Miqueas 7:16 - Biblia Dc en Mixe de Quetzaltepec

¹⁶ Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënety tnijawëtë ja mmëkajtën. Wä'än uum ets nat twë'ëmtë.

Biblia Mixe de Quetzaltepec

¹⁶ Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënäty tnijawëtë ja mmëkajtën. Wä'än uum ets nat twë'ëmtë.

Miqueas 7:16 ပူးပေါင်းရင်းမြစ်များ

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Apocalipsis 11:18

Tëë ja naaxwiinyëtë ja'ay jyoot'anpëktë ets tëë ja tiempo tpaaty ets xtyiytyunëty ja ja'ay ets xypyaye'eyëty ja pyoky ja o'kpë; ets ja mkäjpxynyajxpëtëjk xymyo'ojëty ja nyäkyumayë, ja wa'atspë ja mkajpn ets mëti'ipë myëjja'awëtëpën ja mxëëw, mëj mutskpë; jëtu'un xyajkutëkoyëty mëti'ipë yajkutëkooytyëpën ja naaxwiinyëtë.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Zacarías 12:9

Jä'ä xëëw nyaj'atëkoyäämpyës yë naax kajpn mëti'ipë ënety nëkoo myëma'ayëpën yë Jerusalén kajpn.

Miqueas 5:8

Ënet jam naaxwiinyëtë itkujky, ja Jacob ja y'u'unk y'ok mëti'ipë ënety të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Ezequiel 38:23

Jëtu'un may yë naax kajpn ntuk'ixa'anyës ko ëjts mëjës ets wa'atsës. Ëjts näynyikëxë'ëkanëpës ma yë'ëjëtyën ets nëjkxëp tnijawëtë ko ëjts Wintsën.

Salmos 126:2

Ënet ojts janty jotkujk nnäjya'awëmë, ets ojts nxikëmë nxo'onëmë. Ja ja'ayëty mëti'ipë ka'ap ja Dios t'ëwtatën jëtu'un ojts y'ëna'antë: Yë Dios mëjwiin këjää winë të tuny ma yë'ëjëtyën.

Job 21:5

Pën miitsëty mmëtoow'ijtëp mëti'ipës yam nkajpxäämpyën, uum mwë'ëmtëty.

Proverbios 30:32

Pën nanitsuu nanipoj mëj këjxm të mnäypyëjktä'äkyë ets ajotkumonë tii ëxëëk të xynyimay të xynyitajë, mëmay mëtaj yajxon.

Miqueas 3:7

tääpë käjpxynyajxpëtëjkëty ets najtsja'apëtëjkëty nëxi'iky tukxi'iky nëjkx wyë'ëmtë. Amonyë nëjkx wyë'ëmta'atë jä'ä ko ka'ap ënety ja Dios të myo'ojëtë ja ëtsoowinpijtën.

Hageo 2:22

nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.