Miqueas 6:9 - Biblia Dc en Mixe de Quetzaltepec

⁹ Yë'ë yë Wintsën myëkäjpxyp yë naax kajpn, wijyajtën ënety yajmëët'ajtp ko yaj'amëtoow'itëty mëët yë winkutsë'kën. Mëtoow'itë miitsëty naax kajpn ets miitsëty näs'ë'ëw mnaskajpxëtë.

Biblia Mixe de Quetzaltepec

⁹ Yë'ë yë Wintsën myëkäjpxyp yë naax kajpn, wijyajtën ënäty yajmëët'ajtp ko yaj'amëtoow'itëty mëët yë winkutsë'kën. Mëtoow'itë miitsëty naax kajpn ets miitsëty näs'ë'ëw mnaskajpxëtë.

Miqueas 6:9 ပူးပေါင်းရင်းမြစ်များ

2 Samuel 21:1

Ma ja David ënety y'ëne'emyën, ojts jam yë yuu xëëw y'ity tëkëëk jëmëjt. Ënet yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

Job 10:2

Mijts Dios, pokyjyä'äyës të xypyëjktä'äky. Tuk'ënëmaaykyës tiijës xytyukpoky'ijxp.

Job 23:14

Ijxtëm të tuknipëjktaakën xytyuna'anyës, jëtu'un xytyuna'anyës ets näjyëtu'un tuna'any wiinkëtypë.

Job 5:17

Jotkujk ets xoontä'äky yë ja'ay yajpaaty mëti'ipë Dios ojëpën; këtii xy'ëxëëkjawëty ko m'ojëtëty yë Dios mëti'ipë maaytyääyëpën winë.

Salmos 107:43

Mëti'ipë ja'ay wijyën jyä'äkyujkëp yë jëtu'unpë ets wyinja'ap wi'ix yë Wintsën yë tsyojkën jya'awën myëjëtyën.

Salmos 48:10

Dios, kënu'kxy yë mxëëw nyäxy naaxwiinyëtë apëtsëmy, jëtu'un ijxtëm mëpaat mëj'äämpy yajjawën. Mëët yë mkutujkën ets mmëkajtën winë xynyipaye'ey.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

Proverbios 22:3

Yë ja'ay mëti'ipë wijyën poj'am t'ixy ko muum kyutsë'ëkëty ets ënätyë tjëjpkuwa'akë; e mëti'ipë ka'ap wyijyëtyën, ni'ikyë tyu'uye'ey'ëti'ity ets ëxëëk jyäty kyëpety.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 27:10

Ja naax kajpn mëti'ipë ënety ta'tspëkyën ets këwent'atyën, xit ko'ow të jyajta'ay, jëtu'un tä tu'uk yë tëjkën mëti'ipë ka'ap pën tuktsëënën, ijxtëm it naaxwiinyëtën mëti'ipë anë'ëk tëëtsë'ëkën ets ka'ap jam pën tsyëënë. Ma tääpë it naaxjotmën jëyujk tënaaytyakn nëjkx wyä'äny, jëyujk tsajpkaa nëjkx jam y'oktë.

Isaías 30:27

Ëk'ixtë, yë Wintsën jëtu'un kë'ëm tyimminy tä ja'ayën mëti'ipë jëkäm tso'onpën; Ja jyoot'an yëkëm je'eyë wyinjojknë, ko kyäjpxy, aakjä'ä nyikäjpxyp ja o'kën tëko'oyën.

Isaías 66:6

Tääpë mëto'owën kajpnjotypë tsyoonyën, tääpë nä'ämpë tsajptëkotypë yajmëtoyën, yë'ë yë Wintsën yajmëtoowëp yë myëk'ajtën ets ëxëëk tyajjata'any tyajkëpäta'any yë myëtsip.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 26:18

Ma yajkutujkyën yë Ezequías, mëti'ipë jam Judá ënä'ämën, jää ojts yë Miqueas mëti'ipë Moreset tso'onpën, tnikäjpxy tnimëtyä'äky yë Wintsën yë y'aaw y'ayuk ets ojts tmëkäjpxy yë Judá ja'ayëty, ma t'ënëmaayën: Yë Wintsën mëti'ipë maaytyääyëpën winë jëtu'un y'ënä'äny: Jëtu'un yë Sión kajpn y'awinpita'any tä yë tsajpkaa yu'uyën, yë Jerusalén kajpn xit ko'ow jyata'any ets jam ma nitunën kajpnjotmëpë y'ityën, wa'ats y'aatëkoyä'äny.

Jeremias 26:6

ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Jeremias 47:7

¿E wi'ix tu'k'ityë wyë'ëmëty pën yë Wintsën të y'ëne'emyë? Yë'ë të tyuknipëkyë ets tyuuntëkoyëty jam ma Ascalón kajpnën ets jampaat ma mejypya'ajën.

Ezequiel 7:9

Ka'ap mpa'ëyowa'any; yë'ëkyëjxm ntëytyuna'any ko ëxëëk të m'ëtë'ëtsy të m'ëna'any ets xykyëpätëty ja m'ëxëëktu'un m'ëxëëk kajpxën. Ets nëjkx xy'ixkaptës ko ëjts miitsëty ntëytyuuntëp.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Amós 2:5

Paatykyëjxmës nyajnitooytya'aja'any yë Judá kajpn ets tääpë jëën yë'ë nyo'okäämpy yë kutujkëntëjk mëti'ipë jamën Jerusalén.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Miqueas 6:10

Ma ëxëëk ja'ay yë jyëën tyëjkën tam wit meeny yajpaaty mëti'ipë të tony të tmeetsyën, jä'ä ko ka'ap tii mëtëy të tkijpxy.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.