Miqueas 7:1 - Biblia Dc en Mixe de Quetzaltepec

¹ Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Biblia Mixe de Quetzaltepec

¹ Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Miqueas 7:1 ပူးပေါင်းရင်းမြစ်များ

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënety tsyojkën'ajtëpën.

Isaías 28:4

Ets tääpë pëjy oypyë yaj'ixyën mëti'ipë të xyo'tsnë, mëti'ipë jam yajpatpën joyjotm ma winë y'ity wyintëyën, jëtu'un nëjkx jyäty tä tsatym tsya'amën mëti'ipë tsaamë'kpën: ko yaj'ijxpaaty tim nayajnëtujkp ets yajjë'kxy.

Isaías 24:13

Aakjëtu'un oy myaa'ajnë naaxwiinyëtë apëtsëmy, jëtu'un të jyäty tä ja'ay aceitunas twinwopyën, ëkë tä yajwin'ixyën yë tsatymtyëëm ko të yajpëjkmujkta'ay ja pëjktä'äky.

Isaías 17:6

je'eyë jyaak yaja'amyetsy; jëtu'unyë jyaak yaj'ixy je'eyë tä tu'uk mäjtsk jyaakwë'ëmyën muum ujtstëëm ko yajwinxity, ëkë taxk mëkoxk je'eyë muum jyaakkëxë'ëky kepykyëjxm. Jëtu'un y'ënä'äny ja Israel ja Wyintsën Dios.

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Isaías 24:16

Jam ma naaxwiinyëtë jyëjpkëxyën, jampaat të yajmëtoy ko ja'ay y'ëwtë ya'axtë: Wä'än tyajmëjjaw tyäjkënu'kxyawë ja Mëtëypyë. E ëjts jëtu'unës të n'ëna'any: Janty mon janty tukës nyajpaaty. Pëjkëpës, këxaanpës. Ja ja'ay mëti'ipë ayajk kë'ëyajkpën, tëë ja myëku'uk tkë'ëyäky, tëë jëyëjp tmëmay tmëtajtë wi'ix tuna'anyën.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

Jeremias 24:2

Tu'kkatsy yaj'ixy oyëty ja higo tëëm, yë'ë mëti'ipë më''ëka'any tsaamë'kpën ets tu'kkatsy yaj'ixy ka'apë y'oyëty, ka'ap tjëkyepy wi'ix pën tjë'kxëty.

Proverbios 20:6

Tää ja'ay mëti'ipë nänyikajpxëpën ko tyukjajtyp winë tunëty, je'eyëp ko ka'ap pën tmëpëky.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.