Miqueas 7:10 - Biblia Dc en Mixe de Quetzaltepec

¹⁰ Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Biblia Mixe de Quetzaltepec

¹⁰ Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Miqueas 7:10 ပူးပေါင်းရင်းမြစ်များ

2 Samuel 22:43

Täätsës jëtu'un të nyajjajta'ay tä yë naaxway pyojë'ëkyën. Tëë n'atään ntuktäänës tä ja'ay mo'onts t'atään tuktäänën tu'ujoty.

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Salmos 115:2

¿Wi'ix ko ënät tyajtëwtëty yë ja'ayëty mëti'ipë wiink tios y'ëwtajtëpën, maa ja nTios'ajtëmë?

Salmos 18:42

Way wayës të ntuunta'ay tä naaxwayën mëti'ipë pojë'kpën. Tëës n'ateeny ntukteeny tä mo'ontsën tu'ujotypë.

Salmos 35:26

Wä'än twë'ëmtë tsëtyu'unmëët ets wä'än tkumon tkutukëtë mëti'ipës xytyukxoontaktëpën koos n'ëyo'onpaaty; wä'än twë'ëmtë tsëtyu'unmëët mëti'ipë mëj këjxm näjya'awëtëpën këtiinëm ëjts.

Salmos 42:10

Jëtu'unës yë nwaay mpajk pyëjknë y'atoonë koos xyajjoot'anpëktë yë nmëtsiptëjk, ets janaam jatsojk xyajtëwtës: ¿Ma ënät ja mTios?

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 58:10

Jotkujk nyäjyawëja'anyë ja wa'ats ja'ay ko ënety të yajnipaye'ey ma ëxëëk të jyäty të kyëpetyën; jëtu'unyë nëjkx t'ateeny tukteeny ja jyot nye'pyny ja myëtsip ëxëëkpë jyä'äy'ätyën.

Salmos 79:10

Ka'ap tjëkyepy ets tääpë ja'ayëty mëti'ipë ka'ap të t'ëwtatyën y'ëna'antëty: ¿ma ënät ja mTios? Tuk'ijxtëk ëëtsëty näjyëtu'un wi'ix ëxëëk jyatën kyëpätën ja ja'ayëty mëti'ipë të tyaj'ooktën ja mtuunpëtëjk. Wä'än tnijawëtë ja'ayëty mëti'ipë ka'ap Dios t'ëwtatën.

Salmos 92:12

Yë oyjyä'äytyëjk jëtu'un yaj'ixtë tä kumpëjyën, ets jëtu'un yontë jyiitstë tä ajë kepyën mëti'ipë yajpatëpën ma ja Líbano itjotmën.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 41:25

Ëjts ojts tu'uk ja'ay nyajminy jamtsow ma xëëw pyëtsimyën, xyëëw ojts ntukmëkäjpxyës ets ojts myiny jam anëkëjxmtsow, jëtu'un tä mo'ontsën të t'ateeny të tukteeny yë yajkutujkpëtëjk, jëtu'un tä yajtu'tskojpën tpiintä'äkyën yë mo'onts.

Jeremias 49:15

Wäänë mutsk mijts nyaj'awinpita'any ma naax kajpnën, ëxëëk nëjkx ja'ay m'ixyë.

Jeremias 51:24

E miitsëty nëjkxëp xy'ixtë ko ënety ja Babilonyë kajpn ets ja Caldeo ja'ayëty ntukumëtowtës ja nyëë pyokyëty tä pyaatëtën, mëët ko ëxëëk tuuntë ja Sión kajpn. Ëjts Wintsën, ëjts ënaanp.

Jeremias 51:51

Jëtu'un miitsëty m'ëna'antë: Ja tsëtyuuntëpës koos ja'ay xy'ojtë xya'axtë. Ëxëëkës nja jawëtë ko ja'ay jëkäm të xynyitsoontës ets të tyëkëtë nkajpnjotyëtyës ets të tyaj'ëxëëkëtë ja wa'atspë kënu'kxypyë tsajptëkoty.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënety pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Abdías 1:10

Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Abdías 1:12

Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënety jë'ë ya'ax yajpaatën.

Miqueas 4:11

Tyam tëë may yë naax kajpn mnitu'ukmukëty ets myajnipëtë'ëka'any, jëtu'un y'ëna'antë: Tsojk Jerusalén kajpn n'ijxëmë wi'ix ëxëëk jyäty kyëpetyën.

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Zacarías 10:5

Jëtu'un nëjkx nyaxtë tä yë tsiptuunpëtëjkëtyën mëti'ipë mo'onts y'atä'än tyuktä'äntëpën tu'ujoty; tsiptunantëp yë'ëjëty jä'ä ko Wintsën mëët yajpaatë ets tsëtyu'unmëët tyajwë'ëma'antë ja këwaaytyuk'u'unyääpyëty.

Malaquías 1:5

Kë'ëm nëjkx xy'ixtë mëët yë mwiinëty ets nëjkx m'ëna'antë: Yë Wintsën yë myëj'ajtën jëkämpaat muum jyä'ty.

Malaquías 4:3

Jä'ä xëëw ma ënety tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Mateo 27:43

Tëë jyot wyinma'any tpëjktä'äky ma Tiosën, wä'än Dios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Dios y'U'unk'atyë.

Josue 7:9

Ja Canaán ja'ayëty mëti'ipë winkon tsënaaytyëpën ko ënät nijawëtëty koos ka'ap ja nmëtsip të xyajmëta'aktë, yë'ë nämyukëtëp ënätëty ets xyajkutëkoya'antëtyës. E ko ënety ëëts të n'o'kta'atë, ¿pën ja mxëëw nyaja'amyätsëp?

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.