyë, nimaajës të nkamëtoy pën jyotwinpity ets nimaajës nkamëtoy pën y'ënä'äny: ¿Tiijës të ntuny? Aak pe'tym je'eyë ye'eytyë tä yë kwaay pëyi'ikyë nyäxy tyëkën tsipjoty.

Lamentaciones 4:18

Aak y'ijx'ijtëp maajaty najxëmën; ka'ap tjëkyepy wi'ix muum nëjkxmëtyën. Tyim paatyp ja xëëw ma n'o'ktä'ämyëtyën, tëë jëtu'un, o'ktä'ämyëp ënät.

Ezequiel 22:12

Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Ezequiel 24:6

Jä'ä ko yë Wintsën jëtu'un y'ënä'äny: Janty mon janty tuk yë naax kajpn yajpaaty mëti'ipë yajja'ay o'kpën. Jëtu'un yë nyäxy tä tu'uk yë tu'tsën mëti'ipë tëë nyikatskënën ets ka'ap y'ëkwatsnë. Tu'ukjaty xyjyuutëty yë tsu'utsy koonëm ja tu'ts xyajtukwa'atsëty.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Oseas 6:9

Yë teetytyëjkëty mä'tspë të y'awinpijnëtë, je'eyë t'ix'ijx tpa'ijxnëtë ja'ay; näjyëtu'un yaja'ay o'knëtë në'ë'am tu'u'am mëti'ipë nëjkxpën Siquem.

Miqueas 2:8

Miitsëty tëëjës yë nnaax nkajpn xynyipëtë'këtë. Mpëjkëtyääytyëpy ja wyit tyujkxyëty ja ja'ayëty mëti'ipë tëë ojts tsyiptuntën ets mmaytyë mtajtë ko ka'ap tii mjata'anëtë.

Miqueas 3:10

mëti'ipë ja Israel kajpn kyojtëpën, mëti'ipë näjyëtu'un yajtijpën Sión kopk ma ja yajja'ay'o'kpë tsyëënëtën.

Miqueas 3:2

E miitsëty m'ëxëëk'ijxtëp ja opyë ets m'oyjya'awëtëp ja ëxëëkpë; jëtu'un ja nnaax nkajpnës xytyuntë tä jeexyë xynyikë'tstu'utën ets niwa'ats ëxwa'ats xyajwë'ëmtë.

Zacarías 11:6

Näyjyëtu'unës ëjts ka'apës mpa'ëyowa'antë yë ja'ayëty mëti'ipë yaa tsënaaytyëpën ma ya'atë naax kajpnën, ni'ikyës nkë'ëyajkta'aja'antë ma jyiiky myëku'ukëtyën ets ma kyutujkpëtëjkëtyën. Ets yë'ëjëty tyajkutëkoya'antë yë naax kajpn ets ni pën nkayajtso'oka'anyës ma kyë'ë y'aawëtyën. Ëjts Wintsën, ëjts yam ënaanp.

Hechos 24:9

Ja Jutiis ja'ayëty mëti'ipë ënety jam yajpatëpën näjyëtu'un y'ënantë.

1 Samuel 24:11

Paaty tyam Wintsën, ix yajxon mëti'ipës yam nkë'ëpëk'ajtypyën: tu'këëtsy yë Wintsën yë nyijän mëti'ipë të tjajëkyepyën jeexyë të nyaj'ookyës. Yë'ë jëtu'un mtukja'akyukëp ko ka'apës mijts n'ëxëëktuna'any, ka'apës ntsoky ets ëxëëk mjatëty mkëpätëty ets ka'apës ma mëyajtën wintsë'kën nyajtëkoy ma mijtsën. E mijts janty jëtu'unës xy'ixjëtijt xypyajjëtijnë etsës xyaj'ooka'any xyajtëkoyä'äny.

1 Samuel 26:20

Ëjts ka'apës njatsoky etsës ja njot ne'pny jëkäm yajtäm yajjä'ätsëty ma ja Wintsën ka'ap tnijawëtyën. E yë mëj'ënä'ämpë ooky timy ixa'any ya'atë pixk, jëtu'unës xy'ixjëtity xypyajëtity tä jeexyë tii të tyajtëkoyën.