Miqueas 7:11 - Biblia Dc en Mixe de Quetzaltepec

¹¹ Jerusalén, pyätyp jatëkok ja xëëw po'o ma ja mpotsy yajkoj'oyëtyën ets ja mtsëpa'an nyaaxkëta'akëty.

Biblia Mixe de Quetzaltepec

¹¹ Jerusalén, pyätyp jatëkok ja xëëw po'o ma ja mpotsy yajkoj'oyëtyën ets ja mtsëpa'an nyaaxkëta'akëty.

Miqueas 7:11 ပူးပေါင်းရင်းမြစ်များ

Nehemías 2:17

Tääjës n'ënëmaaytyë: Miitsëty wa'ats xynyijawëtë ko ëëts'ajtëm tsip oy ja njuukyajtën'ajtëm yajpaaty, ixtë ja naax kajpn Jerusalén kajpn të nyajijtutaaynyë ets ja nyijëën'aaw nyitëjk'aaw tëë nyaaxmëto'oyëtyääynyë. Mintë ni'ëmukë ma ëjtsën, puwa'këtyëkës ets tsojk nkoj'o'oyëmë ja mëjpotsy mëti'ipë ja naax kajpn nyapots'ajtypyën këtiipë ëtsajtëm nëxi'iky tukxi'iky ntimwyë'ëmëty.

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënety ja Wintsën mëët ja pyutëjkën nmëtä'äkyës.

Nehemías 4:3

Tam ja Tobías ënety näjyëtu'un pya'u'unyëty ets ojts y'ënaanpë: Ixtë, ko xyijy yë pyotsyëty jam wintu'upëky t'oytyuntë, mëpaatëp jam tu'uk wax kyëxpujnë ets tyajëmaamkëta'akëty.

Nehemías 4:6

Ëëtsëty je'eyëmës ojts ntuun'ëtë'ëtstë, kujkwä'kxy nyujkpojtstës ja potsy. Janty winë aaw winëjot ja ja'ay jyänty tyuntë.

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Isaías 54:2

Yajmëjë yë m'ijtakn, yajkëjääjë yë mtsënaaytyakn; jëjptsumë yë mtejpxy, ta'tspëky nikupë,

Isaías 58:12

Nëjkxëp ja naax kajpn tkoj'o'oyëtyä'äy ja jëën tëjk jënu'un ënety të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Isaías 61:4

Nëjkxëp yajkoj'oyëtë ja tukpotsy, nëjkxëp yajkoj'oyëtë ja tuk tëjk, ets y'o'oyëtya'ajëty ja mëjëtypë naax kajpn mëti'ipë të kyutëkoytyën.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.